Tombonuo - WBT (NT+) Drama

<div class="version vid3724 iso6393txa" data-vid="3724" data-iso6393="txa">
 <div class="book bkGEN">
 <div class="chapter ch18" data-usfm="GEN.18">
 <div class="label">18</div><div class="s">Insan po minongojanji Kinoringan</div><div class="s1">nu kianak si Abraham nu kusoi</div><div class="p"> 1Minokisiou-o TUHAN so si Abraham so obi' nu puun so pongusaa'an so Mamri ri. Iya oono maamut sobana su runat om mogom-ogom iyo so longobon nu bosalag niyo ri. 2Nokoyangag iyo, nokosiou sono iyo tolu koyuwan mundii-dii dai orawu' dii so iyo. Mundako yo iyo sumamung so nosiro.#Ibr 13:2 3Sumurukudo yo iyo om mutongaro yo nu, &#8220;Oo tuan, ambai kou po. Adang kou po lumombus. 4Mongalap aku po nu sungoi puugasan muyu nu akod, om intoron-toron kou po so puun nu kayu tu. 5Pookano ku po kou pudi sabat-a su' oringkag-ringkag kou po lumombus. Minongorumat kou so aku so' minambai kou ya so uripon muyu tu,&#8221; koo.</div><div class="p">Sumombuto yo nosiro nu, &#8220;Mongunsopot kai nu koowarong nu inawo mu no. Mambai kai ya,&#8221; koo. 6Mosuwo yo si Abraham so bosalag-i, om tongaro yo si Sara nu, &#8220;Sikap-o ya, pongalap ido karut nu tapung, pilio owarong sobana no, om ogou-o momaal nu baang-baang,&#8221; koo. 7Noopod iri, mundako yo iyo mian so baanan nu pongayam niyo ri, om momilio yo nu uyog nu sapi olomu om orobuk po onsi ri, om poonsaki yo niyo so moomugogoma'on niyo ri. 8Soko iri po, olapo yo niyo susu oomis om dai oomis, om onsi noonsak-o iiri om polaki yo niyo so tombuoi niyo ri. Mundii-dii ya si Abraham so obi' nosiro ri nu laid nosiro mongokan-i.</div><div class="p"> 9Mongoduato yo sono nosiro nu, &#8220;Siombo si Sara, sawo mu ri?&#8221; koo.</div><div class="p">Sumombuto yo si Abraham nu, &#8220;Nai ya so bosalag-o,&#8221; koo. 10Mutongaro yo ido kiat so nosiro nu, &#8220;Mululi' Aku po tuui nu soko iya ya iitu nu toun koimbagu, om iya oono kopuanak si Sara nu kusoi,&#8221; koo.#Rm 9:9 </div><div class="p">(Mongkinongou-a si Sara so nosiro so longobon nu bosalag-i, so tinolikudon nu tombuoi-i.) 11Onu ya ong si Abraham om si Sara otuo yo sobana, om dai yo wulanon si Sara. 12Indadi, nokokaayak sono si Sara om minutangar so inawo nu, &#8220;Soko itu yo kotuo ku om okurudot-o koyuwan ku. Siombo su moingin aku po mokiondot nu sawo ku no? Om sawo ku no nga otuo yo,&#8221; koo.#1 Ptr 3:6 </div><div class="p"> 13Mongoduato yo TUHAN so si Abraham nu, &#8220;Nokuro su muayak si Sara, om dai poimaid nu muanak po iyo pudi otuo yo? 14Kuwai bo gaam dai owaal nu TUHAN? Soko tinangar Ku yo sisuna ri nu, siwoi po nowulan om mululi' Aku tuui, om iya oono kopuanak si Sara nu kusoi,&#8221; koo.#Luk 1:37 </div><div class="p"> 15Pagka lumaa' si Sara, minongolim sono iyo nu, &#8220;D'ado ya boto minuayak aku,&#8221; koo.