Secunnu Matteu 2
2
1Ora essennu natu Gesù in Bettelemmi di Giuda a li tempi di lu re Erodi, eccu chi vinniru li Magi di l’ orienti in Gerusalemmi,
2Dicennu: Unn’ è chiddu, chi nasciu re di li Judei? giacchì vittimu la so stidda in orienti, e vinnimu pri adurarlu.
3Sintennu chistu lu re Erodi, si turbau, e cu iddu tutta Gerusalemmi.
4E riunennu tutti li capi di li sacerdoti, e li Scribi di lu populu, si vulia sapiri da iddi, unni nascirria Cristu.
5Ed iddi cci dissiru: In Bettelemmi di Giuda: giacchì accussì fu scrittu da lu profeta:
6E tu Bettelemmi terra di Giuda, nun sì la cchiù infima tra li principali di Giuda: pirchì da tia niscirrà lu capu, chi riggirrà lu me populu d’ Isdraeli.
7Allura Erodi, chiamati a parti li Magi, diligentementi si fici diri da iddi lu tempu, in cui cumpariu la stidda:
8E mannannuli a Bettelemmi, cci dissi: Iti, e nfurmativi esattamenti di lu picciriddu: e quannu lu truvirriti, facitimillu sapiri, acciocchì iu vinissi e l’ adurassi.
9Li quali avennu ntisu lu re parteru. Ed eccu la stidda, chi avianu vistu in orienti, li precedia, sinu a chi caminannu si firmau supra, unni era lu bamminu.
10E vidennu la stidda s’ alligraru d’ un gaudiu magnu.
11E trasennu ntra la casa, vittiru lu bamminu cu so matri Maria, e addinucchiannusi l’ aduraru: ed aperti li soi tesori cci offreru pri rigalu oru, incensu, e mirra.
12Ed avennu avutu avvertimentu in sonnu di nun turnari da Erodi, si nni turnaru a li soi paisi pri nautra strata.
13Li quali comu foru partuti, eccu l’ ancilu di lu Signuri accumpariu ntra lu sonnu a Giuseppi, e cci dissi: Susiti, pigghiati lu picciriddu, e so matri, e fuitinni in Egittu, e statti ddà, sinu a chi ti lu dicu iu. Succedirrà, chi Erodi circhirrà lu picciriddu pri livarlu di menzu.
14Lu quali susennusi si pigghiau lu picciriddu, e so matri di notti, e si nni jiu in Egittu.
15E stava ddà sinu a la morti di Erodi: acciocchì si adimpissi zoccu fu dittu da lu Signuri pri menzu di lu profeta dicennu: Chiamavi d’ Egittu a me figghiu.
16Allura Erodi vidennu, chi era statu ngannatu da li Magi, si ncuitau fortementi, e cumannau d’ ammazzari tutti li picciriddi, chi eranu in Bettelemmi, ed in tutti li soi vicinanzi di dui anni in sutta, secunnu lu tempu, chi avia ntisu da li Magi.
17Allura fu adimputu chiddu, chi fu dittu da Geremia profeta, chi dissi:
18Si ntisi na vuci in Rama cu chianti e cu lamenti: Racheli chiancennu li soi figghi nun si putia cunsulari, pirchì nun esistianu cchiù.
19Essennu mortu Erodi, eccu l’ ancilu di lu Signuri accumpariu ntra lu sonnu a Giuseppi in Egittu,
20Dicennu: Susiti, e pigghiati lu picciriddu, e so matri, e vattinni ntra la terra d’ Isdraeli: giacchì sù morti chiddi, chi vulevanu levari la vita a lu picciriddu.
21Lu quali susennusi, si pigghiau lu picciriddu, e so matri, e si nni jiu ntra la terra d’ Isdraeli.
22E sintennu, chi Archelau regnava in Giudia in veci di so patri Erodi, si scantau di iri ddà: ed avvirtutu in sonnu, si ritirau ntra li parti di Galilia.
23E vinni ad abitari ntra la città, chi si chiama Nazaret: acciocchì si verificassi zoccu fu dittu da li profeti: Perciò sarrà chiamatu Nazarenu.
നിലവിൽ തിരഞ്ഞെടുത്തിരിക്കുന്നു:
Secunnu Matteu 2: SCN
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
First published in 1860 and 1861.
