Откровение 6:5-6
Откровение 6:5-6 Динамичен превод на Новиот завет на македонски јазик (MNT)
Кога Јагнето го отвори третиот печат, се огласи третото суштество и рече: „Дојди!“ Наеднаш пред мене се појави еден црн коњ. Коњаникот што јаваше на црниот коњ во раката држеше терезија. Потоа чув глас што доаѓаше откај четирите суштества и го кажуваше следното: „Килограм пченица ќе ве чини една дневница, три килограми јачмен ќе ве чинат една дневница, а маслото и виното ќе треба да ги штедите!“
Откровение 6:5-6 Свето Писмо: Стандардна Библија 2006 (66 книги) (MK2006)
А кога се отвори третиот печат, чув како проговори третото животно: „Дојди и види!“ И видов, ете вран коњ, а на него јавач со мерила во раката своја. И чув глас сред четирите животни, кој зборуваше: „Шиник пченица за денариј, и три шиника јачмен за денариј; а растителното масло и виното ќе ги нема!“
Откровение 6:5-6 Библија: Стариот и Новиот Завет, Константинов (MKB)
И кога го отвори третиот печат, го чув третото живо суштество како зборува: „Дојди и види!“ И видов, и ете, црн коњ, а оној, кој седеше на него, имаше терезија во својата рака. И чув како глас - меѓу четирите живи суштества да зборува: „Една мера пченица за денариј и три мери јачмен за денариј! А на маслото и виното не им нанесувај штета!“