If you have would like a copy of this version please contact info@davaraudiobibles.org

Chol Old Testament

<div class="version vid2504 iso6393ctu" data-vid="2504" data-iso6393="ctu">
 <div class="book bkGEN">
 <div class="chapter ch4" data-usfm="GEN.4">
 <div class="label">4</div><div class="s1">Ca&#237;n yic'ot Abel</div><div class="p"> 1Ad&#225;n tsi' pi'le Eva i yij&#241;am, tsa' caji i c&#652;ntan i yalobil, tsi' y&#652;c'&#652; Ca&#237;n ti pa&#241;imil, tsi' y&#652;l&#652;: &#8220;Cha'a&#241; che' yom lac Yum tsi' coltayon cha'a&#241; mi c&#652;c' ti pa&#241;imil juntiquil ch'ito&#241;&#8221;. 2Ti wi'il tsi' y&#652;c'&#652; ti pa&#241;imil Abel i yijts'in Ca&#237;n. Abel tsi' c&#652;nta t&#652;&#241;&#652;me', Ca&#237;n tsi' cha'le e'tel ti lum.</div><div class="p"> 3Che' &#241;uquix Ca&#237;n tsi' ch'&#652;m&#652; tilel i wut i p&#652;c'&#652;b cha'a&#241; mi' y&#652;q'ue&#241; i majta&#241; lac Yum. 4Che' ja'el Abel tsi' ch'&#652;m&#652; tilel &#241;axan b&#652; i yal tac i t&#652;&#241;&#652;me' wen jujp'em tac b&#652;, tsi' ts&#652;ns&#652;be i majta&#241; Dios. Lac Yum tsi' q'uele ti uts'at Abel yic'ot i majta&#241;; 5pero mach uts'atic tsi' q'uele Ca&#237;n yic'ot i majta&#241;. Ca&#237;n tsa' wen mich'a, mich'ic&#241;a jax i wut.#4.4-5 Ti ili vers&#237;culo tac, ma'a&#241;ic mi' su'be&#241;onla chucoch Dios ma'a&#241;ic tsi' ch'&#652;mbe i yofrenda Ca&#237;n yic'ot chucoch tsi' baj&#241;el ch'&#652;mbe i cha'a&#241; Abel. Ti (Heb 11.4) mi y&#652;l cha'a&#241; ti' caj Abel tsi' &#241;opo Dios ji&#241;i cha'a&#241; tsi' ch'&#652;mbe i yofrenda. Dios mi' &#241;a'tan majqui yom i yajcan (Ex 33.19; Dt 7.7-8; Rm 9.15). 6Ji&#241;i cha'a&#241; lac Yum tsi' su'be Ca&#237;n:</div><div class="p">&#8212;&#191;Chucoch mich'et? &#191;Chucoch tsa' jili a tijic&#241;&#652;yel? 7Mi uts'at chuqui ma' mel, &#191;mach ba uts'atic mi caj a q'uejlel? Pero mi mach uts'atic chuqui ma' mel, ji&#241;i mulil l&#652;c'&#652;l a&#241; ti a tojlel, woli' chijta&#241;et.#1 P 5.8; Rm 6.12 Wersa yom i tajet mulil pero yom mi' m&#652;jlel a cha'a&#241;.</div><div class="p"> 8Ca&#237;n tsi' su'be i yijts'in Abel: [Conla ti jamil].#4.8 Conla ti jamil: Ili t'a&#241; ma'a&#241;ic mi' tajt&#652;l ti yan tac b&#652; Biblia. Che' ya' a&#241;ob ti jamil, Ca&#237;n tsi' jats'&#652; i yijts'in Abel, tsi' ts&#652;nsa.#Mt 23.35; Lc 11.51; 1 Jn 3.12 9Ji&#241;i cha'a&#241; lac Yum tsi' pejca Ca&#237;n:</div><div class="p">&#8212;&#191;Baqui a&#241; a wijts'in Abel?