If you have would like a copy of this version please contact info@davarpartners.com

The Dagbani Bible

<div class="version vid2264 iso6393dag" data-vid="2264" data-iso6393="dag">
 <div class="book bkGEN">
 <div class="chapter ch12" data-usfm="GEN.12">
 <div class="label">12</div><div class="s1">Naawuni boli Ibram</div><div class="p"> 1 # 
 Tuma 7.2-3; Hib 11.8 Ka Yaw&#603; daa ti y&#603;li Ibram, &#8220;Yim&#8217; a ya &#331;&#596; min&#8217; a ba yi&#331;a ni a d&#596;&#611;iriba &#331;&#596; sani n-cha&#331; ti&#331;gb&#596;n sh&#603;l&#8217; ni n ni y&#603;n wuh&#8217; a. 2N ni ch&#603; ka a zuliya galisi pam. N ni ni&#331; alibarika ni&#331; a ni, ka ch&#603; ka a yuli du pam, ka ch&#603; ka ninvu&#611;&#8217; sh&#603;b&#8217; gba ti nya alibarika a zu&#611;u.</div><div class="q1"> 3 # 
 Gal 3.8
 Ninvu&#611;&#8217; sh&#603;b&#8217; b&#603;n ni&#331; alibarika ni&#331; a ni,</div><div class="q2">n gba ni ni&#331; alibarika ni&#331; b&#603; ni.</div><div class="q1">Ka ninvu&#611;&#8217; sh&#603;b&#8217; b&#603;n y&#603;li noli ti a,</div><div class="q2">n gba ni y&#603;li noli ti ba.</div><div class="q1">Ka dunia &#331;&#596; zuliya kam zaa</div><div class="q2">ni ti nya alibarika a zu&#611;u.&#8221;</div><div class="p"> 4Ka Ibram daa yi&#611;isi cha&#331; kaman Yaw&#603; ni daa y&#603;l&#8217; o ni o ni&#331; sh&#603;m maa. Ka L&#596;t daa dol&#8217; o cha&#331;. Ibram daa ny&#603;la yuun&#8217; pisop&#596;innaanu nira saha sh&#603;l&#8217; o ni daa yi&#611;isi Haran maa. 5Ibram daa za&#331;la o pa&#611;&#8217; Zarai min&#8217; o tizo Haran bia L&#596;t, ka b&#603; daa la&#611;im b&#603; ni mali binsh&#603;likam zaa za&#331; tabili b&#603; ni mali ninvu&#611;&#8217; sh&#603;b&#8217; Haran ti&#331;gb&#596;&#331; maa ni n-yi&#611;isi kuli Keenan ti&#331;gb&#596;&#331; ni.</div><div class="p">B&#603; ni daa paai Keenan ti&#331;gb&#596;&#331; maa ni, 6ka Ibram daa yi nimaani n-cha&#331; Sh&#603;k&#603;m ti &#658;ini M&#596;re oki tia gbini. Keenannima n-daa be di ti&#331;gb&#596;&#331; maa ni di saha maa. 7#Tuma 7.5; Gal 3.16 Ka Yaw&#603; daa ka Ibram sanna ti y&#603;l&#8217; o, &#8220;N ni za&#331; ti&#331;gb&#596;&#331; &#331;&#596; ti a zuliya.