THRÜNTAN 5
5
Adam Tsühsoniusobo
(1 Kiuthsü 1.1-4)
1Ha Adam lünkhe hüm ah. Thrünpuhnü mihtsürü thrün nimung, apinü anihbuh ju Thrünpuh kiphahkhi chingnü thrün. 2Apinü arü athrürü tüsho aliberü thrün, tüsho arü müngühjihde arü thrün nimung arü ki mihtsürü de ji. 3Adam kam 130 lachoki api kiphahde tsührü khülang lakheah; tüsho apinü amung Seth de ji. 4Seth zübeshu, Adam kam 800 lakheah tüsho tsührübo le tsührübebo lakheah. 5Alala thsürubah Adam kam 930 lakheah, tüsho api sheabah.
6Seth kam 105 lachoki, api tsührü Enosh lakheah. 7Tüsho Enosh lashu Seth kam 807 tüsho tsührübo le tsührübebo lakheah. 8Seth kam alalanü 912 lakheah, tüsho api sheabah.
9Enosh kam 90 lachoki api Kenan abuh kam. 10Kenan lashu Enosh kam 815 la tüsho tsührübo le tsührübebo lakheah. 11Enosh kam alalanü 905 lakheah, tüsho api sheabah.
12Kenan kam 70 lachoki, api tsührü Mahalalel lakheah. 13Mahalalel lashu, Kenan kam 840 la tüsho tsührübo le tsührübebo lakheah. 14Kenan kam alalanü 910 lakheah, tüsho api sheabah.
15Mahalalel kam 65 lachoki, api Jared abuh kam. 16Api Jared abuh kamshu, Mahalalel kam 830 la, tüsho tsührübo le tsührübebo lakheah. 17Mahalalel kam alalanü 895 lakheah, tüsho api sheabah.
18Jared kam 162 lachoki, api tsührü Enok lakheah. 19Enok lashu, Jared kam 800 la tüsho tsührübo le tsührübebo lakheah. 20Jared kam alalanü 962 lakheah, tüsho api sheabah.
21Enok kam 654 lachoki, api tsührü Methusela lakheah. 22Methusela lashu, Enoknü kam 300 Thrünpuh lung tsah, tüsho tsührübo le tsührübebo lakheah. 23Enok kam alalanü 365 lakheah. 24Enoknü Thrünpuh lung tsah; jushu api müladebah, tümütüsho Thrünpuhnü api bea lu.
25Methusela kam 187 lachoki, api tsührü Lamek lakheah. 26Lamek lashu, Methusela kam 782 la, tüsho tsührübo le tsührübebo lakheah. 27Methusela kam alalanü 969 lakheah, tüsho api sheabah.
28Lamek kam 182 lachoki, api tsührü khülang lakheah. 29Apinü amung Noa de jide tha, “Atungpuhnü muthrumüneankhi lo ching isa rhimo khisahde arhimokhi alala chingnü ha azürü hode isa sühakhimshihbah.” 30Noa lashu, Lamek kam 595 la, tüsho tsührübo le tsührübebo lakheah. 31Lamek kam alalanü 777 lakheah, tüsho api sheabah.
32Noa kam 500 lachoki, api tsührübo Shem, Ham, tüsho Japheth lakheah.
നിലവിൽ തിരഞ്ഞെടുത്തിരിക്കുന്നു:
THRÜNTAN 5: YIMCBSI
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