#4.9 &#191;Baqui a&#241; a wijts'in Abel?: Ili c'ajtibal tsa' b&#652; i mele lac Yum, yoma lajal jach che' bajche' tsa' b&#652; i melbe Ad&#225;n (Gn 3.9), pero ti' cha'ticlelob tsi' &#241;opo i mucob i b&#652;. Q'uele Ex 32.22-24.</div><div class="p">Ca&#237;n tsi' jac'&#652;:</div><div class="p">&#8212;Mach cujilic. &#191;C wenta ba cha'a&#241; mij c&#652;ntan quijts'in?</div><div class="p"> 10Lac Yum tsi' su'be:</div><div class="p">&#8212;&#191;Chuqui tsa' mele?#4.10 Gn 3.13. I ch'ich'el a wijts'in tsa' b&#652; a ts&#652;nsa woli' c'ajtibe&#241;on yu'bil cha'a&#241; mi c&#652;q'ue&#241;et a toj a mul.#Sal 9.12; Ez 24.7-8; Heb 12.24 11Ji&#241;i cha'a&#241; wocol mi caj a taj i b&#652;l a &#241;&#652;c' ti pa&#241;imil come ji&#241;i lum tsi' cawa i yej yilal cha'a&#241; mi' japben i ch'ich'el a wijts'in tsa' b&#652; a ts&#652;nsa. 12Che' ma' cha'len e'tel ti ji&#241;i lum, ma'a&#241;ix chuqui mi caj a taj, xputs'elet ti pejtelel ora, xtsuctsuc&#241;&#652;yelet ti pa&#241;imil.</div><div class="p"> 13Che' ji&#241;i Ca&#237;n tsi' su'be lac Yum:</div><div class="p">&#8212;Mach cujchic c cha'a&#241; ji&#241;i wocol.#4.13 Ti ili texto mi laj q'uel cha'a&#241; Ca&#237;n ma'a&#241;ic tsi' c'ajti i &#241;us&#652;ntel i mul; tsa' jach i &#241;a'ta cha'a&#241; ji&#241;i jontolil tsa' b&#652; i mele tsi' y&#652;q'ue i t'ox i b&#652; ti Dios yic'ot ti' tojlel wi&#241;icob x'ixicob ti pa&#241;imil; tsi' wen mele i pusic'al cha'a&#241; wen wocol jax mi caj i yu'bin, come ma'a&#241;ic majqui mi caj i colta&#241;. 14W&#652;le tsa' chocoyon loq'uel ti lum, tsa'ix a c&#652;y&#652;yon, xputs'elon ti pejtelel ora, xtsuctsuc&#241;&#652;yelon ti pa&#241;imil; che' a&#241; majqui mi' tajon mi caj i ts&#652;nsa&#241;on.</div><div class="p"> 15Lac Yum tsi' su'be:</div><div class="p">&#8212;Isujm mi a&#241; majqui mi' ts&#652;nsan Ca&#237;n, wucyajl mi caj j q'uext&#652;ben i mul.#Gn 4.23-24</div><div class="p">Ji&#241;i cha'a&#241; lac Yum tsi' y&#652;q'ue Ca&#237;n i yejtal#4.15 Yejtal: Ji&#241;i texto ma'a&#241;ic mi y&#652;l bajche' yilal yic'ot baqui tsa' aq'uenti i yejtal ji&#241;i Ca&#237;n. Isujmlel iliyi ji&#241;&#652;ch i yejtal i c&#652;nt&#652;ntel ti Dios cha'a&#241; cuxul mi yaj&#241;el (Gn 3.21; Ez 9.4-6; Ap 7.3). Come cojach Dios mi' mejlel i y&#652;q'ue&#241; i toj i mul ji&#241;i xmulil (Rm 12.19; Heb 10.30). cha'a&#241; ma'a&#241;ic majqui mi' ts&#652;nsan che' mi' taj.</div><div class="p"> 16Ca&#237;n tsa' loq'ui majlel ti' tojlel lac Yum, tsa' chumle ti lum i c'aba' Nod#4.16 Nod: Ili t'a&#241; tilem ti hebreo &#8220;Nad&#8221;, a&#241; isujmlel ti lac t'a&#241;: Xtsuctsuc&#241;&#652;yel ti pa&#241;imil; q'uele v. 12,14. am b&#652; ti' tojel Ed&#233;n ba' mi' pasel q'ui&#241;.