Римјаните 12:14-19
Римјаните 12:14-19 Динамичен превод на Новиот завет на македонски јазик (MNT)
Ако луѓето ве прогонуваат поради вашата вера во Христос, не колнете ги, туку благословувајте ги. Радувајте се со оние што се радуваат, тагувајте со оние што тагуваат. Трудете се да живеете во меѓусебна слога. Не бидете вообразени, туку дружете се со обичните луѓе. Немојте да мислите дека се знаете! Никому не враќајте зло за зло. Трудете се да го правите само она што сите го сметаат за добро. Од ваша страна трудете се да живеете во мир со сите луѓе. Драги пријатели, немојте да се одмаздувате. Препуштете му ја одмаздата на Божјиот гнев. Во Светото Писмо, Господ вели: “Одмаздувањето е Моја работа. Јас ќе возвратам!“
Римјаните 12:14-19 Свето Писмо: Стандардна Библија 2006 (66 книги) (MK2006)
благословувајте ги оние што ве гонат; благословувајте ги и не ги проколнувајте. Радувајте се со оние што се радуваат и плачете со оние што плачат! Бидете меѓу себе едномислени; не ставајте си во умот високи работи, туку предајте се кон скромни нешта; не мислете дека сте мудри; и никому не враќајте зло за зло, а размислувајте за тоа што е добро пред сите луѓе. Ако е можно, доколку тоа зависи од вас, бидете во мир со сите луѓе. Не одмаздувајте се, возљубени, за себе, туку дајте му место на Божјиот гнев. Зашто е напишано: „Одмаздата е Моја, Јас ќе отплатувам – вели Господ.“
Римјаните 12:14-19 Библија: Стариот и Новиот Завет, Константинов (MKB)
Благословувајте ги оние, кои ве гонат: благословувајте ги, а не проколнувајте ги! Радувајте се со оние, кои се радуваат и плачете со оние, кои плачат! Бидете едномислени едни кон други! Не стремете се кон високи нешта, туку држете се за скромните! Не сметајте се сами себеси мудри! Никому не враќајте зло за зло! А размислувајте за тоа што е добро пред сите луѓе! Ако е можно, доколку зависи од вас, бидете во мир со сите луѓе! Не одмаздувајте се за себе, возљубени; туку дајте му место на Божјиот гнев, зашто е напишано: „Одмаздата е Моја, Јас ќе ја отплатам! - говори Господ.“