If you have would like a copy of this version please contact info@davarpartners.org

Logooli Old Testament

<div class="version vid2888 iso6393rag" data-vid="2888" data-iso6393="rag">
 <div class="book bkGEN">
 <div class="chapter ch3" data-usfm="GEN.3">
 <div class="label">3</div><div class="s">Kuvula Kutia Nyasaye</div><div class="p"> 1Kunangwa enzoka yaali novogeri vwu vugadi kuvita zinyama zindi ziosi zia Yahova Nyasaye yalomba. Enzoka yateva mukali, &#8220;Nyasaye yakovolera uvuli kulia ku makuyu gu musaala gwosi ogoveeye mu mulimi gwa Edeni?&#8221;</div><div class="p"> 2Mukali yativura, &#8220;Kunyala kulia makuyu ku musaala gwosi mu mulimi, 3navuzwa Nyasaye yavoola kutalia makuyu ku musaala goveeye hagati hu mulimi mba, anoho kutadira ku mba nikokola ndio, kulakuza.&#8221;</div><div class="p"> 4Enzoka yativulira mukali, &#8220;Sigaveeye agiligali mba. 5Nyasaye yavoola ndio kigira yamanya ndi lwa mulia makuyu ku musaala yigu, mulava vageri kandi mulava kuli oyo, mulimanyiriza uvulahi kandi uvudamanu.&#8221;</div><div class="p"> 6Kunangwa lwu mukali yalora ndi makuyu gu musaala yigu gaali amalahi gu kulia, kandi gaali gwu kumuyanziza, kandi musaala gwaali gwokokola mundu kuva mugeri, yavugula ku makuyu gu musaala yigu ma nalia. Kandi yavugula makuyu gandi naha musaza weve, kandi naye nalia. 7Nonoho lwa vaali nivakalia makuyu, vaali nilimanyiriza ndi vombi vaveeye viahonyo. Kunangwa vaavugura matu gi misaala ja makuyu nivahambanyia harara ma nivikunika.</div><div class="p"> 8Mu ing'inga yu mugolova musaza nu mukali vahulira Yahova Nyasaye nagenda mu mulimi. Vombi vazia kwivisa kutura imbiri wa Yahova Nyasaye, hagati hi misaala mu mulimi. 9Navuzwa Yahova Nyasaye yalanga musaza namuteeva, &#8220;Oveeye hayi?&#8221;</div><div class="p"> 10Yaativula, &#8220;Mbuliyi nogendaa mu mulimi, na ndaali nuvuti ma ninzivisa kutura imbiri woovo kigira ndaali nimbeeye chahonyo.&#8221;</div><div class="p"> 11Nyasaye yamuteeva, &#8220;Nivwaha okovooleye ndi oveeye chahonyo? Uliiyi amakuyu gu musaala gwa ndakulaga ndi uvuli kulia ku?&#8221;</div><div class="p"> 12Musaza yativura, &#8220;Mukali wa ivi waleeta kuva harara na inzi, yamba makuyu gu musaala, ma nindia.&#8221;</div><div class="p"> 13Maku Yahova Nyasaye yateva mukali, &#8220;Ni kindiki cha ivi umali kokora?&#8221; Mukali yativura, &#8220;Enzoka yaangada ma nindia likuyu.&#8221;</div><div class="s">Nyasaye Ahaanaa Likalaga</div><div class="p"> 14Maku Yahova Nyasaye yavolera enzoka, &#8220;Kigira umali kokora yaga, ulanyora mageri. Ivi weng'ine hagati hi zinyama zindi ziosi ulanyora kilaamo yiki. Kutura kalunu ivi ulamolaa ni inda yooyo, kandi ulalia luguchi madiku goosi gi limenya liilio. 15Ndaviika uvusigu hagati hoho nu mukali, kandi ndaleta uvusigu hagati hi visukululwi vienyu, visukululwi viu mukali vilasionolanyia mutwi gugwo, na ivi ulaluma visukululwi viu mukali lichi.&#8221;</div><div class="p"> 16Yahova Nyasaye yavolera mukali, &#8220;Inzi ndaameeda uvudinyu kuive muing'inga ya oveeye ninda kandi ndaameeda vuzunu kuyaga goosi mu livula avana. Ulava ni liegomba musaza woovo, kandi alakwamiiha.&#8221;</div><div class="p"> 17Yahova Nyasaye yavolera musaza, &#8220;Ndalaama lirova kigira umali kuvugilira makuva gu mukali woovo, kandi umali kulia ku makuyu gu musaala gwa ndakulaga uvuli kulia. Ulayinzira vudinyu mu madiku gi limenya liilio liosi kunangwa onyoore cha ulia. 18Amafwa kandi matagalo galamera mu mulimi kandi ulalia visara viu mu vulimu. 19Ivi ulayinzira vudinyu nukutura ologeri kunangwa uduuki konyoora chulia. Ivi walombwa kutura kumalova kandi ulakilane kumalova.&#8221;</div><div class="p"> 20Adamu#3:20 Adamu: Yili ni lieta liu Luheburaina iliveeye kovora, &#8220;Umundu.&#8221; yagulika mukali weve Hawa#3:20 Hawa: Yili liveeye kandi lieta liu Luheburaina liveeye kovora, &#8220;Umundu oveeye ni livamwoyo.&#8221;, kigira yaali mama wa vandu vosi avaveeye mwoyo. 21Kandi Yahova Nyasaye yalombera Adamu na Hawa zinguvu kutura ku visero vie zinyama ma naavavika.</div><div class="s">Adamu na Hawa Vakungwa Kutura mu Mulimi gwa Edeni</div><div class="p"> 22Maku Yahova Nyasaye yavoola, &#8220;Kalunu umundu umali kuva mulala kuli kunyi, kandi aveeye novogeri vwi limanyiriza uvulahi nu vudamanu. Si alavugilirwa kandi kuvugura makuyu kutura ku musaala gwi livamwoyo, kulia kandi komenya mihiga ni mihiga mba.&#8221; 23Kunangwa Yahova Nyasaye yakunga Adamu na Hawa kutura mu mulimi gwa Edeni, naamukora kulima mu malova gayaloombwa ku. 24Maku Yahova Nyasaye yakunga mundu kuzia ihale kutura mu mulimi gwa Edeni, yavika avakerubi ku lovega lwi ivugwi wa Edeni, kandi kivavi kehemahimaa chavodoganaa mu zimbega ziosi. Yakola ndio kwigalira mundu woosi avuli kuzia ahimbi nu musaala gwi livamwoyo.</div>
 </div>
 </div>
</div>

