<div class="version vid1320 iso6393aaz" data-vid="1320" data-iso6393="aaz">
 <div class="book bkGEN">
 <div class="chapter ch3" data-usfm="GEN.3">
 <div class="label">3</div><div class="s1">Mansian ii ka nfairoir fa prenat Uisneno</div><div class="p"> 1Na&#42892;ko are&#42892; kanan mu&#42892;it re&#42892; UISNENO nmoe&#42892; nain sin nbin pah-pinan ia, kaun ii es aputa-kriu anesit. Anbi oors es, kauna&#42892; naan nataan neu bifee naan am nak, &#8220;Hoe! Batuur, aa oo? Uisneno ntaar ki mnak, &#8216;Ka nabei&#42892; fa he hi miah hau fua&#42892; na&#42892;ko roet ein anbin po&#42892;on ia, ai&#42892; kaah?&#8217;&#8202;&#8221;</div><div class="p"> 2-3Bifee naan nataah am nak, &#8220;Kahaf! Hai bole miah! Mes anmui&#42892; naan roet uu&#42892; goes et poo&#42892;n ee tnanan re&#42892; Uisneno ntaar kai, he hai kais miah in fuan. In nak, hai kais miah in fuan, ma kais amreo&#42892; goe msa&#42892;, natuin hai of ammaet.&#8221;</div><div class="p"> 4Mes kauna&#42892; naan nataah am nak, &#8220;Hoe, napoi! Hi ka mmaet fa, tua! 5Uisneno batuur antaar ki on naan, natuin In nahiin, karu hi miah hau fua&#42892; naan, hi mahiinm ein namnees nok Ne. Hi of mihiin mee es reko, ma mee es re&#42892;uf.&#8221;</div><div class="p"> 6Rarit bifee naan ankisu te, hau roet naan reokn ii kaah. Ma in naben ate hau fua&#42892; naan miin ii kah een. Onaim in natenab am nak, &#8220;Karu au &#42892;uah hau fua&#42892; ia, au of uhiin ma &#42892;manoe.&#8221; Rarit in nseu hau fua&#42892; naan, ma in naah. In neik ii ma nfeen in moen je msa&#42892;, he naah nok. 7Naah anrarin on naan ate, na&#42892; sin nahinin nak sin aaf ein. Es naan ate, sin nkaton apas hau no&#42892;o he natain.</div><div class="p"> 8Maans ee nmaeb on naan ate, sin nneen UISNENO neem annoon po&#42892;on naan. Rarit sin naen na&#42892;koor ein henati&#42892; UISNENO kais niit sin. 9Mes UISNENO nhaman atoni&#42892; naan am nak, &#8220;Aupuu! Ho et mee, Adam?&#8221;</div><div class="p"> 10Atoni&#42892; naan nataah am nak, &#8220;Au &#42892;neen Ho &#42892;fookm ii mbi ia. Mes au umaeb ok, natuin au ao afa&#42892; kau. Etun au &#42892;aen u&#42892;koro&#42892;, tua.&#8221;</div><div class="p"> 11Rarit Usi&#42892; nataah am nak, &#8220;Sekau es natoon ko mnak ho m&#42892;ao aaf om? On mee? Of oni&#42892; ho muah amrair hau fua&#42892; re&#42892; Au &#42892;taar ee naan, ai&#42892;?&#8221;</div><div class="p"> 12In nataah am nak, &#8220;Usi&#42892;, bifee re&#42892; Ho mfee je naan, in es anfee kau hau fua taras naan, ma au &#42892;uah!&#8221;</div><div class="p"> 13Rarit UISNENO na&#42892;uab nok bifee naan am nak, &#8220;Nansaa&#42892; am es ho mmoe&#42892; on naan?