<div class="version vid2927 iso6393kln" data-vid="2927" data-iso6393="kln">
 <div class="book bkACT">
 <div class="chapter ch3" data-usfm="ACT.3">
 <div class="label">3</div><div class="s">Kisoobi chito ne solomwo ne somsei</div><div class="p"> 1Ak kitogostoi Petero ak Johana hekalut eng&#8217; sait ne bo saet, sait sogol. 2Ak kigiganabi chito ne ki solomwo koboch komi moetab kamet, ne kicham kindoi betut age tugul kurgetab hekalut ne kigiguure Kararan, si kosomei tuguk bik che kibendi hekalut orit; 3ko ye kingogeer inendet Petero ak Johana komachei koba hekalut orit, kosom kole kogochi kagochinet. 4Ak kiichiilji kong&#8217; Petero inendet koboto Johana, ak kolenji, Keerech. 5Ak kiinyal inendet ichek, kolen nyorune kiy. 6Ago kile Petero, Matinye feda ak tahabu; ago agonin ne atinye. Ng&#8217;eet eng&#8217; kainetab Jesu Kristo ne bo Nasaret, ak iwendote. 7Konam anyun inendet eut ne bo tai, ak kong&#8217;eet: ak kinyor kimnatet ngunoto kelyekyik ak kowekab ng&#8217;woniot. 8King&#8217;eet kochokyi, ak kotonon, ak kotoi kowendot; ak kiba hekalut orit koboto icheget, kowendoti, kotorombenoti, ak kolosu Jehovah. 9Ak kigeer bik tugul inendet kowendoti ak kolosu Jehovah: 10ak kinai icheget kole, inendet ne kicham kotebyei kosomei konunoik eng&#8217; Kurget ne kiguure Kararan ne bo hekalut: ak kikwong&#8217;io mising&#8217; ak kotang&#8217;any agobo noto kagoyaak eng&#8217; inendet.</div><div class="s">Amdaetab Petero eng&#8217; hekalut</div><div class="p"> 11Ak kingota konamoti chichoto Petero ak Johana, koruai bik tugul ole mi ichek eng&#8217; keterut ne kiguure ne bo Solomon, kokwong&#8217;dos mising&#8217;. 12Ak ye kingogeer Petero, kowolji bik kolenji, Okwek bikab Israel, kalya si okwong&#8217;ie agobo ni? Anan kalya si ochiiljech kong&#8217; ko u ne olen achek che kagigochi inendet kowendot eng&#8217; kamugennyo anan eng&#8217; imandanyo? 13Jehovah ne bo Abraham, ak ne bo Isak, ak ne bo Jakobo, Jehovah ne bo kwanisiekyok, ko kagotoror Kiboitiondennyi Jesu, ne kiogoite ak kiotiiye inendet eng&#8217; taitab Pilato, ye kiga kobegechi kotiach inendet. 14Ago kiotiiye okwek Inendet ne Tilil ak ko bo Imanda, ak osom ole kegonok rumindet, 15ak kiobar Ne O ne bo sobondo; ne kiing&#8217;eet Jehovah eng&#8217; che kibek; ki baorinikab noto achek. 16Ak kagogochi kainennyi chichi kimnatet, amu kayanet eng&#8217; kainennyi, chichi ogeere ak ongen okwek: ee, kayanet ne mi eng&#8217; Jesu ko kagogochi chichi sobet ne igesunotgei eng&#8217; taing&#8217;wong&#8217; okwek tugul.</div><div class="p"> 17Ak nguno anyun, che kitupche, angen ale, kioyai noto amu kima ongen, ko u ye kiyai bounikwok agichek. 18Ago tuguk che kiga kobor Jehovah eng&#8217; tai eng&#8217; kutuswekab maotik tugul, kole tun nyalili Kristo nenyi, ko kagoyai noto kosulda. 19Osigu anyun ak owalage, si kobiit kibukto tengekwogikwok, si kobwa anyun betusiek che bo kamuung&#8217;et che bunu taitab Kiptaiyat; 20si koyok Kristo ne kigilewenwok, inendet Jesu: 21ne kanyol kotaach kipsengwet agoi betusiek che kiwale tuguk tugul komiagitu, che king&#8217;alale Jehovah eng&#8217; kutuswekab maotikyik che tililen che kimi koboch taunetab ng&#8217;ony. 22Kimwa Musa iman, kole, Ing&#8217;eetwok Kiptaiyat Jehovah maotiot ne bunu che otupche, ne u ane; ogas it inendet eng&#8217; tuguk tugul che te che mwawok. 23Ak tun king&#8217;emei kiwong&#8217;u eng&#8217; kwenutab bik, chito age tugul ne magase it maotiondonoto. 24Ee, ak maotik tugul koboch Samuel, ak ichek che kibwanei let eng&#8217; inendet, tugul che te che king&#8217;alal, ko kimwa agichek agobo betusiechu. 25O werikab maotik, ak che bo kayomiset ne kiiyomisgei Jehovah ak kwanisiekwok. Kilenji Abraham, Kiberuri bororiosiek tugul che bo ng&#8217;ony eng&#8217; keswondeng&#8217;ung&#8217;. 26Ak ye kingo kagong&#8217;eet Jehovah Kiboitiondennyi, koyokwok okwek korok si koberurok, ak koistoe chi age tugul eng&#8217; okwek tengekwogikyik.</div>
 </div>
 </div>
</div>

