Tohono O'odham - 2010 WBT (Non-Drama NT)

<div class="version vid257 iso6393ood" data-vid="257" data-iso6393="ood">
 <div class="book bkMAT">
 <div class="chapter ch11" data-usfm="MAT.11">
 <div class="label">11</div><div class="s">Mamtsh has masma wo s&#8209;amich g Jiosh si Kehsha</div><div class="r">An g neid g Luke 7:18-35</div><div class="p"> 1Am ad i ha&#42892;asa ha&#42892;ichu t&#8209;shelini g Jesus ahchim gamai gohk e&#8209;chuhchai k gam hu hahawa him k atsh an i ha mashcham k ha mihshmad mo an a&#42892;ai mia kihhimag.</div><div class="p"> 2Kumd wa eda am wabsh kia kuhpch hegai John mad am i shonwuich g pahl wakona. Sh hegam mad ab si wecho e mashcham am ahgid mo haschu chikpan hab wua g Jesus. Kutsh am ha&#42892;i ha cheha mat am wo hihim k ab wo kakke mas woho d Jiosh si Kehsha.</div><div class="p">Kudki am dada 3k ab kakke g Jesus ch hab kaij, &#8220;Ab o t&#8209;chehani g John matt ab wo m&#8209;kakke maps woho d Jiosh si Kehsha aha nat ab hahawa hema wo i wuhsh mat d wo hegaik.&#8221;</div><div class="p"> 4D eda g Jesus am ahg g e&#8209;kehg ha&#42892;ichu e&#8209;ahga ch ha dodajid g kok&#42892;odam ch hab hahawa kaij ab ha wui hegam John chuhchai, &#8220;Am g uhpam wo hihim k wo ahgi g John mam haschu i kah ch haschu i neid. 5Ha ani dodajid g pi ha dodajidam kok&#42892;odam ch pi neneadam ch pi hihimidkam ch pi chechkaidkam ch ha chechegitoichud g ko&#42892;i ch am ha ahgid g sho&#42892;igkam mat g Jiosh wo ha do&#42892;ibia. 6T g Jiosh ab wo s&#8209;em&#8209;ho&#42892;ige&#42892;idad mamtp hedai ab wabsh wo ni&#8209;hiwgad.&#8221;</div><div class="p"> 7Neh, d amjed gam hu uhpam hihi.</div><div class="p">D g Jesus am ha&#42892;ichu ha ahgid g hemajkam ab amjed g John ch hab kaij, &#8220;Neh, am amt wa hihim k ab kaiha g John. K wa eda am oimmelhim pi apkokam jewed ch ed. Kumt pi woho am hu wo i wuwha wui matp d wabsh s&#8209;pehegi o&#42892;odham ch am gawul wo wuad g e&#8209;ne&#42892;oki. Pi o an a&#42892;ai e wanchkwua g John. 8Kumt pi hema s&#8209;neidam mo s&#8209;kakaisim e enigadadch. Hegam mo hab masma e enigadadch o si s&#8209;kakaisim kih. 9Neh, heg amt s&#8209;kaim ha&#42892;ichu i tashogiddam k heg wa woho kah. K g John am ba&#42892;ich ha&#42892;ichu k ed ep kehk. 10Heg o hab ahg g Jiosh ch hab kaij:</div><div class="q">Am ant wo hema i maskogi mat am wo i ha ap&#42892;ech g hemajkam am wehhejed g si ni&#8209;Kehsha jiwhiadag am jewed dahm. Malachi 3:1 </div><div class="m">Neh, bash kaij g Jiosh. 11Kunt wo em&#8209;ahgi mo g John wehs hemajkam ha ba&#42892;ich d i si s&#8209;has ha&#42892;ichu. T wabshaba am wo i e chehgi g Jiosh kownaltalig id dahm jewed. T hahawa chum hems g si pi ha&#42892;ichukam Jiosh ab hiwigdam ba&#42892;ich d wo i s&#8209;has ha&#42892;ichuk mo hegai John. 12Mu&#42892;i hemajkam, chum wa g pi ap hemajkam, o am i wahpk Jiosh kownaltalig ed ab i amjed mat g John ab i ahgahi g ha&#42892;ichu e&#8209;ahga. 13Wehsijj g kekelibad Jiosh ha&#42892;ichu i tashogiddam o am ahgachug mat wo e chehgi g Jiosh kownaltalig. K hegai t&#8209;chehanig mat g Mosesbad ab bei Jiosh t amjed hab wa&#42892;ap tashogid mat wo e chehgi. 14Neh, heki ash hu si ha mihshmad hegai kelibad Jiosh ha&#42892;ichu i tashogiddam mash hab chehgig Elijah. K g Jiosh o&#42892;ohana hab chu&#42892;ig matsh hema ep wo i wuhshani k hab wo masmak mash wa hegai. Pegih, ihda John o d hegai mat an wo i wuhsh. 