<div class="version vid1287 iso6393mkn" data-vid="1287" data-iso6393="mkn">
 <div class="book bkGEN">
 <div class="chapter ch2" data-usfm="GEN.2">
 <div class="label">2</div><div class="p"> 1Deng bagitu, Tuhan Allah bekin ame langit deng bumi, deng dia pung isi dong samua.</div><div class="m"> 2Dia karj&#225; abis samua, ju dia pung beso, pas deng hari katuju, Dia barenti. 3Deng bagitu, Dia bekin hari katuju jadi hari b&#233;sar dari hari-hari laen dong. Dia ator bagitu, tagal Dia su bekin abis Dia pung karj&#225;, ais di hari katuju Dia istirahat. 4aTuhan Allah bekin langit deng bumi pung carita, andia bagitu.</div><div class="s1">Tuhan Allah bekin laki-laki deng parampuan</div><div class="r">(Mateos 19:4-6; Markus 10:4-9; 1 Korintus 6:16; 15:45, 47; Efesus 5:31-33)</div><div class="p"> 4bWaktu TUHAN Allah baru mulai bekin langit deng bumi tu, 5-6bal&#243;m ada tanaman apa-apa, tagal Dia bal&#243;m kasi turun ujan. Itu waktu, yang ada cuma kabut yang nae dari tana ko bekin basa bumi. Deng bal&#243;m ada manusia yang bekin kab&#243;n. 7Ais ju TUHAN Allah ame tana sadiki, ko bekin ame jadi manusia. Ais Dia fuu kasi maso napas pi dalam dia pung lobang idong, ju itu manusia idop memang.</div><div class="p"> 8Ais itu, TUHAN Allah buka ame satu kab&#243;n di tana Eden, di sabl&#225; matahari nae. Ju Dia kasi itu manusia ko tenga di itu kab&#243;n. 9Dalam itu kab&#243;n, Dia su kasi idop macam-macam pohon yang bagus, deng pohon yang orang bisa makan deng enak. Dia ju kasi idop dua macam pohon di itu kab&#243;n pung teng-tenga. Kalo orang makan dari pohon yang satu pung bua, dia dapa idop tar&#250;s. Ma kalo orang makan dari pohon yang satu lai pung bua, dia bisa tau mana yang bae deng mana yang jahat.</div><div class="p"> 10Ada kali satu di situ, yang malele kaluar dari itu kab&#243;n. Itu kali bacabang ampa. 11Dia pung cabang partama, nama Pison. Itu cabang bataputar kuliling tana Hawila, yang ada banya mas. 12Di situ ada mas barisi, ada pohon yang dia pung dara wangi, deng ada batu mangkilat. 13Itu kali pung cabang kadua, nama Gihon. Itu cabang bataputar kuliling tana Kus.#2:13:Dolu ini tana pung nama &#8216;Kus&#8217;. Sakarang dia bagian dari negara Etiopia deng negara Sudan, yang ada di Afrika pung sabl&#225; matahari nae. 14Dia pung cabang katiga, nama Tigris. Ini cabang ni jadi batas di tana Asyur#2:14:Asyur tu, negara yang sakarang nama &#8216;Irak&#8217;. pung sabl&#225; matahari nae. Dia pung cabang ka&#42892;ampa, nama Efrat.</div><div class="p"> 15TUHAN Allah kasi itu manusia tenga di Eden, ko dia urus bae-bae itu kab&#243;n. 16Ju Dia parenta sang itu manusia bilang, &#8220;Lu bole makan bua apa sa dari samua pohon di ini kab&#243;n. 17Ma ada satu yang lu sonde bole makan. Andia, itu pohon yang kasi tau mana yang bae deng mana yang jahat. Kalo lu makan, lu pasti mati.&#8221;</div><div class="p"> 18Ais TUHAN Allah omong lai bilang, &#8220;Sonde bae kalo ini manusia idop sandiri. Jadi Beta mau bekin kasi dia, satu tam&#225;n yang pas deng dia.&#8221;</div><div class="p"> 19-20Itu waktu, TUHAN Allah ame tana, ko bekin ame macam-macam binatang deng burung. Ais Dia antar bawa itu binatang deng burung dong pi di itu orang, ko biar dia kasi nama sang dong. Tar&#250;s, itu orang kasi nama itu binatang deng burung dong, satu-satu deng dia pung nama. Ma dia sandiri bal&#243;m dapa satu tam&#225;n yang pas deng dia. </div><div class="p"> 21Ais itu, TUHAN Allah bekin itu orang ko tidor sonu. Waktu dia ada tidor, Tuhan ame dia pung tulang rebis satu, ais tutu kambali itu luka. 22Dari itu tulang tu, Dia bekin jadi parampuan. Ais Dia sarakan itu parampuan pi itu orang. 23Lia itu parampuan, ju itu orang bilang,</div><div class="q1">&#8220;Naaa! Ini dolo! Ini baru pas deng beta!</div><div class="q2">Dia pung tulang sama deng beta pung tulang.</div><div class="q3">Deng dia pung daging ju sama deng beta pung daging.</div><div class="q2">Tagal dia jadi dari laki-laki, andia ko beta kasi nama sang dia &#8216;parampuan&#8217;.&#8221;#2:23:Dalam bahasa Ibrani, laki-laki bilang &#8216;ish&#8217;. Deng parampuan bilang &#8216;isha&#8217;. Jadi di sini dong ada maen kata bilang, &#8220;isha (parampuan) jadi dari ish (laki-laki).&#8221;</div><div class="q1"> 24Tagal itu, laki-laki musti kasi tenga dia pung papa deng dia pung mama,</div><div class="q2">ko pi idop satu hati deng dia pung bini,</div><div class="q3">te dong dua su ta&#42892;ika jadi satu.</div><div class="p"> 25Itu waktu, dong dua ada talanjang bulat, ma dong sonde ada rasa malu sadiki ju.</div>
 </div>
 </div>
</div>