Kunangwa enzoka yaali novogeri vwu vugadi kuvita zinyama zindi ziosi zia Yahova Nyasaye yalomba. Enzoka yateva mukali, “Nyasaye yakovolera uvuli kulia ku makuyu gu musaala gwosi ogoveeye mu mulimi gwa Edeni?”
Mukali yativura, “Kunyala kulia makuyu ku musaala gwosi mu mulimi, navuzwa Nyasaye yavoola kutalia makuyu ku musaala goveeye hagati hu mulimi mba, anoho kutadira ku mba nikokola ndio, kulakuza.”
Enzoka yativulira mukali, “Sigaveeye agiligali mba. Nyasaye yavoola ndio kigira yamanya ndi lwa mulia makuyu ku musaala yigu, mulava vageri kandi mulava kuli oyo, mulimanyiriza uvulahi kandi uvudamanu.”
Kunangwa lwu mukali yalora ndi makuyu gu musaala yigu gaali amalahi gu kulia, kandi gaali gwu kumuyanziza, kandi musaala gwaali gwokokola mundu kuva mugeri, yavugula ku makuyu gu musaala yigu ma nalia. Kandi yavugula makuyu gandi naha musaza weve, kandi naye nalia. Nonoho lwa vaali nivakalia makuyu, vaali nilimanyiriza ndi vombi vaveeye viahonyo. Kunangwa vaavugura matu gi misaala ja makuyu nivahambanyia harara ma nivikunika.
Mu ing'inga yu mugolova musaza nu mukali vahulira Yahova Nyasaye nagenda mu mulimi. Vombi vazia kwivisa kutura imbiri wa Yahova Nyasaye, hagati hi misaala mu mulimi. Navuzwa Yahova Nyasaye yalanga musaza namuteeva, “Oveeye hayi?”
Yaativula, “Mbuliyi nogendaa mu mulimi, na ndaali nuvuti ma ninzivisa kutura imbiri woovo kigira ndaali nimbeeye chahonyo.”
Nyasaye yamuteeva, “Nivwaha okovooleye ndi oveeye chahonyo? Uliiyi amakuyu gu musaala gwa ndakulaga ndi uvuli kulia ku?”
Musaza yativura, “Mukali wa ivi waleeta kuva harara na inzi, yamba makuyu gu musaala, ma nindia.”
Maku Yahova Nyasaye yateva mukali, “Ni kindiki cha ivi umali kokora?” Mukali yativura, “Enzoka yaangada ma nindia likuyu.”