</div><div class="s1">I p'olbal Ca&#237;n</div><div class="p"> 17Ca&#237;n tsi' pi'le i yij&#241;am, tsi' c&#652;nta i yalobil, tsi' y&#652;c'&#652; ti pa&#241;imil Enoc;#4.17 Enoc: Ili c'aba'&#652;l mach ji&#241;ic ji&#241;i mu' b&#652; i y&#652;l ti (Gn 5.18-24). Ca&#237;n tsi' wa'choco jump'ejl tejclum, tsi' yots&#652;be i c'aba' ji&#241;i tejclum ti Enoc che' bajche' i c'aba' i yalobil. 18Enoc i tat&#652;ch Irad, ji&#241;i Irad i tat&#652;ch Mehujael; Mehujael i tat&#652;ch Metusael, ji&#241;i Metusael i tat&#652;ch Lamec.#4.18 Ti ili texto mi' tsictesan che' bajche' tsa' tili i p'olbalob, a&#241; wuclajm i p'olbalob mi' tejchel ti Ad&#225;n c'&#652;l&#652;l ti Lamec. Ili t'a&#241; wucp'ejl, ji&#241;&#652;ch i yejtal cha'a&#241; ts'&#652;c&#652;l&#652;ch ti pejtelel, come che'&#652;ch a&#241; isujmlel ti' tojlel ji&#241;i israelob yic'ot ti' tojlel ji&#241;i &#241;axa&#241;o' b&#652; ya' b&#652; a&#241;ob ti' pasibal q'ui&#241; (Gn 4.23-24; Sal 79.12). 19Lamec tsi' p&#652;y&#652; cha'tiquil i yij&#241;am: I c'aba' juntiquil ji&#241;&#652;ch Ada, i c'aba' ji&#241;i yam b&#652; ji&#241;&#652;ch Zila. 20Ada tsi' y&#652;c'&#652; ti pa&#241;imil Jabal, ji&#241;i Jabal i tat&#652;ch ji&#241;i mu' b&#652; i chumt&#652;lob ti pisil b&#652; otot, yic'ot ji&#241;ob&#652;ch tsa' b&#652; i p'oloyob wacax. 21I c'aba' i yijts'in ji&#241;&#652;ch Jubal, ji&#241;i Jubal i tat&#652;ch pejtelel mu' b&#652; i &#241;ijca&#241;ob arpa yic'ot flauta. 22Zila tsi' y&#652;c'&#652; ti pa&#241;imil Tubal-ca&#237;n, ji&#241;&#652;ch tsa' b&#652; i mele e'tijib&#652;l ti c'&#652;nc'&#652;n taq'ui&#241; yic'ot ti tsucul taq'ui&#241;. Naama ji&#241;&#652;ch xch'oc b&#652; i yijts'in Tubal-ca&#237;n.</div><div class="p"> 23Jump'ejl b&#652; q'ui&#241; Lamec tsi' su'be i yij&#241;amob:</div><div class="b"></div><div class="q1">&#8220;Ada yic'ot Zila, u'bibe&#241;onla c t'a&#241;,</div><div class="q1">jatetla quij&#241;amet b&#652; la:</div><div class="q1">Tsa' c ts&#652;nsa juntiquil wi&#241;ic cha'a&#241; ti' caj tsi' lowoyon</div><div class="q1">yic'ot juntiquil ch'ito&#241; wi&#241;ic cha'a&#241; ti' caj tsi' jats'&#652;yon.</div><div class="q1"> 24Mi wucyajl#Gn 4.15 mi' q'uext&#652;bentel i mul majqui jach mi' ts&#652;nsan Ca&#237;n,</div><div class="q1">isujm wucyajl che' ti lujunyajl i ch&#652;nc'al#4.24 Wucyajl che' ti lujunyajl i ch&#652;nc'al: Ili t'a&#241; yom mi y&#652;l cha'a&#241; ma'a&#241;ic i yujtibal i tsicol (Mt 18.22). Mi' tsictesan cha'a&#241; ji&#241;i jontolil woli ti wen p'ojlel majlel cha'a&#241; ti' caj ma'a&#241;ic mi' &#241;opob Dios. Ti yan tac b&#652; Biblia mi y&#652;l: Wuclujunyajl i ch&#652;nc'al (77). mi caj i q'uext&#652;bentel i mul ji&#241;i mu' b&#652; i ts&#652;nsan Lamec&#8221;.