15Neh, am g wo s&#8209;ap i a&#42892;amichud ihda.&#8221;</div><div class="p"> 16D hab ep kaij g Jesus, &#8220;Hegam mat pi ab hu wohog el g John k pi ab hu ni&#8209;bei o hab masma pi ta wepoma mo g a&#42892;al. Neh, tp hems am wo chichwid g a&#42892;al ch hab wo ha ah, 17&#8216;Am att em&#8209;gehged g e hohontam ha&#8209;piastakaj. Kumt pi e waila. Am att nei g muhki ne&#42892;i. Kumt pi sha&#42892;i shoshani.&#8217; 18Id ani hab ahg mat g John ab i wuhshani k pi ih&#42892;e g nawait ch mu&#42892;ikko pi e gegosid e ho&#42892;ige&#42892;idahunch Jiosh wui. K mu&#42892;ijj hab kaij mo g jiawul an u&#42892;ukch g chegitoidaj. 19Nt ahni ia jiwia Jiosh si Kehsha k wabsh chum hedai ha wehm ni&#8209;gegosid. K mu&#42892;ijj hab kaij mani s&#8209;banma ch s&#8209;i&#42892;idag ch d ha&#8209;nawoj g s&#8209;ta keke&#42892;idamakam lial ha kowlantdam ch hegam mo pi ap oid g t&#8209;chehanig. Neh, bo masma pi ta wepoma ch im hu hab wabsh i juh g Jiosh amichudadag. K wabshaba hegam mo ab s&#8209;wohochud g wohokam am chehgidch mo d wohokam.&#8221;</div><div class="s">Mash si s&#8209;ta ehbidama mamt pi ab hu wo wohoch g Jesus</div><div class="r">An g neid g Luke 10:13-15</div><div class="p"> 20Mu&#42892;i kihhim ed ad wa am hab junihim g s&#8209;hasig ha&#42892;ichu g Jesus. D eda mu&#42892;ijj pi gam hu s&#8209;ohhod g pi ap e&#8209;chegitoi ab kahk. D g Jesus si s&#8209;ha keh&#42892;id 21-22ch ab kaij, &#8220;Mu&#42892;i s&#8209;hasig ha&#42892;ichu ant am hab juh Korasin ch Bethsaida kihhim ch ed. Kutki eda muijj amai pi ab hu ni&#8209;wohochud k heg hekaj ab wo bei g s&#8209;ko&#42892;ok e&#8209;namkidadag ge&#42892;e lodaita tash ch ed. Hegam mo am kih Tyre ch Sidon t am ch pi ge&#42892;e mahch ab amjed g Jiosh at pi am hu hugkam wo bei g s&#8209;ko&#42892;ok e&#8209;namkidadag. Tp hems ab wo i e sho&#42892;igchud k gam hu wo s&#8209;ohhod g pi ap e&#8209;chegitoi matp wo nei ihda s&#8209;hasig ha&#42892;ichu. 23Capernaum t am hemajkam o ab si e haschud. T wabshaba g Jiosh gam hu wo shul Jiawul kih ed. Hegam mash wa am kih Sodombad t am at gam hu wo s&#8209;ohhod g pi ap e&#8209;chegitoi matp wo nei ihda s&#8209;hasig ha&#42892;ichu. Kut pi wo chum padch g ha&#8209;kihhim. 24Idam at pi am hu hugkam wo bei g s&#8209;ko&#42892;ok e&#8209;namkidadag mat g Capernaum t am hemajkam mat hekid wo e ai g ge&#42892;e lodaita.&#8221;</div><div class="s">Ab g wo i hihim ni&#8209;wui k wo e uh&#42892;ulinihogi</div><div class="r">An g neid g Luke 10:21-22</div><div class="p"> 25-26D g Jesus am hahawa e ho&#42892;ige&#42892;idahun k hab kaij, &#8220;Ni&#8209;ohg Jiosh, dap kownal wehs ha&#42892;ichu dahm. K hab d m&#8209;elida mat pi hedai wo e nako mas hejel wo s&#8209;amich g ha&#42892;ichu m&#8209;ahga. E o ehstokch am ha wehhejed g s&#8209;chu a&#42892;amichuddam ch ha&#42892;ichu s&#8209;mahchim. Kup wabshaba am ha chehgid idam mo ha&#42892;ichu s&#8209;mahchimk hab masma mo g a&#42892;al. Ni heg hekaj ab si m&#8209;ho&#42892;ige&#42892;id.