Maku Yahova Nyasaye yavolera enzoka, “Kigira umali kokora yaga, ulanyora mageri. Ivi weng'ine hagati hi zinyama zindi ziosi ulanyora kilaamo yiki. Kutura kalunu ivi ulamolaa ni inda yooyo, kandi ulalia luguchi madiku goosi gi limenya liilio. Ndaviika uvusigu hagati hoho nu mukali, kandi ndaleta uvusigu hagati hi visukululwi vienyu, visukululwi viu mukali vilasionolanyia mutwi gugwo, na ivi ulaluma visukululwi viu mukali lichi.”
Yahova Nyasaye yavolera mukali, “Inzi ndaameeda uvudinyu kuive muing'inga ya oveeye ninda kandi ndaameeda vuzunu kuyaga goosi mu livula avana. Ulava ni liegomba musaza woovo, kandi alakwamiiha.”
Yahova Nyasaye yavolera musaza, “Ndalaama lirova kigira umali kuvugilira makuva gu mukali woovo, kandi umali kulia ku makuyu gu musaala gwa ndakulaga uvuli kulia. Ulayinzira vudinyu mu madiku gi limenya liilio liosi kunangwa onyoore cha ulia. Amafwa kandi matagalo galamera mu mulimi kandi ulalia visara viu mu vulimu. Ivi ulayinzira vudinyu nukutura ologeri kunangwa uduuki konyoora chulia. Ivi walombwa kutura kumalova kandi ulakilane kumalova.”
Adamu yagulika mukali weve Hawa, kigira yaali mama wa vandu vosi avaveeye mwoyo. Kandi Yahova Nyasaye yalombera Adamu na Hawa zinguvu kutura ku visero vie zinyama ma naavavika.

Maku Yahova Nyasaye yavoola, “Kalunu umundu umali kuva mulala kuli kunyi, kandi aveeye novogeri vwi limanyiriza uvulahi nu vudamanu. Si alavugilirwa kandi kuvugura makuyu kutura ku musaala gwi livamwoyo, kulia kandi komenya mihiga ni mihiga mba.” Kunangwa Yahova Nyasaye yakunga Adamu na Hawa kutura mu mulimi gwa Edeni, naamukora kulima mu malova gayaloombwa ku. Maku Yahova Nyasaye yakunga mundu kuzia ihale kutura mu mulimi gwa Edeni, yavika avakerubi ku lovega lwi ivugwi wa Edeni, kandi kivavi kehemahimaa chavodoganaa mu zimbega ziosi. Yakola ndio kwigalira mundu woosi avuli kuzia ahimbi nu musaala gwi livamwoyo.

Сонсох LITANGA 3