Khamti Shan - WBT (NT) Non Drama

Khamti Shan - WBT (NT) Drama

Tai Khamti

ဝꩫ︀်းက︀မ︀်ႈꩬ︀ိꩫ︀်ပ︀ူꩫ︀်ႇꩬ︀ီ ဝꩫ︀်းတ︀ꩫ︀ီꩫ︀်းက︀ꩫ︀ွေက︀ၢင︀်ႈလ︀ႂ်ꩡ︀ဝ်ႇꩰမ︀ႆ︀ႛ မ︀ေရ︀ီက︀ူꩫ︀်းမ︀ၢꩫ︀်ႛမ︀ႃက︀တ︀လ︀င︀ႆ︀း မ︀ေရ︀ီၸ︀ူႛမ︀ေႈယ︀ႃက︀ုꩫ︀ၵ︀ႃယ︀ေႃတ︀ၢတ︀်ၵ︀ဝ် က︀ႃထမ︀်ႛပ︀ႃꩡ︀ႃႇꩡ︀ဝ်ႛယ︀ေꩬ︀ုဢ︀ူ။ မ︀ိူဝ်ႈဢ︀မ︀ႂ်း က︀တ︀ိက︀်က︀တ︀ၢင︀်း က︀ႃႈꩭႅင︀်းဢ︀ိင︀်ႈꩬ︀ꩫ︀်မ︀ႃးꩬ︀ီ ၵ︀ုꩫ︀်ꩬ︀ၢင︀်ၸ︀ြႃးပ︀ီꩫ︀်ႈꩡ︀ဝ်ႛပ︀ႃးလ︀ိူင︀်ႈ လ︀ုက︀်ႉက︀ၢင︀်ႈꩭၢဝ်မ︀ႆ︀ႛလ︀ူင︀်းမ︀ႃးဢ︀ူ။ ၵ︀ုꩫ︀်ꩬ︀ၢင︀်ဢ︀မ︀ႂ်းယ︀ႃႇ ꩭိꩫ︀်ဢ︀ꩫ︀်ႈဢ︀ူတ︀်ꩭူးထမ︀်ႛဢ︀မ︀ႂ်းမ︀ႆ︀ႛ က︀ိင︀်ႛပ︀ုတ︀်ၵ︀ွတ︀်ꩬ︀ီ က︀ꩫ︀်ႛꩫ︀ိူဝ်ꩭိꩫ︀်ဢ︀မ︀ႂ်းမ︀ႆ︀ႛꩫ︀င︀်ႈဢ︀ူ။ တ︀ူဝ်ႈꩭၢင︀်ႈမ︀ꩫ︀်းယ︀ႃႇ ꩫ︀င︀်ၸ︀ႃႇမ︀ႅပ︀်ႉꩫ︀က︀ꩫ︀်ႈꩭုင︀်ႈꩡ︀ၢင︀်ꩰꩬ︀ီ ၵ︀ိူင︀်ႈမ︀ꩫ︀်းက︀ေႃႇ ꩫ︀င︀်မ︀ွေꩫ︀က︀ꩫ︀်ႈ ၵ︀ၢဝ်ပ︀ၢꩫ︀်းꩰꩫ︀မ︀်။ ၸ︀ူႛပ︀ႂ်ႇထမ︀်ႛꩫ︀ႆ︀ႇၵ︀ဝ်ယ︀ႃႇ က︀ူဝ်ႈတ︀ၢႆ︀ႈꩰင︀ႆ︀း ꩬ︀ꩫ︀်လ︀ိတ︀်ꩰꩬ︀ီ တ︀ႆ︀ၢႈꩫ︀က︀ꩫ︀်ႈပ︀ီꩫ︀်ႈက︀ႃဢ︀ူ။ ၵ︀ုꩫ︀်ꩬ︀ၢင︀်ဢ︀မ︀ႂ်းယ︀ႃႇ ၸ︀ူႛယ︀ိင︀်းဢ︀မ︀ႂ်းꩫ︀ၵ︀ႃမ︀ႆ︀ႛ “ꩬ︀ူယ︀ႃႇပ︀ီက︀ူဝ်ႈ၊ ꩬ︀ူၵ︀ႃꩡ︀ဝ်ႛယ︀ေꩬ︀ု ဢ︀ꩫ︀်ႈပ︀ိူꩫ︀်ႈတ︀ွက︀်ꩬ︀ဝ်ဝႃးမ︀ိုဝ်းတ︀ႆ︀ၢႈꩫ︀ႆ︀ႇꩫ︀မ︀်ꩫ︀ꩫ︀ႆ︀ႇ က︀ဝ်ႈတ︀ွင︀်းဢ︀ူ။ မ︀ႆ︀ႛ မ︀ꩫ︀်းꩡ︀ဝ်ႛ ꩵ︀ႈယ︀င︀်း။ ꩫ︀င︀်မ︀ꩫ︀်းꩡ︀ဝ်ႛဝႃႈဝႆ︀ႇꩫ︀က︀ꩫ︀်ႈ ꩫ︀ိပ︀်ပ︀ွက︀်ႉယ︀ဝ်ႇ။ ပ︀လ︀ေႃး တ︀ီႈဝႆ︀ႇꩭၢင︀်ႈမ︀ꩫ︀်းꩡ︀ဝ်ႛမ︀ႆ︀ႛမ︀ႃးလ︀ႅမ︀်းလ︀ႃး။ င︀ႆ︀းꩫ︀ႆ︀ႇꩬ︀ီ ꩬ︀ူယ︀ႃႇ တ︀ပ︀ေးꩡ︀ဝ်ႛၵ︀ဝ်မ︀ႆ︀ႛ ဢ︀ဝ်ႈက︀ႅင︀်က︀ႃတ︀ႃႉ။ မ︀ꩫ︀်းꩡ︀ဝ်ႛꩫ︀ိပ︀်ပ︀ွက︀်ႉꩬ︀ီ တ︀ိူင︀်းက︀ႃလ︀ိလ︀ႄးမ︀ႆ︀ႛ ဢ︀ေႈက︀ႃယ︀ဝ်ႇ။ ဢ︀မ︀ႂ်းမ︀ႆ︀ႛꩬ︀ူ မ︀ꩫ︀်းꩡ︀ဝ်ႛမ︀ႆ︀ႛ တ︀ီꩫ︀ႆ︀ႛꩭꩫ︀်ꩫ︀မ︀်” ꩫ︀ꩬ︀ီက︀ႃၵ︀ႆ︀ႈတ︀ႃႉ။ င︀ႆ︀းꩬ︀ီꩫ︀မ︀် က︀ဝ်ႈꩬ︀ူမ︀ႆ︀ႛမ︀ႃးၵ︀ႆ︀ႈꩫ︀ႆ︀ႇ” ꩫ︀ဢ︀ူ။ ꩫ︀ႆ︀ႇမ︀ႆ︀ႛ ၵ︀ဝ် က︀ူဝ်ႈက︀ေႃႇက︀ူဝ်ႈ ꩡ︀ူမ︀်းက︀ေႃႇꩡ︀ူမ︀်းလ︀ူင︀်ꩡ︀ူမ︀်းလ︀ၢင︀်င︀ႆ︀းꩬ︀ီ လ︀ုက︀်ႉထမ︀်ႛမ︀ႆ︀ႛ ဢ︀ဝ်ႈက︀ႅင︀်ဢ︀ွက︀်ꩬ︀ီ လ︀ႅꩫ︀်ႈက︀ႃတ︀ပ︀ေးꩡ︀ဝ်ႛၵ︀ဝ်ဢ︀ူ။ မ︀ိူဝ်ႈၵ︀ဝ်က︀ႃꩫ︀ႆ︀ႇ ꩡ︀ဝ်ႛယ︀ေꩬ︀ုယ︀ႃႇ က︀တ︀ိက︀်ဢ︀ွက︀်မ︀ႃးꩬ︀ီ “ꩭႂ်ႛက︀တ︀်ယ︀ီꩫ︀်ႈၵ︀ျမ︀်းꩬ︀ႃက︀တ︀ႃႉ” ꩫ︀ဢ︀ူ။ ၵ︀ဝ်က︀ေႃႇ တ︀ိꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ မ︀ႃးက︀ွတ︀်င︀ႆ︀းပ︀ႆ︀ၢႛဝႆ︀ႈက︀ꩫ︀်ႈဢ︀ူ။ မ︀ꩫ︀်းꩡ︀ဝ်ႛယ︀ႃႇ “ပ︀ီက︀ူဝ်ႈ။ ꩫ︀ွင︀်ႇက︀ဝ်ႈၵ︀ဝ်မ︀ႆ︀ႛꩬ︀ိုင︀်က︀ႃꩬ︀ီ ၵ︀ဝ်မ︀ႆ︀ႛꩭႂ်ႛက︀ႃတ︀ိူင︀်းက︀ႃလ︀ိလ︀ႄးတ︀ႃႉ။ ဢ︀မ︀ႂ်းမ︀ႆ︀ႛၵ︀ဝ်က︀ဝ်ႈမ︀ႆ︀ႛ တ︀ီꩫ︀ႆ︀ႛꩭꩫ︀်ꩫ︀မ︀်” ꩫ︀ဢ︀ူ။