Deng bagitu, Tuhan Allah bekin ame langit deng bumi, deng dia pung isi dong samua.
Dia karjá abis samua, ju dia pung beso, pas deng hari katuju, Dia barenti. Deng bagitu, Dia bekin hari katuju jadi hari bésar dari hari-hari laen dong. Dia ator bagitu, tagal Dia su bekin abis Dia pung karjá, ais di hari katuju Dia istirahat. Tuhan Allah bekin langit deng bumi pung carita, andia bagitu.


Waktu TUHAN Allah baru mulai bekin langit deng bumi tu, balóm ada tanaman apa-apa, tagal Dia balóm kasi turun ujan. Itu waktu, yang ada cuma kabut yang nae dari tana ko bekin basa bumi. Deng balóm ada manusia yang bekin kabón. Ais ju TUHAN Allah ame tana sadiki, ko bekin ame jadi manusia. Ais Dia fuu kasi maso napas pi dalam dia pung lobang idong, ju itu manusia idop memang.
Ais itu, TUHAN Allah buka ame satu kabón di tana Eden, di sablá matahari nae. Ju Dia kasi itu manusia ko tenga di itu kabón. Dalam itu kabón, Dia su kasi idop macam-macam pohon yang bagus, deng pohon yang orang bisa makan deng enak. Dia ju kasi idop dua macam pohon di itu kabón pung teng-tenga. Kalo orang makan dari pohon yang satu pung bua, dia dapa idop tarús. Ma kalo orang makan dari pohon yang satu lai pung bua, dia bisa tau mana yang bae deng mana yang jahat.
Ada kali satu di situ, yang malele kaluar dari itu kabón. Itu kali bacabang ampa. Dia pung cabang partama, nama Pison. Itu cabang bataputar kuliling tana Hawila, yang ada banya mas. Di situ ada mas barisi, ada pohon yang dia pung dara wangi, deng ada batu mangkilat. Itu kali pung cabang kadua, nama Gihon. Itu cabang bataputar kuliling tana Kus. Dia pung cabang katiga, nama Tigris. Ini cabang ni jadi batas di tana Asyur pung sablá matahari nae. Dia pung cabang kaꞌampa, nama Efrat.
TUHAN Allah kasi itu manusia tenga di Eden, ko dia urus bae-bae itu kabón. Ju Dia parenta sang itu manusia bilang, “Lu bole makan bua apa sa dari samua pohon di ini kabón. Ma ada satu yang lu sonde bole makan. Andia, itu pohon yang kasi tau mana yang bae deng mana yang jahat. Kalo lu makan, lu pasti mati.”
Ais TUHAN Allah omong lai bilang, “Sonde bae kalo ini manusia idop sandiri. Jadi Beta mau bekin kasi dia, satu tamán yang pas deng dia.”
Itu waktu, TUHAN Allah ame tana, ko bekin ame macam-macam binatang deng burung. Ais Dia antar bawa itu binatang deng burung dong pi di itu orang, ko biar dia kasi nama sang dong. Tarús, itu orang kasi nama itu binatang deng burung dong, satu-satu deng dia pung nama. Ma dia sandiri balóm dapa satu tamán yang pas deng dia.
Ais itu, TUHAN Allah bekin itu orang ko tidor sonu. Waktu dia ada tidor, Tuhan ame dia pung tulang rebis satu, ais tutu kambali itu luka. Dari itu tulang tu, Dia bekin jadi parampuan. Ais Dia sarakan itu parampuan pi itu orang. Lia itu parampuan, ju itu orang bilang,
“Naaa! Ini dolo! Ini baru pas deng beta!
Dia pung tulang sama deng beta pung tulang.
Deng dia pung daging ju sama deng beta pung daging.
Tagal dia jadi dari laki-laki, andia ko beta kasi nama sang dia ‘parampuan’.”
Tagal itu, laki-laki musti kasi tenga dia pung papa deng dia pung mama,
ko pi idop satu hati deng dia pung bini,
te dong dua su taꞌika jadi satu.
Itu waktu, dong dua ada talanjang bulat, ma dong sonde ada rasa malu sadiki ju.

Сонсох Carita Mula-mula 2