</div><div class="p">Nga sumombuto yo TUHAN nu, &#8220;Bana ya nu minuayak ko sisuna,&#8221; koo.</div><div class="s">Minokiluluudon si Abraham so Kinoringan suat so lobuw nu bandar Sodom</div><div class="p"> 16Nopupus-o po iri, lumombuso yo tolu koyuwan-i, niapit-a ni Abraham. Nokologa' sono nosiro so ido tontong, osiou bandar Sodom. 17Mutongaro yo TUHAN so inawo nu, &#8220;Dai Ku ya olimon so si Abraham onu yo po waalon Ku. 18Pagka solusuk niyo no osiliw nu bansa obantug om kopogkuasa, om binorokatan Ku ya iyo, kiawi' bansa nga mokiborakat-a so Aku. 19Pinili' Ku iyo su' kopogkuasa iyo monuu' nu inonakan om solusuk niyo no obinsuut so Aku om momaal nu onu yo po owarong om ooluk. Bang waalon nosiro soko ono, tumanon Ku ya onu yo po nijanji Ku so iyo ri,&#8221; koo.</div><div class="p"> 20Mutongaro yo sono TUHAN so si Abraham nu, &#8220;Kuwai ponopudan maayo so lobuw Sodom om Gomura, om sobana ko osuang koraayan nosiro. 21Ono yo ko' mian Aku dii mongimpa' nu bana ya ka ponopudan so nosiro oono ko' dai,&#8221; koo.</div><div class="p"> 22Miano yo sono duo tombuoi ni Abraham oono so Sodom, nga minogol-a TUHAN dii si iyo. 23Mokimutongar-tongaro yo si Abraham so TUHAN nu, &#8220;Oo TUHAN, bana ka nu powaidon Mu mongoraag lobuw owarong so lobuw oraai? 24Bang limo nopulu sampuw nu lobuw so bandar oono owarong, raagon Mu ya ka kiawi' bandar oono? Dai mu ya ka ompunon nosiro su' dai matoi lobuw owarong-o? 25Kodi yo powaid-o momatoi lobuw owarong-o so lobuw oraai-o, so' bang waalon Mu soko ono, tantu kowaid oukum lobuw owarong so lobuw oraai-o. Dai otoop ong momaal nu dai ooluk moongobisara' nu wonuo tu,&#8221; koo.</div><div class="p"> 26Sumombuto yo TUHAN nu, &#8220;Bang limo nopulu lobuw owarong so Sodom, ompunon Ku ya kiawi' lobuw so bandar oono,&#8221; koo.</div><div class="p"> 27Mutongaro yo si Abraham nu, &#8220;Ompuno aku yo so' opogi aku mokimutangar-tangar so Ikau. Aku yo po ontob-a nu lobuw, om dai otoop mutangar nu onu-onu. 28Nga kalu opat po nopulu om limo lobuw owarong, om okon ko limo nopulu, raagon Mu ya gaam kiawi' bandar oono, pudi limo yo pukimpasan?&#8221; koo.</div><div class="p">Sumombuto yo TUHAN nu, &#8220;Dai Ku ya raagon bandar oono ong opat po nopulu om limo lobuw d'ado sala',&#8221; koo.</div><div class="p"> 29Mutongaro yo si Abraham nu, &#8220;Onu koo ong opat nopulu lobuw owarong?&#8221; koo.</div><div class="p">Sumombuto yo TUHAN nu, &#8220;Bang opat nopulu lobuw owarong, dai Ku ya tumanon padu-padu Ku no,&#8221; koo.</div><div class="p"> 30Mutongaro yo si Abraham nu, &#8220;Ikod-o kiungot Tuhan ong mutangar aku po. Onu koo ong tolu yo nopulu lobuw owarong?&#8221; koo.</div><div class="p">Sumombuto yo TUHAN nu, &#8220;Bang tolu nopulu, dai Ku ya tumanon padu-padu Ku no,&#8221; koo. 31Mutongaro yo si Abraham nu, &#8220;Ompuno aku yo Tuhan, nu opogi mutangar koimbagu. Onu koo ong duo yo nopulu lobuw owarong?