Gapapaiwa

<div class="version vid1180 iso6393pwg" data-vid="1180" data-iso6393="pwg">
 <div class="book bkLUK">
 <div class="chapter ch23" data-usfm="LUK.23">
 <div class="label">23</div><div class="s1">Pailat, Yesu ivi taravirevirei.</div><div class="r">(Mat 27:1-2, 11-14; Mak 15:1-5; Jon 18:28-38)</div><div class="p"> 1Ma babadisi kudubisi ivomiiri da Yesu irutinaneyei Pailat kurina. 2Ma nani dobunai ivi karei da Yesu ivivi wavui, &#8220;Weni tomowina kapanani da akii wawaya inoraveraveyana berosi. Ivonesi da Kiivavo Sisa ina teks ke iti miiyei, bade ivona da tuna kiivavo, ma Keriso.&#8221;</div><div class="p"> 3Pailat Yesu ivi tarakiiyanei bo, &#8220;Tam Jiu damsi i kiivavo, bo?&#8221;</div><div class="p">Yesu ivona bo, &#8220;Vonavaghata, vaghina kevonavona.&#8221;</div><div class="p"> 4Ma Pailat ivi sisiya taparoro babadisi i babada ma koroto kurisi. Ivonesi bo, &#8220;Weni wawayina ina berona ke sago ata panani.&#8221;</div><div class="p"> 5Ma kegha da taparoro babadisi i babada ma koroto gamosi ibagibagi, &#8220;Weni tomowina ina vibeyebeyena kubiine, wawaya peyarisi Judiya kamonai nuwanuwasi eghakighaki. Gariri kamonai ivi karei ma ipisi da wike.&#8221;</div><div class="s1">Herodi, Yesu ivi taravirevirei.</div><div class="p"> 6Pailat sisiyina ivivi yanei na ivi tarakiiyana bo, &#8220;Tomowina na Gariri wawaya bo?&#8221; 7Pailat ivi yanei da Yesu tuna Herodi ina rewapana gaburinai na ivonatawei Herodi kurina, iyamna iakovi da Herodi wekarakava ipisi ku Jerusalem. 8Maranai Herodi Yesu ikitai, nuwanuwana ibiibii kirakai, iyamna tuna namadani kava ina kayowana da Yesu ita kitai. Varana ivivi yanei na ina nota ghamana da Yesu bera ghamaghamasi ita berai da ita kitai. 9Ivi taravirevire kirakiiyei ma Yesu ke ita vonapotei. 10Taparoro babadisi i babada ma giruma wawayisi imiiririya ma Yesu ivi wavu patei. 11Ma Herodi, ina seri wawayisi yavata Yesu ivi namei ma ivi kaekaeyei. Ma muriyai gara kiimatanina iviiya ma Yesu ivi kotei ma ivonatawei ivovira Pailat kurina. 12Karenai Pailat da Herodi ivi kawapata ma nani maranai ivi karei da ivi turana.</div><div class="s1">Wawaya Yesu ikovoghi.</div><div class="r">(Mat 27:11-14, 15-26; Mak 15:6-15; Jon 18:39&#8212;19:16)</div><div class="p"> 13Pailat, Yesu iviiya na babadisi ma koroto kudubisi ikwaturiyariyesi, 14ma ivonesi bo, &#8220;Weni tomowina kopiyei na kovona da wawaya ivivi noraveyana berosi. Tomowina kovi wavui na maghinomiyai avi tupavirevirei ma ke sago ina berona ata panani. 15Bade Herodi nakanani ke sago berona ita panani. Tuna kubiine ivonatawei ivovira kurita. Ke aviyavisina berona ita berai da kana rabobo kota vonei. 16Tuna kubiine kovogha kava ana verei ma ana vonatawei ina nae.&#8221; 18Peyarisi marasago ikarayogosi, &#8220;Kokiivunui! Akii kayowana da Barabas kovotawei!&#8221; 19(Barabas viruwa ma kiivunuwa kubiine ku gabura iterei.)