&#8221;</div><div class="p">Onaim bifee naan nataah am nak, &#8220;Te kauna&#42892; naan es napoi kau, tua! Onaim es au &#42892;uah hau fua taras naan, tua.&#8221;</div><div class="s1">Uisneno nkaas sin neik hukun ma&#42892;tani&#42892;</div><div class="p"> 14Rarit UISNENO na&#42892;uab kasat neu kauna&#42892; naan am nak,</div><div class="m">&#8220;Natuin ho &#42892;mo&#42892;em ia, Au &#42892;hukun ko. Na&#42892;ko are&#42892; kanan mu&#42892;it, suma ho mmes-mees kuum es re&#42892; mupein kasat on nai: nmurai na&#42892;ko oras ia tar antea ho mmaet, ho suma mnonok meiki haa ho &#42892;basam. Ma ho mnaaht ein maskuuk ein. 15Au of a&#42892;moe&#42892; ko mok bifee naan, ammamuus piut. Hi sufam-kau&#42892;m ein on naan amsa&#42892;. Ho sufam-kau&#42892;m ein of anrau sin haek-tiik ein. Mes in sufan es, of antuut nakrat-rati&#42892; ho &#42892;nakam.&#8221;#3:15: Ahiin Suur Akniun&#42892; ein nak, sufa&#42892; re&#42892; ia, es re&#42892; Usif Yesus.</div><div class="p"> 16Rarit Uisneno na&#42892;uab neu bifee naan am nak,</div><div class="m">&#8220;Au of u&#42892;baba&#42892; ho susat oras ho mu&#42892;apu&#42892;, ma mumeen anneisi nteni&#42892; oras ho muhoni&#42892;. Mes maski on naan, ho mroim he mubua piut mok ho mone. Ma in es naprenat ko.&#8221;</div><div class="p"> 17Rarit Usi&#42892; na&#42892;uab neu atoni&#42892; naan am nak,</div><div class="m">&#8220;Ho ka mutuin fa Au prenat, mes mutuin ho fee ji in romin, tar antea ho muah hau fua&#42892; re&#42892; Au &#42892;taar ee naan. Es naan ate, ho mupein kasat amsa&#42892;. Ma auf gui msa&#42892; napein kasat. Anmurai na&#42892;ko oras ia tar antea ho mmaet, ho ro he mmepu mbain aetn om, ma mubani&#42892; auf gui, hena&#42892; ho mupein he muah. Ammeup on naan ate, na&#42892; ho mmoin. 18Maski ho mseen ma mroe huma&#42892;-huma&#42892;, mes auf gui suma napoitan &#42892;aik kiisn aa ma krabat. 19Rarit ho ro he mmepu mbain aetn om ma&#42892;tani&#42892;, hena&#42892; auf gui nfee ko mnahat. Ho ro he mmeup ma puus ee nsai tar ho mmaet. Au &#42892;moe&#42892; ko na&#42892;ko afu. Onaim karu ho mmate te, ho mfani mrair afu.&#8221;</div><div class="p"> 20Rarit nai&#42892; Adam nakanab in fee je nak &#8216;bi Hawa&#8217; (in a&#42892;moufn ii &#8216;re&#42892; anmoin&#8217;), natuin bifee naan es re&#42892; njair ainaf neu are&#42892; mansian amonit anbin pah-pinan ia.#3:20: Nbi uab Ibrani, &#8216;adam&#8217; in a&#42892;moufn ii &#8216;mansian&#8217;.</div><div class="p"> 21Rarit UISNENO nmoe&#42892; tais na&#42892;ko pasu, ma nfeen sin he npaken.</div><div class="s1">Uisneno nriu&#42892; napoitan nai&#42892; Adam ma bi Hawa</div><div class="p"> 22Rarit UISNENO na&#42892;uab am nak, &#8220;Oras ia mansian ein nahinin rais reko, ma rais re&#42892;uf, on re&#42892; Hit.