&#8221; koo.</div><div class="p">Sumombuto yo TUHAN nu, &#8220;Bang duo yo nopulu lobuw owarong, dai Ku ya raagon bandar oono,&#8221; koo.</div><div class="p"> 32Mutongaro yo si Abraham nu, &#8220;Ikod-o kiungot Tuhan, insan aku po mutangar. Onu koo ong opulu ya koyuwan owarong?&#8221; koo.</div><div class="p">Sumombuto yo TUHAN nu, &#8220;Bang opulu po koyuwan owarong, dai Ku ya raagon bandar oono,&#8221; koo. 33Noopod-o po TUHAN mutangar-tangar so si Abraham, mulaiwo yo Iyo, om si Abraham nga minuli' yo.</div>
 </div>
 </div>
</div>

Minokisiou-o TUHAN so si Abraham so obi' nu puun so pongusaa'an so Mamri ri. Iya oono maamut sobana su runat om mogom-ogom iyo so longobon nu bosalag niyo ri. Nokoyangag iyo, nokosiou sono iyo tolu koyuwan mundii-dii dai orawu' dii so iyo. Mundako yo iyo sumamung so nosiro. Sumurukudo yo iyo om mutongaro yo nu, “Oo tuan, ambai kou po. Adang kou po lumombus. Mongalap aku po nu sungoi puugasan muyu nu akod, om intoron-toron kou po so puun nu kayu tu. Pookano ku po kou pudi sabat-a su' oringkag-ringkag kou po lumombus. Minongorumat kou so aku so' minambai kou ya so uripon muyu tu,” koo.
Sumombuto yo nosiro nu, “Mongunsopot kai nu koowarong nu inawo mu no. Mambai kai ya,” koo. Mosuwo yo si Abraham so bosalag-i, om tongaro yo si Sara nu, “Sikap-o ya, pongalap ido karut nu tapung, pilio owarong sobana no, om ogou-o momaal nu baang-baang,” koo. Noopod iri, mundako yo iyo mian so baanan nu pongayam niyo ri, om momilio yo nu uyog nu sapi olomu om orobuk po onsi ri, om poonsaki yo niyo so moomugogoma'on niyo ri. Soko iri po, olapo yo niyo susu oomis om dai oomis, om onsi noonsak-o iiri om polaki yo niyo so tombuoi niyo ri. Mundii-dii ya si Abraham so obi' nosiro ri nu laid nosiro mongokan-i.
Mongoduato yo sono nosiro nu, “Siombo si Sara, sawo mu ri?” koo.
Sumombuto yo si Abraham nu, “Nai ya so bosalag-o,” koo. Mutongaro yo ido kiat so nosiro nu, “Mululi' Aku po tuui nu soko iya ya iitu nu toun koimbagu, om iya oono kopuanak si Sara nu kusoi,” koo.
(Mongkinongou-a si Sara so nosiro so longobon nu bosalag-i, so tinolikudon nu tombuoi-i.) Onu ya ong si Abraham om si Sara otuo yo sobana, om dai yo wulanon si Sara. Indadi, nokokaayak sono si Sara om minutangar so inawo nu, “Soko itu yo kotuo ku om okurudot-o koyuwan ku. Siombo su moingin aku po mokiondot nu sawo ku no? Om sawo ku no nga otuo yo,” koo.
Mongoduato yo TUHAN so si Abraham nu, “Nokuro su muayak si Sara, om dai poimaid nu muanak po iyo pudi otuo yo? Kuwai bo gaam dai owaal nu TUHAN? Soko tinangar Ku yo sisuna ri nu, siwoi po nowulan om mululi' Aku tuui, om iya oono kopuanak si Sara nu kusoi,” koo.
Pagka lumaa' si Sara, minongolim sono iyo nu, “D'ado ya boto minuayak aku,” koo.
Nga sumombuto yo TUHAN nu, “Bana ya nu minuayak ko sisuna,” koo.