</div><div class="p"> 20Pailat babadisi ma wawayisi ivonatovonisi da Yesu ita votawei. 21Ma kegha da koroto ere kiikiirarisi ivonavona bo, &#8220;Kotuparatui! Kotuparatui!&#8221;</div><div class="p"> 22Pailat ina vonatovona viarobina iterei, &#8220;Ikikava? Weni tomowina aviyavisina ibera beroi? Ke aviyavisina berona ita berai da kana rabobo kota vonei. Tuna kubiine ana vonesi da widi kava ina verei ma ina vonatawei ina nae.&#8221;</div><div class="p"> 23Ma kegha, ere nuwaghakighakisi koroto ikiikiirara ma ivonavona bo, &#8220;Kotuparatui!&#8221; Nani kiirarina kubiine, 24Pailat i kayowana iberai. Yesu seri wawayisi ku imasi iterei da ita tuparatui. 25Ma Barabas, viruwa ma kiivunuwa kubiine gabura kamonai imakamakai, ivotawei koroto i ku kayowanai.</div><div class="s1">Seri damsi Yesu ituparatui.</div><div class="r">(Mat 27:32-44; Mak 15:21-32; Jon 19:17-27)</div><div class="p"> 26Seri damsi Yesu irutini inenae. Nani kamonai tomowa sago, kana vava Saimon, ina dobu Sairini, ku Jerusalem irurui. Seri damsi imiiripotei ma Yesu kana korosi iviiya da Saimon ivi kavari. Ma ivonei da Yesu murinai ita baba.</div><div class="p"> 27Ma koroto ghamana ikivikivinisi ma kamonai na wivine Yesu itutuwei ma isiyasiyapei. 28Yesu imiiritavire ma ivonesi bo, &#8220;Jerusalem wivine, ke kona tuweku. Tami ma natunatumi kubiimi kota tou. 29Kokitai, mara epipisi ma wawaya ina vona bo, &#8216;Iyapoma da wivine gagarisi, manawisi kamonai pepeya ke ita kavari, ma ke iti susui.&#8217; 30Nani maranai wawaya koya ina vonei bo, &#8216;Koya ghamam, ketamogunewa da kuna dogokai! Koya kikei, agu etini ku tepakai!&#8217;#Hos 10:8; Rev 6:16 31Mikeda wawaya weni berasi ina berai maranai kii matinai, ma avi berana ina berai maranai kii na ina poki?&#8221;</div><div class="p"> 32Seri damsi tomotomowa beroberosi ruwa irutinisi ikiibau da Yesu yavata iti rabobosi. 33Maranai inekiibau da gawara kana vava &#8216;Wawaya Teuteuna,&#8217; ma nani dobunai Yesu ma tomotomowisi ruwa ituparatusi. Sago katagheyanai ma sago dugenai. 34Yesu ivona bo, &#8220;Mamai, weni damsi i berabero kenotatawei. Ti ke itakovi da aviyavisina eberaberai.&#8221;#Psa 22:18</div><div class="p">Ma seri wawayisi virekwa sago iberai da kamosiyai Yesu kana gara irereghi. 35Ma wawaya imiiri ikitakita ma babada ivonavonavinamei. Ivonei bo, &#8220;Kuvona da tam God ina Vivinevine Wawayim. Wawaya kuvivi yawisi na mede kevi yawa meyem!&#8221;#Psa 22:7</div><div class="p"> 36Seri damsi imiiririya ma ti yavata Yesu ivi namei. Wain tomatomana iverei da itumai#Psa 69:21 37ma ivonei bo, &#8220;Mikeda tam Jiu damsi i kiivavo na kevi yawa meyem.&#8221;</div><div class="p"> 38Ma gayamina vovonai, korosiyai, igiruma bo, &#8216;Weni tuna Jiu damsi i kiivavo.&#8217;</div><div class="p"> 39Tomowa berona yavata irororoke na Yesu ivonavinamei, &#8220;Tam Keriso bo? Kevi yawita.