#3:22: Krei ji nanoni&#42892; kit nak, &#8216;Hit&#8217; re&#42892; ia, es re&#42892; kanaf tenu ma &#42892;bonif teun. Kais-kaisa&#42892; sin naah hau fua&#42892; re&#42892; neiki &#42892;honis abar-barat.&#8221; 23Rarit In nriu&#42892; napoitan sin na&#42892;kon po&#42892;on Eden, he sin nua sin nnaon neun bare bian, ma nmonin on atoin tani, he sin amnaimt ein na&#42892;ko afu. 24Anri&#42892;u nrair sin on naan ate, Uisneno nreun In ameup maniin ein na&#42892;ko sonaf neno tunan,#3:24: Uab Ibrani nak, Uisneno In ameput re&#42892; manini&#42892; na&#42892;ko sonaf neno tunan naan, &#8216;kerubim&#8217;. he nnao npao po&#42892;on naan nbin pasa&#42892; neon-saet. Sin nna&#42892;an suni&#42892; re&#42892; npiin ma nrirok neu-mneem. Usi&#42892; nreun sin he nhaken n&#42892;eka&#42892; ranan, natuin In ka nroim fa he tuaf anseu naan hau fua&#42892; re&#42892; neiki &#42892;honis abar-barat.</div>
 </div>
 </div>
</div>

Naꞌko areꞌ kanan muꞌit reꞌ UISNENO nmoeꞌ nain sin nbin pah-pinan ia, kaun ii es aputa-kriu anesit. Anbi oors es, kaunaꞌ naan nataan neu bifee naan am nak, “Hoe! Batuur, aa oo? Uisneno ntaar ki mnak, ‘Ka nabeiꞌ fa he hi miah hau fuaꞌ naꞌko roet ein anbin poꞌon ia, aiꞌ kaah?’ ”
Bifee naan nataah am nak, “Kahaf! Hai bole miah! Mes anmuiꞌ naan roet uuꞌ goes et pooꞌn ee tnanan reꞌ Uisneno ntaar kai, he hai kais miah in fuan. In nak, hai kais miah in fuan, ma kais amreoꞌ goe msaꞌ, natuin hai of ammaet.”
Mes kaunaꞌ naan nataah am nak, “Hoe, napoi! Hi ka mmaet fa, tua! Uisneno batuur antaar ki on naan, natuin In nahiin, karu hi miah hau fuaꞌ naan, hi mahiinm ein namnees nok Ne. Hi of mihiin mee es reko, ma mee es reꞌuf.”
Rarit bifee naan ankisu te, hau roet naan reokn ii kaah. Ma in naben ate hau fuaꞌ naan miin ii kah een. Onaim in natenab am nak, “Karu au ꞌuah hau fuaꞌ ia, au of uhiin ma ꞌmanoe.” Rarit in nseu hau fuaꞌ naan, ma in naah. In neik ii ma nfeen in moen je msaꞌ, he naah nok. Naah anrarin on naan ate, naꞌ sin nahinin nak sin aaf ein. Es naan ate, sin nkaton apas hau noꞌo he natain.
Maans ee nmaeb on naan ate, sin nneen UISNENO neem annoon poꞌon naan. Rarit sin naen naꞌkoor ein henatiꞌ UISNENO kais niit sin. Mes UISNENO nhaman atoniꞌ naan am nak, “Aupuu! Ho et mee, Adam?”
Atoniꞌ naan nataah am nak, “Au ꞌneen Ho ꞌfookm ii mbi ia. Mes au umaeb ok, natuin au ao afaꞌ kau. Etun au ꞌaen uꞌkoroꞌ, tua.”
Rarit Usiꞌ nataah am nak, “Sekau es natoon ko mnak ho mꞌao aaf om? On mee? Of oniꞌ ho muah amrair hau fuaꞌ reꞌ Au ꞌtaar ee naan, aiꞌ?”
In nataah am nak, “Usiꞌ, bifee reꞌ Ho mfee je naan, in es anfee kau hau fua taras naan, ma au ꞌuah!”