</div><div class="s1">I yuxticlel b&#652; i yalobil Ad&#225;n yic'ot Eva</div><div class="p"> 25Ad&#225;n tsi' cha' pi'le i yij&#241;am, tsa' cha' caji i c&#652;ntan ch'ito&#241; b&#652; yalobil, tsi' yots&#652;be i c'aba' ti Set, tsi' y&#652;l&#652;: &#8220;Dios tsi' y&#652;q'ueyon yam b&#652; ch'ito&#241; b&#652; calobil cha'a&#241; i q'uexol Abel, tsa' b&#652; i ts&#652;nsa Ca&#237;n&#8221;. 26Tsi' yila pa&#241;imil ja'el ch'ito&#241; b&#652; i yalobil Set, tsi' yots&#652;be i c'aba' ti En&#243;s. Ti jim b&#652; ora wi&#241;icob x'ixicob tsa' caji i ch'ujutesa&#241;ob i c'aba' lac Yum.</div>
 </div>
 </div>
</div>

Biblia de Estudio en Ch´ol de Tumbalá, Chiapas, México © Sociedad Bíblica de México A.C. Active Translation in Process 

Adán tsi' pi'le Eva i yijñam, tsa' caji i cʌntan i yalobil, tsi' yʌc'ʌ Caín ti pañimil, tsi' yʌlʌ: “Cha'añ che' yom lac Yum tsi' coltayon cha'añ mi cʌc' ti pañimil juntiquil ch'itoñ”. Ti wi'il tsi' yʌc'ʌ ti pañimil Abel i yijts'in Caín. Abel tsi' cʌnta tʌñʌme', Caín tsi' cha'le e'tel ti lum.
Che' ñuquix Caín tsi' ch'ʌmʌ tilel i wut i pʌc'ʌb cha'añ mi' yʌq'ueñ i majtañ lac Yum. Che' ja'el Abel tsi' ch'ʌmʌ tilel ñaxan bʌ i yal tac i tʌñʌme' wen jujp'em tac bʌ, tsi' tsʌnsʌbe i majtañ Dios. Lac Yum tsi' q'uele ti uts'at Abel yic'ot i majtañ; pero mach uts'atic tsi' q'uele Caín yic'ot i majtañ. Caín tsa' wen mich'a, mich'icña jax i wut. Jiñi cha'añ lac Yum tsi' su'be Caín:
—¿Chucoch mich'et? ¿Chucoch tsa' jili a tijicñʌyel? Mi uts'at chuqui ma' mel, ¿mach ba uts'atic mi caj a q'uejlel? Pero mi mach uts'atic chuqui ma' mel, jiñi mulil lʌc'ʌl añ ti a tojlel, woli' chijtañet. Wersa yom i tajet mulil pero yom mi' mʌjlel a cha'añ.
Caín tsi' su'be i yijts'in Abel: [Conla ti jamil]. Che' ya' añob ti jamil, Caín tsi' jats'ʌ i yijts'in Abel, tsi' tsʌnsa. Jiñi cha'añ lac Yum tsi' pejca Caín:
—¿Baqui añ a wijts'in Abel?
Caín tsi' jac'ʌ:
—Mach cujilic. ¿C wenta ba cha'añ mij cʌntan quijts'in?
Lac Yum tsi' su'be:
—¿Chuqui tsa' mele? I ch'ich'el a wijts'in tsa' bʌ a tsʌnsa woli' c'ajtibeñon yu'bil cha'añ mi cʌq'ueñet a toj a mul. Jiñi cha'añ wocol mi caj a taj i bʌl a ñʌc' ti pañimil come jiñi lum tsi' cawa i yej yilal cha'añ mi' japben i ch'ich'el a wijts'in tsa' bʌ a tsʌnsa. Che' ma' cha'len e'tel ti jiñi lum, ma'añix chuqui mi caj a taj, xputs'elet ti pejtelel ora, xtsuctsucñʌyelet ti pañimil.