&#8221;</div><div class="p"> 40Ma kana viruwa kwinana iyeghai bo, &#8220;Tam God keyabuyabumanei bo kegha? Ita viaroba na kovoghina sago taviiviiya. 41Tota na ita berabero tepanai na kovogha taviiviiya ma weni tomowina na ina berona kegha.&#8221; 42Ma ivonei bo, &#8220;Yesu, maranai kuni kiivavo na ke kuni notawapeku.&#8221;</div><div class="p"> 43Yesu tomowina ivonapotei bo, &#8220;Karako tam ma taku tarui ku Paradais.&#8221;</div><div class="s1">Yesu irabobo.</div><div class="r">(Mat 27:45-56; Mak 15:33-41; Jon 19:28-30)</div><div class="p"> 44Vaghina ma madegha punai ma nubakutuva ioru da dobu kudubina isovo yavui, ma nakanani imakamakai da ku ravi madegha. 45Maranai madegha rarana ivoterei Taparoro Numana kana tupayaragha garana basunai itamogosira da ruwa.#Exod 26:31-33 46Ma Yesu gamona irakata ma ikwatu, &#8220;Mamai, kanumiku ku imam atereterei.&#8221; Ina sisiya turina iterei, nuwayaporina ighae ma irabobo.#Psa 31:5</div><div class="p"> 47Ma senturiyon sago weni berana ikitai, God ivokavakavari ma ivona bo, &#8220;Vonavaghata da weni tomowina na wawaya maninina.&#8221;</div><div class="p"> 48Vaghina ma, wawaya ivi kiidaburesi ma weni berana ikitai na peyarisi nuwapoyina iviiya da nuwakadasi iraravi ma ivovira i ku numa. 49Wawaya viya Yesu iakova kirakiiyei ma bade wivine Yesu ikivini Gaririyai ipisi, imiiritaweyana ma ikitakita.#Luk 8:2-3</div><div class="s1">Yesu idogoi.</div><div class="r">(Mat 27:57-61; Mak 15:42-47; Jon 10:38-42)</div><div class="p"> 50Tomowa sago kana vava Josepa, ina kwanatu Arimateya, Judiya kamonai. Tuna wawaya biibiina ma kiimatanina. Ma bade tomowa ghamana Jiu damsi babadisi kamosiyai. 51Maranai babadisi ivi ogatara da Yesu iti raboboi na ke iti vaghinei. Ma bade tuna nimonimoriyai ikoyakoyagha da God ina vikiivavona kana mara ita pisi. 52Inae Pailat kurina ma Yesu tupuwina kubiine ivi nowi. 53Korosi itereoruwei ma igerei. Ma ikavari inae da buba vuna vaghata kamonai ivi kenai. 54Ivovovunagha da viyakam marana kubiine.</div><div class="p"> 55Nani wivinesi Yesu Gaririyai ikivini ighae na bade wivinesi sago Josepa ikivini inae da buba ikitai ma ikikava Yesu tupuwina iterei. 56Ivovira ku numa ma i oira ghabughabusi ivovunagha.#Exod 20:10; Deut 5:14</div><div class="p">Ma viyakam marana kubiine ivi yakam.</div>
 </div>
 </div>
</div>

Ma babadisi kudubisi ivomiiri da Yesu irutinaneyei Pailat kurina. Ma nani dobunai ivi karei da Yesu ivivi wavui, “Weni tomowina kapanani da akii wawaya inoraveraveyana berosi. Ivonesi da Kiivavo Sisa ina teks ke iti miiyei, bade ivona da tuna kiivavo, ma Keriso.”
Pailat Yesu ivi tarakiiyanei bo, “Tam Jiu damsi i kiivavo, bo?”
Yesu ivona bo, “Vonavaghata, vaghina kevonavona.”
Ma Pailat ivi sisiya taparoro babadisi i babada ma koroto kurisi. Ivonesi bo, “Weni wawayina ina berona ke sago ata panani.”