Nopupus-o po iri, lumombuso yo tolu koyuwan-i, niapit-a ni Abraham. Nokologa' sono nosiro so ido tontong, osiou bandar Sodom. Mutongaro yo TUHAN so inawo nu, “Dai Ku ya olimon so si Abraham onu yo po waalon Ku. Pagka solusuk niyo no osiliw nu bansa obantug om kopogkuasa, om binorokatan Ku ya iyo, kiawi' bansa nga mokiborakat-a so Aku. Pinili' Ku iyo su' kopogkuasa iyo monuu' nu inonakan om solusuk niyo no obinsuut so Aku om momaal nu onu yo po owarong om ooluk. Bang waalon nosiro soko ono, tumanon Ku ya onu yo po nijanji Ku so iyo ri,” koo.
Mutongaro yo sono TUHAN so si Abraham nu, “Kuwai ponopudan maayo so lobuw Sodom om Gomura, om sobana ko osuang koraayan nosiro. Ono yo ko' mian Aku dii mongimpa' nu bana ya ka ponopudan so nosiro oono ko' dai,” koo.
Miano yo sono duo tombuoi ni Abraham oono so Sodom, nga minogol-a TUHAN dii si iyo. Mokimutongar-tongaro yo si Abraham so TUHAN nu, “Oo TUHAN, bana ka nu powaidon Mu mongoraag lobuw owarong so lobuw oraai? Bang limo nopulu sampuw nu lobuw so bandar oono owarong, raagon Mu ya ka kiawi' bandar oono? Dai mu ya ka ompunon nosiro su' dai matoi lobuw owarong-o? Kodi yo powaid-o momatoi lobuw owarong-o so lobuw oraai-o, so' bang waalon Mu soko ono, tantu kowaid oukum lobuw owarong so lobuw oraai-o. Dai otoop ong momaal nu dai ooluk moongobisara' nu wonuo tu,” koo.
Sumombuto yo TUHAN nu, “Bang limo nopulu lobuw owarong so Sodom, ompunon Ku ya kiawi' lobuw so bandar oono,” koo.
Mutongaro yo si Abraham nu, “Ompuno aku yo so' opogi aku mokimutangar-tangar so Ikau. Aku yo po ontob-a nu lobuw, om dai otoop mutangar nu onu-onu. Nga kalu opat po nopulu om limo lobuw owarong, om okon ko limo nopulu, raagon Mu ya gaam kiawi' bandar oono, pudi limo yo pukimpasan?” koo.
Sumombuto yo TUHAN nu, “Dai Ku ya raagon bandar oono ong opat po nopulu om limo lobuw d'ado sala',” koo.
Mutongaro yo si Abraham nu, “Onu koo ong opat nopulu lobuw owarong?” koo.
Sumombuto yo TUHAN nu, “Bang opat nopulu lobuw owarong, dai Ku ya tumanon padu-padu Ku no,” koo.
Mutongaro yo si Abraham nu, “Ikod-o kiungot Tuhan ong mutangar aku po. Onu koo ong tolu yo nopulu lobuw owarong?” koo.
Sumombuto yo TUHAN nu, “Bang tolu nopulu, dai Ku ya tumanon padu-padu Ku no,” koo. Mutongaro yo si Abraham nu, “Ompuno aku yo Tuhan, nu opogi mutangar koimbagu. Onu koo ong duo yo nopulu lobuw owarong?” koo.
Sumombuto yo TUHAN nu, “Bang duo yo nopulu lobuw owarong, dai Ku ya raagon bandar oono,” koo.
Mutongaro yo si Abraham nu, “Ikod-o kiungot Tuhan, insan aku po mutangar. Onu koo ong opulu ya koyuwan owarong?” koo.
Sumombuto yo TUHAN nu, “Bang opulu po koyuwan owarong, dai Ku ya raagon bandar oono,” koo. Noopod-o po TUHAN mutangar-tangar so si Abraham, mulaiwo yo Iyo, om si Abraham nga minuli' yo.

Сонсох Pinongurugan 18