Rarit UISNENO naꞌuab nok bifee naan am nak, “Nansaaꞌ am es ho mmoeꞌ on naan?”
Onaim bifee naan nataah am nak, “Te kaunaꞌ naan es napoi kau, tua! Onaim es au ꞌuah hau fua taras naan, tua.”

Rarit UISNENO naꞌuab kasat neu kaunaꞌ naan am nak,
“Natuin ho ꞌmoꞌem ia, Au ꞌhukun ko. Naꞌko areꞌ kanan muꞌit, suma ho mmes-mees kuum es reꞌ mupein kasat on nai: nmurai naꞌko oras ia tar antea ho mmaet, ho suma mnonok meiki haa ho ꞌbasam. Ma ho mnaaht ein maskuuk ein. Au of aꞌmoeꞌ ko mok bifee naan, ammamuus piut. Hi sufam-kauꞌm ein on naan amsaꞌ. Ho sufam-kauꞌm ein of anrau sin haek-tiik ein. Mes in sufan es, of antuut nakrat-ratiꞌ ho ꞌnakam.”
Rarit Uisneno naꞌuab neu bifee naan am nak,
“Au of uꞌbabaꞌ ho susat oras ho muꞌapuꞌ, ma mumeen anneisi nteniꞌ oras ho muhoniꞌ. Mes maski on naan, ho mroim he mubua piut mok ho mone. Ma in es naprenat ko.”
Rarit Usiꞌ naꞌuab neu atoniꞌ naan am nak,
“Ho ka mutuin fa Au prenat, mes mutuin ho fee ji in romin, tar antea ho muah hau fuaꞌ reꞌ Au ꞌtaar ee naan. Es naan ate, ho mupein kasat amsaꞌ. Ma auf gui msaꞌ napein kasat. Anmurai naꞌko oras ia tar antea ho mmaet, ho ro he mmepu mbain aetn om, ma mubaniꞌ auf gui, henaꞌ ho mupein he muah. Ammeup on naan ate, naꞌ ho mmoin. Maski ho mseen ma mroe humaꞌ-humaꞌ, mes auf gui suma napoitan ꞌaik kiisn aa ma krabat. Rarit ho ro he mmepu mbain aetn om maꞌtaniꞌ, henaꞌ auf gui nfee ko mnahat. Ho ro he mmeup ma puus ee nsai tar ho mmaet. Au ꞌmoeꞌ ko naꞌko afu. Onaim karu ho mmate te, ho mfani mrair afu.”
Rarit naiꞌ Adam nakanab in fee je nak ‘bi Hawa’ (in aꞌmoufn ii ‘reꞌ anmoin’), natuin bifee naan es reꞌ njair ainaf neu areꞌ mansian amonit anbin pah-pinan ia.
Rarit UISNENO nmoeꞌ tais naꞌko pasu, ma nfeen sin he npaken.

Rarit UISNENO naꞌuab am nak, “Oras ia mansian ein nahinin rais reko, ma rais reꞌuf, on reꞌ Hit. Kais-kaisaꞌ sin naah hau fuaꞌ reꞌ neiki ꞌhonis abar-barat.” Rarit In nriuꞌ napoitan sin naꞌkon poꞌon Eden, he sin nua sin nnaon neun bare bian, ma nmonin on atoin tani, he sin amnaimt ein naꞌko afu. Anriꞌu nrair sin on naan ate, Uisneno nreun In ameup maniin ein naꞌko sonaf neno tunan, he nnao npao poꞌon naan nbin pasaꞌ neon-saet. Sin nnaꞌan suniꞌ reꞌ npiin ma nrirok neu-mneem. Usiꞌ nreun sin he nhaken nꞌekaꞌ ranan, natuin In ka nroim fa he tuaf anseu naan hau fuaꞌ reꞌ neiki ꞌhonis abar-barat.

Сонсох Retaꞌ Ahun-hunut 3