Ma kegha da taparoro babadisi i babada ma koroto gamosi ibagibagi, “Weni tomowina ina vibeyebeyena kubiine, wawaya peyarisi Judiya kamonai nuwanuwasi eghakighaki. Gariri kamonai ivi karei ma ipisi da wike.”

Pailat sisiyina ivivi yanei na ivi tarakiiyana bo, “Tomowina na Gariri wawaya bo?” Pailat ivi yanei da Yesu tuna Herodi ina rewapana gaburinai na ivonatawei Herodi kurina, iyamna iakovi da Herodi wekarakava ipisi ku Jerusalem. Maranai Herodi Yesu ikitai, nuwanuwana ibiibii kirakai, iyamna tuna namadani kava ina kayowana da Yesu ita kitai. Varana ivivi yanei na ina nota ghamana da Yesu bera ghamaghamasi ita berai da ita kitai. Ivi taravirevire kirakiiyei ma Yesu ke ita vonapotei. Taparoro babadisi i babada ma giruma wawayisi imiiririya ma Yesu ivi wavu patei. Ma Herodi, ina seri wawayisi yavata Yesu ivi namei ma ivi kaekaeyei. Ma muriyai gara kiimatanina iviiya ma Yesu ivi kotei ma ivonatawei ivovira Pailat kurina. Karenai Pailat da Herodi ivi kawapata ma nani maranai ivi karei da ivi turana.


Pailat, Yesu iviiya na babadisi ma koroto kudubisi ikwaturiyariyesi, ma ivonesi bo, “Weni tomowina kopiyei na kovona da wawaya ivivi noraveyana berosi. Tomowina kovi wavui na maghinomiyai avi tupavirevirei ma ke sago ina berona ata panani. Bade Herodi nakanani ke sago berona ita panani. Tuna kubiine ivonatawei ivovira kurita. Ke aviyavisina berona ita berai da kana rabobo kota vonei. Tuna kubiine kovogha kava ana verei ma ana vonatawei ina nae.” Peyarisi marasago ikarayogosi, “Kokiivunui! Akii kayowana da Barabas kovotawei!” (Barabas viruwa ma kiivunuwa kubiine ku gabura iterei.)
Pailat babadisi ma wawayisi ivonatovonisi da Yesu ita votawei. Ma kegha da koroto ere kiikiirarisi ivonavona bo, “Kotuparatui! Kotuparatui!”
Pailat ina vonatovona viarobina iterei, “Ikikava? Weni tomowina aviyavisina ibera beroi? Ke aviyavisina berona ita berai da kana rabobo kota vonei. Tuna kubiine ana vonesi da widi kava ina verei ma ina vonatawei ina nae.”
Ma kegha, ere nuwaghakighakisi koroto ikiikiirara ma ivonavona bo, “Kotuparatui!” Nani kiirarina kubiine, Pailat i kayowana iberai. Yesu seri wawayisi ku imasi iterei da ita tuparatui. Ma Barabas, viruwa ma kiivunuwa kubiine gabura kamonai imakamakai, ivotawei koroto i ku kayowanai.


Seri damsi Yesu irutini inenae. Nani kamonai tomowa sago, kana vava Saimon, ina dobu Sairini, ku Jerusalem irurui. Seri damsi imiiripotei ma Yesu kana korosi iviiya da Saimon ivi kavari. Ma ivonei da Yesu murinai ita baba.
Ma koroto ghamana ikivikivinisi ma kamonai na wivine Yesu itutuwei ma isiyasiyapei. Yesu imiiritavire ma ivonesi bo, “Jerusalem wivine, ke kona tuweku. Tami ma natunatumi kubiimi kota tou. Kokitai, mara epipisi ma wawaya ina vona bo, ‘Iyapoma da wivine gagarisi, manawisi kamonai pepeya ke ita kavari, ma ke iti susui.’ Nani maranai wawaya koya ina vonei bo, ‘Koya ghamam, ketamogunewa da kuna dogokai! Koya kikei, agu etini ku tepakai!’ Mikeda wawaya weni berasi ina berai maranai kii matinai, ma avi berana ina berai maranai kii na ina poki?”
