MARK 12-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Kush hab kaij g Jesus, “Si geꞌe chehanig o d ihda: Ab g wo si tatchuad g e‑kownalig Jiosh wehs e‑ihbdagkaj ch id am wo chehgidch wehs e‑doakagkaj ch wehs e‑chegitoikaj ch wehs e‑gewkdagkaj. Id g ab wo si kaihamad ahpim mam d chum hemajkamgaj no pi pi hema ep d em‑Jioshga. Neh, id o d si geꞌe chehanig. K id hab waꞌap d si geꞌe chehanig ch hab chuꞌig: Ab g wo si ha tatchuad g hemajkam hab masma mam has i masma ab hejel si e tatchua. Idam gohk o d si geꞌe chehanig.”

Sh g Jesus am ha ahgid g e‑chuhchai, “Nehꞌe, hegam mo haꞌichu s‑edgid o hi wa baꞌich i mumuꞌi am toꞌaw. T wabshaba ihda al oks baꞌich i si haꞌichu hab juh nat pi am al toa wehs hegai mo haschu al i edgid.”

Kutsh am dahiwua g Jesus miabidch g geꞌe cheopi. K ab e toꞌaw hegai lial mo hekaj e nuhkud g cheopi. Sh g Jesus am ha neid hegam mo am toꞌaw. Kush g s‑kakais shaꞌi si mumuꞌi am toꞌaw. Tsh am hema jiwia g hejel wiꞌikam oks k am hi wa al toa g gohk s‑wepegchu.

Kutt hemho wa ab wo si tatchuad g Jiosh wehs t‑ihbdagkaj ch id am wo chehgidch wehs t‑chegitoikaj ch wehs t‑gewkdagkaj ch ab wo si ha tatchuad g hemajkam mach has masma ab hejel si t‑tatchua. Idam gohk o baꞌich d i si haꞌichu mo hegai chehanig matt g haꞌichu t‑shoiga wo muꞌa k am wo iagchul Jiosh wui k haꞌichu si t‑eniga wo i dagito am Jiosh wui.”

Kush hab hahawa ep kaij g Jesus ab ha wui, “Pegih, ab g wo i dagito kownal wui hegai matp d enigaj k am epai wo i dagito Jiosh wui mo haschu d epai enigaj.” Kutsh wehsijj si has i el g neꞌokij.