&#8221; Di saha ka Ibram daa me sara maligu bimbini nimaani zali Yaw&#603; &#331;un daa ka o sani maa na. 8Ka Ibram daa yi&#611;isi nimaani n-cha&#331; ti ti o su&#611;ili B&#603;t&#603;l wulimpuhili polo zoli zu&#611;u &#658;ini; ka ch&#603; B&#603;t&#603;l bahi wulinluhili polo, ka ch&#603; Ai mi bahi wulimpuhili polo. Ka o daa me sara maligu bimbini zali Yaw&#603; nimaani gba n-j&#603;md&#8217; o di gbini. 9Ka Ibram daa lan gbaai chandi za&#331; kpa N&#603;g&#603;b polo.</div><div class="s1">Ibram cha&#331; Ijipti</div><div class="p"> 10Ka kum daa ti lu b&#603; ti&#331;gb&#596;&#331; maa ni. Ka Ibram daa yi&#611;isi cha&#331; Ijipti ni o ti &#658;ini nimaani n-ni&#331; daba ayi, dama kum maa daa miiya pam b&#603; ti&#331;gb&#596;&#331; maa ni. 11O ni daa ti y&#603;n kpe Ijipti saha sh&#603;li ka o y&#603;l&#8217; o pa&#611;&#8217; Zarai, &#8220;M mi ni a ny&#603;la pa&#611;&#8217; vi&#603;lli, ka a lihibu mali k&#596;re. 12Ka Ijiptinim&#8217; yi ti nya a, b&#603; ni y&#603;li, &#8216;O pa&#611;a m-bala&#8217;, ka ku ma ka ch&#603; a. 13#Pil 20.2; 26.7 Y&#603;lim&#8217; ba ni a ny&#603;la n tiz&#596;pa&#611;a, ka b&#603; ni&#331; ma nirilim a zu&#611;u, ka tiligi n ny&#603;vili a zu&#611;u.&#8221; 14Ka Ibram ni daa ti kpe Ijipti, Ijiptinim&#8217; daa shiri nyaya ka pa&#611;&#8217; maa ny&#603;la pa&#611;&#8217; vi&#603;lli. 15Firawuna kpambaliba ni daa nya o, b&#603; daa pa&#611;&#8217; o pam Firawuna sani. Ka b&#603; daa za&#331; o tahi Firawuna yi&#331;a. 16Ka Firawuna daa ni&#331; Ibram nirilim vi&#603;ny&#603;li&#331;ga Zarai zu&#611;u. O daa ti Ibram pi&#603;ri mini buhi ni ni&#611;i ni bundibisi ni bunnyama ni daba b&#603;n ny&#603; d&#596;bba mini pa&#611;iba ni laakumnima.</div><div class="p"> 17Amaa ka Yaw&#603; daa ch&#603; ka al&#596;bo d&#596;riti gbaai Firawuna min&#8217; o yi&#331;nima, Ibram pa&#611;&#8217; Zarai maa zu&#611;u. 18Ka Firawuna daa boli Ibram na nti b&#596;h&#8217; o, &#8220;B&#596; n-ni&#331; ka a ni&#331; ma lala? B&#596; n-ni&#331; ka a bi y&#603;li ma ni o ny&#603;la a pa&#611;a? 19B&#596; n-ni&#331; ka a y&#603;li ni o ny&#603;la a tiz&#596;pa&#611;a, ka n za&#331; o ni&#331; m-pa&#611;a? Dinzu&#611;u n-ny&#603; a pa&#611;a! Za&#331;m&#8217; o cha&#331;.&#8221; 20Ka Firawuna daa bah&#8217; o niriba noli, ka b&#603; za&#331; Ibram min&#8217; o pa&#611;a ni o ni mali binsh&#603;likam zaa yihi soli.</div>
 </div>
 </div>
</div>