ၸ︀ူႛယ︀ိင︀်းဢ︀မ︀ႂ်းၵ︀ဝ်ဢ︀ွက︀်က︀ႃက︀ီး လ︀ုက︀်ႉꩬ︀ိူက︀်ဢ︀ꩫ︀်ႈပ︀ႂ်ႇထမ︀်ႛပ︀ႃꩡ︀ႃႇက︀မ︀်ႈၸ︀ွင︀်းယ︀ႃႇ က︀ꩫ︀်ႛꩫ︀ႂ်းဝီင︀်းမ︀ႆ︀ႛက︀ႃꩬ︀ီ ယ︀ီတ︀်ႉပ︀ရ︀ေႃးꩭိက︀်ႉလ︀ူင︀်ꩫ︀ႆ︀ႇၵ︀ဝ်မ︀ႆ︀ႛ လ︀ွင︀်ႈဢ︀ꩫ︀်ႈပ︀ီꩫ︀်ႈက︀ႃꩫ︀ႆ︀ႇတ︀င︀်းမ︀ိူင︀်းက︀ႃၵ︀ႆ︀ႈပ︀ျႃးဢ︀ူ။ ယ︀ီတ︀်ႉပ︀ရ︀ေႃးꩭိက︀်ႉလ︀ူင︀်ꩫ︀ႆ︀ႇၵ︀ဝ်ယ︀ႃႇ လ︀ွင︀်ႈꩫ︀ႆ︀ႇတ︀င︀်းꩭူဝ်က︀ေꩫ︀ႆ︀ႇၵ︀ဝ် မ︀ူꩫ︀်ႈက︀ꩫ︀်ႈꩬ︀ၢင︀်က︀ꩫ︀်ႈယ︀ဝ်ႇက︀ီး လ︀ုက︀်ႉꩬ︀ိူက︀်ဢ︀မ︀ႂ်းၵ︀ဝ်မ︀ႆ︀ႛ င︀ိူꩫ︀်းဢ︀ၢꩫ︀်တ︀ၢꩫ︀်ꩭႂ်ႛꩬ︀ီ “ꩬ︀ူယ︀ႃႇ ဝႃႈင︀ႆ︀းတ︀ႃႉ။ က︀ၢင︀်ႈၵ︀ိုꩫ︀်းမ︀ိူဝ်ႈတ︀ူႈꩫ︀ွꩫ︀်းꩫ︀ႆ︀ႇ တ︀ပ︀ေးမ︀ꩫ︀်းၵ︀ဝ်မ︀ႃးꩬ︀ီ ꩭၢင︀်ႈတ︀ႆ︀ၢႈမ︀ꩫ︀်းလ︀ၢက︀်ႉက︀ႃယ︀ဝ်ႇ” ꩫ︀တ︀ႃႉ။ ꩬ︀င︀်ဝႃႈလ︀ွင︀်ႈꩫ︀ႆ︀ႇ ꩡ︀ဝ်ႛၵ︀ုꩫ︀်တ︀ွင︀်းက︀ႃက︀ီး ꩭႂ်ႛပ︀ူဝ်းꩬ︀ူမ︀ႆ︀ႛ မ︀ဝ်ပ︀ူင︀်ႈတ︀ၢမ︀်ꩫ︀ႆ︀ႇ တ︀ူႈလ︀ဝ်ႈတ︀ၢင︀်ꩭႂ်ႛက︀ွတ︀်။ ꩬ︀ူပ︀ီက︀ပ︀်ႉꩡ︀ႂ်ႈပ︀ိူင︀်ႈလ︀ူင︀်” ꩫ︀ဝꩫ︀်ႇ။ လ︀ုက︀်ႉꩬ︀ိူက︀်ဢ︀မ︀ႂ်းၵ︀ဝ်က︀ေႃႇ င︀ိူꩫ︀်းဢ︀ဝ်ႈꩬ︀ီꩫ︀င︀်ၵ︀ဝ်ꩭႂ်ႛဝႃႈꩫ︀က︀ꩫ︀်ႈက︀ႃဝႃႈလ︀ေဢ︀ူ။ င︀ႆ︀းꩬ︀ီ ၵ︀ၢဝ်ႈၵ︀ၢမ︀်းၵ︀ဝ်ꩫ︀ႆ︀ႇ တ︀ူက︀်င︀ႆ︀ႚတ︀မ︀ိူင︀်း ꩫ︀ႂ်းက︀ျူးꩫ︀ႆ︀ႇၵ︀ဝ်မ︀ႆ︀ႛ ꩭူင︀်က︀ꩫ︀်ႈဢ︀ူ။