God's word open for all  ©Bible Society of Kenya, 2020

Ak kitogostoi Petero ak Johana hekalut eng’ sait ne bo saet, sait sogol. Ak kigiganabi chito ne ki solomwo koboch komi moetab kamet, ne kicham kindoi betut age tugul kurgetab hekalut ne kigiguure Kararan, si kosomei tuguk bik che kibendi hekalut orit; ko ye kingogeer inendet Petero ak Johana komachei koba hekalut orit, kosom kole kogochi kagochinet. Ak kiichiilji kong’ Petero inendet koboto Johana, ak kolenji, Keerech. Ak kiinyal inendet ichek, kolen nyorune kiy. Ago kile Petero, Matinye feda ak tahabu; ago agonin ne atinye. Ng’eet eng’ kainetab Jesu Kristo ne bo Nasaret, ak iwendote. Konam anyun inendet eut ne bo tai, ak kong’eet: ak kinyor kimnatet ngunoto kelyekyik ak kowekab ng’woniot. King’eet kochokyi, ak kotonon, ak kotoi kowendot; ak kiba hekalut orit koboto icheget, kowendoti, kotorombenoti, ak kolosu Jehovah. Ak kigeer bik tugul inendet kowendoti ak kolosu Jehovah: ak kinai icheget kole, inendet ne kicham kotebyei kosomei konunoik eng’ Kurget ne kiguure Kararan ne bo hekalut: ak kikwong’io mising’ ak kotang’any agobo noto kagoyaak eng’ inendet.

Ak kingota konamoti chichoto Petero ak Johana, koruai bik tugul ole mi ichek eng’ keterut ne kiguure ne bo Solomon, kokwong’dos mising’. Ak ye kingogeer Petero, kowolji bik kolenji, Okwek bikab Israel, kalya si okwong’ie agobo ni? Anan kalya si ochiiljech kong’ ko u ne olen achek che kagigochi inendet kowendot eng’ kamugennyo anan eng’ imandanyo? Jehovah ne bo Abraham, ak ne bo Isak, ak ne bo Jakobo, Jehovah ne bo kwanisiekyok, ko kagotoror Kiboitiondennyi Jesu, ne kiogoite ak kiotiiye inendet eng’ taitab Pilato, ye kiga kobegechi kotiach inendet. Ago kiotiiye okwek Inendet ne Tilil ak ko bo Imanda, ak osom ole kegonok rumindet, ak kiobar Ne O ne bo sobondo; ne kiing’eet Jehovah eng’ che kibek; ki baorinikab noto achek. Ak kagogochi kainennyi chichi kimnatet, amu kayanet eng’ kainennyi, chichi ogeere ak ongen okwek: ee, kayanet ne mi eng’ Jesu ko kagogochi chichi sobet ne igesunotgei eng’ taing’wong’ okwek tugul.
Ak nguno anyun, che kitupche, angen ale, kioyai noto amu kima ongen, ko u ye kiyai bounikwok agichek. Ago tuguk che kiga kobor Jehovah eng’ tai eng’ kutuswekab maotik tugul, kole tun nyalili Kristo nenyi, ko kagoyai noto kosulda. Osigu anyun ak owalage, si kobiit kibukto tengekwogikwok, si kobwa anyun betusiek che bo kamuung’et che bunu taitab Kiptaiyat; si koyok Kristo ne kigilewenwok, inendet Jesu: ne kanyol kotaach kipsengwet agoi betusiek che kiwale tuguk tugul komiagitu, che king’alale Jehovah eng’ kutuswekab maotikyik che tililen che kimi koboch taunetab ng’ony. Kimwa Musa iman, kole, Ing’eetwok Kiptaiyat Jehovah maotiot ne bunu che otupche, ne u ane; ogas it inendet eng’ tuguk tugul che te che mwawok. Ak tun king’emei kiwong’u eng’ kwenutab bik, chito age tugul ne magase it maotiondonoto. Ee, ak maotik tugul koboch Samuel, ak ichek che kibwanei let eng’ inendet, tugul che te che king’alal, ko kimwa agichek agobo betusiechu. O werikab maotik, ak che bo kayomiset ne kiiyomisgei Jehovah ak kwanisiekwok. Kilenji Abraham, Kiberuri bororiosiek tugul che bo ng’ony eng’ keswondeng’ung’. Ak ye kingo kagong’eet Jehovah Kiboitiondennyi, koyokwok okwek korok si koberurok, ak koistoe chi age tugul eng’ okwek tengekwogikyik.

Сонсох BOISIONIKAB CHE KIYOKTOI 3