Che' jiñi Caín tsi' su'be lac Yum:
—Mach cujchic c cha'añ jiñi wocol. Wʌle tsa' chocoyon loq'uel ti lum, tsa'ix a cʌyʌyon, xputs'elon ti pejtelel ora, xtsuctsucñʌyelon ti pañimil; che' añ majqui mi' tajon mi caj i tsʌnsañon.
Lac Yum tsi' su'be:
—Isujm mi añ majqui mi' tsʌnsan Caín, wucyajl mi caj j q'uextʌben i mul.
Jiñi cha'añ lac Yum tsi' yʌq'ue Caín i yejtal cha'añ ma'añic majqui mi' tsʌnsan che' mi' taj.
Caín tsa' loq'ui majlel ti' tojlel lac Yum, tsa' chumle ti lum i c'aba' Nod am bʌ ti' tojel Edén ba' mi' pasel q'uiñ.

Caín tsi' pi'le i yijñam, tsi' cʌnta i yalobil, tsi' yʌc'ʌ ti pañimil Enoc; Caín tsi' wa'choco jump'ejl tejclum, tsi' yotsʌbe i c'aba' jiñi tejclum ti Enoc che' bajche' i c'aba' i yalobil. Enoc i tatʌch Irad, jiñi Irad i tatʌch Mehujael; Mehujael i tatʌch Metusael, jiñi Metusael i tatʌch Lamec. Lamec tsi' pʌyʌ cha'tiquil i yijñam: I c'aba' juntiquil jiñʌch Ada, i c'aba' jiñi yam bʌ jiñʌch Zila. Ada tsi' yʌc'ʌ ti pañimil Jabal, jiñi Jabal i tatʌch jiñi mu' bʌ i chumtʌlob ti pisil bʌ otot, yic'ot jiñobʌch tsa' bʌ i p'oloyob wacax. I c'aba' i yijts'in jiñʌch Jubal, jiñi Jubal i tatʌch pejtelel mu' bʌ i ñijcañob arpa yic'ot flauta. Zila tsi' yʌc'ʌ ti pañimil Tubal-caín, jiñʌch tsa' bʌ i mele e'tijibʌl ti c'ʌnc'ʌn taq'uiñ yic'ot ti tsucul taq'uiñ. Naama jiñʌch xch'oc bʌ i yijts'in Tubal-caín.
Jump'ejl bʌ q'uiñ Lamec tsi' su'be i yijñamob:

“Ada yic'ot Zila, u'bibeñonla c t'añ,
jatetla quijñamet bʌ la:
Tsa' c tsʌnsa juntiquil wiñic cha'añ ti' caj tsi' lowoyon
yic'ot juntiquil ch'itoñ wiñic cha'añ ti' caj tsi' jats'ʌyon.
Mi wucyajl mi' q'uextʌbentel i mul majqui jach mi' tsʌnsan Caín,
isujm wucyajl che' ti lujunyajl i chʌnc'al mi caj i q'uextʌbentel i mul jiñi mu' bʌ i tsʌnsan Lamec”.

Adán tsi' cha' pi'le i yijñam, tsa' cha' caji i cʌntan ch'itoñ bʌ yalobil, tsi' yotsʌbe i c'aba' ti Set, tsi' yʌlʌ: “Dios tsi' yʌq'ueyon yam bʌ ch'itoñ bʌ calobil cha'añ i q'uexol Abel, tsa' bʌ i tsʌnsa Caín”. Tsi' yila pañimil ja'el ch'itoñ bʌ i yalobil Set, tsi' yotsʌbe i c'aba' ti Enós. Ti jim bʌ ora wiñicob x'ixicob tsa' caji i ch'ujutesañob i c'aba' lac Yum.

കേൾക്കുക Génesis 4