Римјаните 1:8-12
Римјаните 1:8-12 Свето Писмо: Стандардна Библија 2006 (66 книги) (MK2006)
Пред сѐ, Му благодарам на Мојот Бог, преку Исус Христос, за сите вас, зашто за вашата вера се разгласува по целиот свет; Бог, Кому Му служам со својот дух, преку Евангелието на Неговиот Син, сведок ми е дека постојано си спомнувам за вас секогаш кога во молитвите свои се молам, та со Божја волја некако да ми се даде да дојдам кај вас. Зашто копнеам да ве видам, па да ви предадам некој духовен дар за да станете поцврсти, односно, взаемно да си помогнеме преку заедничката вера – вашата и мојата.
Римјаните 1:8-12 Динамичен превод на Новиот завет на македонски јазик (MNT)
Најнапред сакам да Му заблагодарам на мојот Бог, преку Исус Христос, за сите вас, бидејќи за вашата вера се раскажува по целиот свет. Бог, Кому јас Му служам со сето свое срце и ја проповедам Радосната вест за Неговиот Син, Тој ми е сведок дека во моите молитви постојано си спомнувам за вас. Секогаш во моите молитви барам, ако е Божја волја, патот да ме наведе еднаш да дојдам кај вас. Копнеам да ве видам, за да можам да споделам со вас некој духовен дар, па да зацврснете. Сакам да ве охрабрам во вашата вера, но сакам и јас да се охрабрам од вас.
Римјаните 1:8-12 Библија: Стариот и Новиот Завет, Константинов (MKB)
Пред сѐ Му благодарам на мојот Бог преку Исуса Христа за сите вас, зашто за вашата вера се зборува по целиот свет. И Бог, Кому Му служам со својот дух во објавувањето на Евангелието за Неговиот Син, ми е сведок дека постојано си спомнувам за вас секогаш во моите молитви, да успеам барем еднаш, по Божја волја, да дојдам при вас; зашто сакам да ве видам, да ви дадам некој духовен дар за ваше зацврстување, односно: меѓу вас, заедно со вас, да најдам утеха преку заедничката вера - вашата и мојата.