&#8221;</div><div class="p"> 27D hab ep kaij ab ha wui g hemajkam, &#8220;Ni&#8209;ohg at wehs ha&#42892;ichu ab ni&#8209;mah. Pi o hedai s&#8209;ni&#8209;mahch ch heg wa&#42892;i ni&#8209;ohg s&#8209;ni&#8209;mahch. K pi hedai mahch g ni&#8209;ohg. Ni ahni wa&#42892;i s&#8209;mahch ch hegam ehp mani hedai i ha wui tashogid.</div><div class="p"> 28&#8220;Ab g wo i e dagito ni&#8209;wui wehsijj ahpim mam d gewpkokam. Kunt ahni ab wo i em&#8209;mah g ulinihogig. 29-30Pi o hasig g ni&#8209;himdag ch pi wechima wo i em&#8209;mohto&#42892;i ha&#42892;ichu. Si ani s&#8209;hemajima ch ab wabsh ni&#8209;sho&#42892;igchud. Kumt ab ni&#8209;amjed wo s&#8209;mahch k wo e ulinihogidad. Hegai mant ab hehe&#42892;ejel wo em&#8209;mohto&#42892;i at wo s&#8209;hawkk nant pi am wo i em&#8209;wehmajk hab sha masma matt wo t&#8209;makodadch g yehwakaj.&#8221; Neh, bo kaij g Jesus.</div>
 </div>
 </div>
</div>

Am ad i haꞌasa haꞌichu t‑shelini g Jesus ahchim gamai gohk e‑chuhchai k gam hu hahawa him k atsh an i ha mashcham k ha mihshmad mo an aꞌai mia kihhimag.
Kumd wa eda am wabsh kia kuhpch hegai John mad am i shonwuich g pahl wakona. Sh hegam mad ab si wecho e mashcham am ahgid mo haschu chikpan hab wua g Jesus. Kutsh am haꞌi ha cheha mat am wo hihim k ab wo kakke mas woho d Jiosh si Kehsha.
Kudki am dada k ab kakke g Jesus ch hab kaij, “Ab o t‑chehani g John matt ab wo m‑kakke maps woho d Jiosh si Kehsha aha nat ab hahawa hema wo i wuhsh mat d wo hegaik.”
D eda g Jesus am ahg g e‑kehg haꞌichu e‑ahga ch ha dodajid g kokꞌodam ch hab hahawa kaij ab ha wui hegam John chuhchai, “Am g uhpam wo hihim k wo ahgi g John mam haschu i kah ch haschu i neid. Ha ani dodajid g pi ha dodajidam kokꞌodam ch pi neneadam ch pi hihimidkam ch pi chechkaidkam ch ha chechegitoichud g koꞌi ch am ha ahgid g shoꞌigkam mat g Jiosh wo ha doꞌibia. T g Jiosh ab wo s‑em‑hoꞌigeꞌidad mamtp hedai ab wabsh wo ni‑hiwgad.”
Neh, d amjed gam hu uhpam hihi.
D g Jesus am haꞌichu ha ahgid g hemajkam ab amjed g John ch hab kaij, “Neh, am amt wa hihim k ab kaiha g John. K wa eda am oimmelhim pi apkokam jewed ch ed. Kumt pi woho am hu wo i wuwha wui matp d wabsh s‑pehegi oꞌodham ch am gawul wo wuad g e‑neꞌoki. Pi o an aꞌai e wanchkwua g John. Kumt pi hema s‑neidam mo s‑kakaisim e enigadadch. Hegam mo hab masma e enigadadch o si s‑kakaisim kih. Neh, heg amt s‑kaim haꞌichu i tashogiddam k heg wa woho kah. K g John am baꞌich haꞌichu k ed ep kehk. Heg o hab ahg g Jiosh ch hab kaij:
Am ant wo hema i maskogi mat am wo i ha apꞌech g hemajkam am wehhejed g si ni‑Kehsha jiwhiadag am jewed dahm.
Neh, bash kaij g Jiosh. Kunt wo em‑ahgi mo g John wehs hemajkam ha baꞌich d i si s‑has haꞌichu. T wabshaba am wo i e chehgi g Jiosh kownaltalig id dahm jewed. T hahawa chum hems g si pi haꞌichukam Jiosh ab hiwigdam baꞌich d wo i s‑has haꞌichuk mo hegai John. Muꞌi hemajkam, chum wa g pi ap hemajkam, o am i wahpk Jiosh kownaltalig ed ab i amjed mat g John ab i ahgahi g haꞌichu e‑ahga. Wehsijj g kekelibad Jiosh haꞌichu i tashogiddam o am ahgachug mat wo e chehgi g Jiosh kownaltalig. K hegai t‑chehanig mat g Mosesbad ab bei Jiosh t amjed hab waꞌap tashogid mat wo e chehgi. Neh, heki ash hu si ha mihshmad hegai kelibad Jiosh haꞌichu i tashogiddam mash hab chehgig Elijah. K g Jiosh oꞌohana hab chuꞌig matsh hema ep wo i wuhshani k hab wo masmak mash wa hegai. Pegih, ihda John o d hegai mat an wo i wuhsh. Neh, am g wo s‑ap i aꞌamichud ihda.”