Seri damsi tomotomowa beroberosi ruwa irutinisi ikiibau da Yesu yavata iti rabobosi. Maranai inekiibau da gawara kana vava ‘Wawaya Teuteuna,’ ma nani dobunai Yesu ma tomotomowisi ruwa ituparatusi. Sago katagheyanai ma sago dugenai. Yesu ivona bo, “Mamai, weni damsi i berabero kenotatawei. Ti ke itakovi da aviyavisina eberaberai.”
Ma seri wawayisi virekwa sago iberai da kamosiyai Yesu kana gara irereghi. Ma wawaya imiiri ikitakita ma babada ivonavonavinamei. Ivonei bo, “Kuvona da tam God ina Vivinevine Wawayim. Wawaya kuvivi yawisi na mede kevi yawa meyem!”
Seri damsi imiiririya ma ti yavata Yesu ivi namei. Wain tomatomana iverei da itumai ma ivonei bo, “Mikeda tam Jiu damsi i kiivavo na kevi yawa meyem.”
Ma gayamina vovonai, korosiyai, igiruma bo, ‘Weni tuna Jiu damsi i kiivavo.’
Tomowa berona yavata irororoke na Yesu ivonavinamei, “Tam Keriso bo? Kevi yawita.”
Ma kana viruwa kwinana iyeghai bo, “Tam God keyabuyabumanei bo kegha? Ita viaroba na kovoghina sago taviiviiya. Tota na ita berabero tepanai na kovogha taviiviiya ma weni tomowina na ina berona kegha.” Ma ivonei bo, “Yesu, maranai kuni kiivavo na ke kuni notawapeku.”
Yesu tomowina ivonapotei bo, “Karako tam ma taku tarui ku Paradais.”


Vaghina ma madegha punai ma nubakutuva ioru da dobu kudubina isovo yavui, ma nakanani imakamakai da ku ravi madegha. Maranai madegha rarana ivoterei Taparoro Numana kana tupayaragha garana basunai itamogosira da ruwa. Ma Yesu gamona irakata ma ikwatu, “Mamai, kanumiku ku imam atereterei.” Ina sisiya turina iterei, nuwayaporina ighae ma irabobo.
Ma senturiyon sago weni berana ikitai, God ivokavakavari ma ivona bo, “Vonavaghata da weni tomowina na wawaya maninina.”
Vaghina ma, wawaya ivi kiidaburesi ma weni berana ikitai na peyarisi nuwapoyina iviiya da nuwakadasi iraravi ma ivovira i ku numa. Wawaya viya Yesu iakova kirakiiyei ma bade wivine Yesu ikivini Gaririyai ipisi, imiiritaweyana ma ikitakita.


Tomowa sago kana vava Josepa, ina kwanatu Arimateya, Judiya kamonai. Tuna wawaya biibiina ma kiimatanina. Ma bade tomowa ghamana Jiu damsi babadisi kamosiyai. Maranai babadisi ivi ogatara da Yesu iti raboboi na ke iti vaghinei. Ma bade tuna nimonimoriyai ikoyakoyagha da God ina vikiivavona kana mara ita pisi. Inae Pailat kurina ma Yesu tupuwina kubiine ivi nowi. Korosi itereoruwei ma igerei. Ma ikavari inae da buba vuna vaghata kamonai ivi kenai. Ivovovunagha da viyakam marana kubiine.
Nani wivinesi Yesu Gaririyai ikivini ighae na bade wivinesi sago Josepa ikivini inae da buba ikitai ma ikikava Yesu tupuwina iterei. Ivovira ku numa ma i oira ghabughabusi ivovunagha.
Ma viyakam marana kubiine ivi yakam.

Сонсох Luk 23