<div class="version vid1499 iso6393hag" data-vid="1499" data-iso6393="hag">
 <div class="book bkGEN">
 <div class="chapter ch6" data-usfm="GEN.6">
 <div class="label">6</div><div class="s">Seema niriba yabeeri n daa n zoogira n &#331;a</div><div class="p"> 1Jemanso niriba n daa wasi n paali durinye &#331;a, ba daa n dogini bipunsi. 2Naawunni biduusi nyaasi bipunsi maa veelim, ka naa seesi n peri ba. 3Duuma yeli, &#8220;M sisu&#331;&#331;u ki ba nisaala ni&#331;i, o ba ni&#331;i wara. O n ni&#331;i valiga la zu, o yuugirisim zaa o ni&#331;i yuma koowa ni pisiyi ko.&#8221;</div><div class="p"> 4A jemani maa, Naawunni biduusi n daa n naa bipunsi maa, ba dogi biisi ba boona ba Nifilim. Barima n daa ni&#331;i nivutintaasi, a mari kpee&#331;u, yumdamta n gaari.</div><div class="p"> 5Ni&#331;i n na, Duuma daa n nye seema nisaaladima n ni&#331;i ferebeeri dima, a ni&#331;ina yabeeri ga, jemani zaa. 6A daa n ni&#331;i u sufusaa&#331;u ni beerim ga, o n maali nisaaladima ni&#331;i durinye puwa, o yeli, ka n di ba&#331;&#331;i ya. 7Ka yeli, &#8220;M ni muri nisaaladima, bu&#331;kobiri, bunvuurigusi, a ni niinsi. A kpali ba beebu ti m sufu saami.&#8221; 8Ama, Nuhu wune yela daa n peri Duuma.</div><div class="s">Nuhu yasuma yela</div><div class="p"> 9Nuhu yela n &#331;a. O ko n daa n zora Naawunni, ka dagiri bi tabi u. 10O daa n mari biduusi bata, Sem, Ham ni Jafeti. 11Ama durinye niriba zaa daa n ni&#331;ina yabeeri Naawunni nufu ni&#331;i, a wusira kpee&#331;u. 12Ni&#331;i n na, Naawunni nyaasi durinye niriba maa, ka ba zaa ni&#331;ini yabeni&#331;iniba.</div><div class="p"> 13Ni&#331;i n na, Naawunni yeli Nuhu, &#8220;A kpali durinye &#331;a yabeeri ni kpee&#331;u wusigu a zu, m ni muri u. Bunso zu ni ya n muri nisaaladima ni ti&#331;gba&#331;aa zaa n na la. 14A zu, kpabi dasuma kpaasi &#331;arintintaa, ka maali diisi yi o puwa, ka naa kootaali taari o puu ni o nyaa&#331;a zaa. 15N &#331;a n na ma kpabira o zoogirisim, o wogilim, noba kobsinaasi ni pisinu, o yelim, noba pisiyapoin ni anu, o duubu mini, noba pisinaasi ni anu. 16Pili &#331;ari&#331;u maa, ka ni&#331;i o saazu sugulugu, o yelim o ni&#331;i maa noba ayi, ka ni&#331;i dina&#331;gbanlu&#331;ko, ka maali diisi ata tomi taaba zu, a maa kpaa, ka a mari gbinni&#331;i, sunsuuni&#331;i, a ni saazu. 17A kpali bo, m ya n ti ni koom paali durinye zaa, a muri bunvuusira zaa nyem. 18Ama nyiwune, m ya n ti i ni noori. Lala jemani maa ti paa, mari e poga, e biisi, a ni ba pogiba kpe &#331;ari&#331;u maa. 19-20A lee n naa n paasi, mari bu&#331;kobiri ni niinsi zaa baligu ayaayi, daba ni poga, a kpe &#331;ari&#331;u maa. Ka nyaasira a. 21Ka e la&#331;si bindira baligu zaa ni&#331;i &#331;ari&#331;u maa puwa, a ni&#331;i ya ni bu&#331;kobiri maa bindira.&#8221; 22Ni&#331;i n na, Nuhu ni&#331;i bunso zaa Naawunni n yeli u la.</div>
 </div>
 </div>
</div>

Jemanso niriba n daa wasi n paali durinye ŋa, ba daa n dogini bipunsi. Naawunni biduusi nyaasi bipunsi maa veelim, ka naa seesi n peri ba. Duuma yeli, “M sisuŋŋu ki ba nisaala niŋi, o ba niŋi wara. O n niŋi valiga la zu, o yuugirisim zaa o niŋi yuma koowa ni pisiyi ko.”
A jemani maa, Naawunni biduusi n daa n naa bipunsi maa, ba dogi biisi ba boona ba Nifilim. Barima n daa niŋi nivutintaasi, a mari kpeeŋu, yumdamta n gaari.
Niŋi n na, Duuma daa n nye seema nisaaladima n niŋi ferebeeri dima, a niŋina yabeeri ga, jemani zaa. A daa n niŋi u sufusaaŋu ni beerim ga, o n maali nisaaladima niŋi durinye puwa, o yeli, ka n di baŋŋi ya. Ka yeli, “M ni muri nisaaladima, buŋkobiri, bunvuurigusi, a ni niinsi. A kpali ba beebu ti m sufu saami.” Ama, Nuhu wune yela daa n peri Duuma.

Nuhu yela n ŋa. O ko n daa n zora Naawunni, ka dagiri bi tabi u. O daa n mari biduusi bata, Sem, Ham ni Jafeti. Ama durinye niriba zaa daa n niŋina yabeeri Naawunni nufu niŋi, a wusira kpeeŋu. Niŋi n na, Naawunni nyaasi durinye niriba maa, ka ba zaa niŋini yabeniŋiniba.
Niŋi n na, Naawunni yeli Nuhu, “A kpali durinye ŋa yabeeri ni kpeeŋu wusigu a zu, m ni muri u. Bunso zu ni ya n muri nisaaladima ni tiŋgbaŋaa zaa n na la. A zu, kpabi dasuma kpaasi ŋarintintaa, ka maali diisi yi o puwa, ka naa kootaali taari o puu ni o nyaaŋa zaa. N ŋa n na ma kpabira o zoogirisim, o wogilim, noba kobsinaasi ni pisinu, o yelim, noba pisiyapoin ni anu, o duubu mini, noba pisinaasi ni anu. Pili ŋariŋu maa, ka niŋi o saazu sugulugu, o yelim o niŋi maa noba ayi, ka niŋi dinaŋgbanluŋko, ka maali diisi ata tomi taaba zu, a maa kpaa, ka a mari gbinniŋi, sunsuuniŋi, a ni saazu. A kpali bo, m ya n ti ni koom paali durinye zaa, a muri bunvuusira zaa nyem. Ama nyiwune, m ya n ti i ni noori. Lala jemani maa ti paa, mari e poga, e biisi, a ni ba pogiba kpe ŋariŋu maa. A lee n naa n paasi, mari buŋkobiri ni niinsi zaa baligu ayaayi, daba ni poga, a kpe ŋariŋu maa. Ka nyaasira a. Ka e laŋsi bindira baligu zaa niŋi ŋariŋu maa puwa, a niŋi ya ni buŋkobiri maa bindira.” Niŋi n na, Nuhu niŋi bunso zaa Naawunni n yeli u la.

Сонсох Piiligu 6