D hab ep kaij g Jesus, “Hegam mat pi ab hu wohog el g John k pi ab hu ni‑bei o hab masma pi ta wepoma mo g aꞌal. Neh, tp hems am wo chichwid g aꞌal ch hab wo ha ah, ‘Am att em‑gehged g e hohontam ha‑piastakaj. Kumt pi e waila. Am att nei g muhki neꞌi. Kumt pi shaꞌi shoshani.’ Id ani hab ahg mat g John ab i wuhshani k pi ihꞌe g nawait ch muꞌikko pi e gegosid e hoꞌigeꞌidahunch Jiosh wui. K muꞌijj hab kaij mo g jiawul an uꞌukch g chegitoidaj. Nt ahni ia jiwia Jiosh si Kehsha k wabsh chum hedai ha wehm ni‑gegosid. K muꞌijj hab kaij mani s‑banma ch s‑iꞌidag ch d ha‑nawoj g s‑ta kekeꞌidamakam lial ha kowlantdam ch hegam mo pi ap oid g t‑chehanig. Neh, bo masma pi ta wepoma ch im hu hab wabsh i juh g Jiosh amichudadag. K wabshaba hegam mo ab s‑wohochud g wohokam am chehgidch mo d wohokam.”


Muꞌi kihhim ed ad wa am hab junihim g s‑hasig haꞌichu g Jesus. D eda muꞌijj pi gam hu s‑ohhod g pi ap e‑chegitoi ab kahk. D g Jesus si s‑ha kehꞌid ch ab kaij, “Muꞌi s‑hasig haꞌichu ant am hab juh Korasin ch Bethsaida kihhim ch ed. Kutki eda muijj amai pi ab hu ni‑wohochud k heg hekaj ab wo bei g s‑koꞌok e‑namkidadag geꞌe lodaita tash ch ed. Hegam mo am kih Tyre ch Sidon t am ch pi geꞌe mahch ab amjed g Jiosh at pi am hu hugkam wo bei g s‑koꞌok e‑namkidadag. Tp hems ab wo i e shoꞌigchud k gam hu wo s‑ohhod g pi ap e‑chegitoi matp wo nei ihda s‑hasig haꞌichu. Capernaum t am hemajkam o ab si e haschud. T wabshaba g Jiosh gam hu wo shul Jiawul kih ed. Hegam mash wa am kih Sodombad t am at gam hu wo s‑ohhod g pi ap e‑chegitoi matp wo nei ihda s‑hasig haꞌichu. Kut pi wo chum padch g ha‑kihhim. Idam at pi am hu hugkam wo bei g s‑koꞌok e‑namkidadag mat g Capernaum t am hemajkam mat hekid wo e ai g geꞌe lodaita.”


D g Jesus am hahawa e hoꞌigeꞌidahun k hab kaij, “Ni‑ohg Jiosh, dap kownal wehs haꞌichu dahm. K hab d m‑elida mat pi hedai wo e nako mas hejel wo s‑amich g haꞌichu m‑ahga. E o ehstokch am ha wehhejed g s‑chu aꞌamichuddam ch haꞌichu s‑mahchim. Kup wabshaba am ha chehgid idam mo haꞌichu s‑mahchimk hab masma mo g aꞌal. Ni heg hekaj ab si m‑hoꞌigeꞌid.”
D hab ep kaij ab ha wui g hemajkam, “Ni‑ohg at wehs haꞌichu ab ni‑mah. Pi o hedai s‑ni‑mahch ch heg waꞌi ni‑ohg s‑ni‑mahch. K pi hedai mahch g ni‑ohg. Ni ahni waꞌi s‑mahch ch hegam ehp mani hedai i ha wui tashogid.
“Ab g wo i e dagito ni‑wui wehsijj ahpim mam d gewpkokam. Kunt ahni ab wo i em‑mah g ulinihogig. Pi o hasig g ni‑himdag ch pi wechima wo i em‑mohtoꞌi haꞌichu. Si ani s‑hemajima ch ab wabsh ni‑shoꞌigchud. Kumt ab ni‑amjed wo s‑mahch k wo e ulinihogidad. Hegai mant ab heheꞌejel wo em‑mohtoꞌi at wo s‑hawkk nant pi am wo i em‑wehmajk hab sha masma matt wo t‑makodadch g yehwakaj.” Neh, bo kaij g Jesus.

Сонсох MATTHEW 11