တ︀ပ︀ေးꩡ︀ဝ်ႛꩬ︀ိပ︀်ဢ︀ီတ︀်က︀ူဝ်ႇယ︀ႃႇ ꩫ︀ွႆ︀ႈတ︀ိူင︀်းက︀ႃလ︀ိလ︀ႄး တ︀ီႈဢ︀ꩫ︀်ႈꩡ︀ဝ်ႛယ︀ေꩬ︀ုဝႃႈဝႆ︀ႇမ︀ႆ︀ႛ က︀ႃက︀ꩫ︀်ႈဢ︀ူ။ မ︀ꩫ︀်းꩡ︀ဝ်ႛမ︀ႆ︀ႛꩭꩫ︀်က︀ီး ပ︀ႅပ︀်ႉၵ︀ုပ︀်ႉပ︀ႆ︀ၢႛဝႆ︀ႈက︀ꩫ︀်ႈဢ︀ူ။ ꩫ︀ႆ︀ႇꩫ︀ႆ︀ၢႈက︀ေႃႇ ၵ︀ဝ်က︀မ︀်ႈၸ︀ွင︀်းယ︀ႃႇ ꩵ︀ႈၵ︀ႂ်ႈယ︀ုမ︀်ꩫ︀ီႈꩫ︀ီႈ။ ꩡ︀ဝ်ႛယ︀ေꩬ︀ုယ︀ႃႇ တ︀ႆ︀ၢႛၵ︀ဝ်မ︀ႆ︀ႛမ︀ႃးꩬ︀ီ “တ︀ꩫ︀်းၵ︀ူဝ်းဢ︀ႃꩫ︀ႃဢ︀ꩫ︀်ႈက︀ꩫ︀်ႛꩫ︀ိူဝ်က︀ၢင︀်ႈꩭၢဝ်မ︀ႆ︀ႛယ︀င︀်း၊ ဢ︀ꩫ︀်ႈမ︀ိူင︀်းက︀ၢင︀်ႈမ︀ႆ︀ႛယ︀င︀်းတ︀င︀်းမ︀ိူင︀်း က︀ဝ်ႈꩭၢပ︀်ႉဢ︀ဝ်ႈယ︀ဝ်ႇ။ င︀ႆ︀းꩫ︀ႆ︀ႇꩬ︀ီ ꩬ︀ူက︀ႃတ︀ႃႉ။ က︀ူꩫ︀်းတ︀င︀်းမ︀ိူင︀်းမ︀ႆ︀ႛ ဢ︀ဝ်ႈပ︀ီꩫ︀်ႈတ︀ပ︀ေးက︀ဝ်ႈတ︀ႃႉ။ ယ︀ဝ်ႇက︀ီး ꩡ︀ိုဝ်ႈပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛ၊ ꩡ︀ိုဝ်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛ၊ ꩡ︀ိုဝ်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ပ︀ိုင︀်ႈဢ︀ိင︀်ႈꩬ︀ီ ၵ︀ဝ်မ︀ႆ︀ႛမ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇꩭႂ်ႛတ︀ႃႉ။ ဢ︀ꩫ︀်ႈꩬ︀ူမ︀ႆ︀ႛ က︀ဝ်ႈꩬ︀ွꩫ︀်ꩭႂ်ႛမ︀ႃးꩫ︀ႆ︀ႇၵ︀ဝ်တ︀င︀်းမ︀ိူင︀်းက︀ေႃႇ ꩭႂ်ႛပ︀ူဝ်းၵ︀ဝ်ထွမ︀်ꩡ︀ွမ︀်းက︀ꩫ︀်ႈꩫ︀ႆ︀ႇ ၵ︀ဝ်မ︀ႆ︀ႛꩬ︀ွꩫ︀်ꩭႂ်ႛက︀ꩫ︀်ႈတ︀ႃႉ။ က︀ႃႈက︀မ︀်ၸ︀ႃမ︀ဝ်ꩬ︀ိင︀်ႛꩬ︀ုတ︀်ယ︀ႃႇ က︀ဝ်ႈမ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ တ︀င︀်းꩬ︀ူတ︀ီယ︀င︀်းꩬ︀ီဢ︀ူꩫ︀မ︀်။

Сонсох မ︀တ︀်တ︀ႄး 28