Dagbani Bible with Deuterocanonical Books © Bible Society of Ghana, 2011.

Ka Yawɛ daa ti yɛli Ibram, “Yim’ a ya ŋɔ min’ a ba yiŋa ni a dɔɣiriba ŋɔ sani n-chaŋ tiŋgbɔn shɛl’ ni n ni yɛn wuh’ a. N ni chɛ ka a zuliya galisi pam. N ni niŋ alibarika niŋ a ni, ka chɛ ka a yuli du pam, ka chɛ ka ninvuɣ’ shɛb’ gba ti nya alibarika a zuɣu.
Ninvuɣ’ shɛb’ bɛn niŋ alibarika niŋ a ni,
n gba ni niŋ alibarika niŋ bɛ ni.
Ka ninvuɣ’ shɛb’ bɛn yɛli noli ti a,
n gba ni yɛli noli ti ba.
Ka dunia ŋɔ zuliya kam zaa
ni ti nya alibarika a zuɣu.”
Ka Ibram daa yiɣisi chaŋ kaman Yawɛ ni daa yɛl’ o ni o niŋ shɛm maa. Ka Lɔt daa dol’ o chaŋ. Ibram daa nyɛla yuun’ pisopɔinnaanu nira saha shɛl’ o ni daa yiɣisi Haran maa. Ibram daa zaŋla o paɣ’ Zarai min’ o tizo Haran bia Lɔt, ka bɛ daa laɣim bɛ ni mali binshɛlikam zaa zaŋ tabili bɛ ni mali ninvuɣ’ shɛb’ Haran tiŋgbɔŋ maa ni n-yiɣisi kuli Keenan tiŋgbɔŋ ni.
Bɛ ni daa paai Keenan tiŋgbɔŋ maa ni, ka Ibram daa yi nimaani n-chaŋ Shɛkɛm ti ʒini Mɔre oki tia gbini. Keenannima n-daa be di tiŋgbɔŋ maa ni di saha maa. Ka Yawɛ daa ka Ibram sanna ti yɛl’ o, “N ni zaŋ tiŋgbɔŋ ŋɔ ti a zuliya.” Di saha ka Ibram daa me sara maligu bimbini nimaani zali Yawɛ ŋun daa ka o sani maa na. Ka Ibram daa yiɣisi nimaani n-chaŋ ti ti o suɣili Bɛtɛl wulimpuhili polo zoli zuɣu ʒini; ka chɛ Bɛtɛl bahi wulinluhili polo, ka chɛ Ai mi bahi wulimpuhili polo. Ka o daa me sara maligu bimbini zali Yawɛ nimaani gba n-jɛmd’ o di gbini. Ka Ibram daa lan gbaai chandi zaŋ kpa Nɛgɛb polo.

Ka kum daa ti lu bɛ tiŋgbɔŋ maa ni. Ka Ibram daa yiɣisi chaŋ Ijipti ni o ti ʒini nimaani n-niŋ daba ayi, dama kum maa daa miiya pam bɛ tiŋgbɔŋ maa ni. O ni daa ti yɛn kpe Ijipti saha shɛli ka o yɛl’ o paɣ’ Zarai, “M mi ni a nyɛla paɣ’ viɛlli, ka a lihibu mali kɔre. Ka Ijiptinim’ yi ti nya a, bɛ ni yɛli, ‘O paɣa m-bala’, ka ku ma ka chɛ a. Yɛlim’ ba ni a nyɛla n tizɔpaɣa, ka bɛ niŋ ma nirilim a zuɣu, ka tiligi n nyɛvili a zuɣu.” Ka Ibram ni daa ti kpe Ijipti, Ijiptinim’ daa shiri nyaya ka paɣ’ maa nyɛla paɣ’ viɛlli. Firawuna kpambaliba ni daa nya o, bɛ daa paɣ’ o pam Firawuna sani. Ka bɛ daa zaŋ o tahi Firawuna yiŋa. Ka Firawuna daa niŋ Ibram nirilim viɛnyɛliŋga Zarai zuɣu. O daa ti Ibram piɛri mini buhi ni niɣi ni bundibisi ni bunnyama ni daba bɛn nyɛ dɔbba mini paɣiba ni laakumnima.
Amaa ka Yawɛ daa chɛ ka alɔbo dɔriti gbaai Firawuna min’ o yiŋnima, Ibram paɣ’ Zarai maa zuɣu. Ka Firawuna daa boli Ibram na nti bɔh’ o, “Bɔ n-niŋ ka a niŋ ma lala? Bɔ n-niŋ ka a bi yɛli ma ni o nyɛla a paɣa? Bɔ n-niŋ ka a yɛli ni o nyɛla a tizɔpaɣa, ka n zaŋ o niŋ m-paɣa? Dinzuɣu n-nyɛ a paɣa! Zaŋm’ o chaŋ.” Ka Firawuna daa bah’ o niriba noli, ka bɛ zaŋ Ibram min’ o paɣa ni o ni mali binshɛlikam zaa yihi soli.

Сонсох Piligu 12