Псалми 90:9-12
Псалми 90:9-12 Свето Писмо: Стандардна Библија 2006 (66 книги) (MK2006)
Сите наши дни минуваат под Твојот гнев, годините ни свршуваат како здив. Дните на нашиот живот се седумдесет години, а ако сме крепки и до осумдесет години; и повеќе време од нив се во труд и мака, бидејќи брзо минуваат и ние одлетуваме. Кој ја знае силата на Твојот гнев, па во стравот пред Твојата јарост да се плаши? Научи нѐ така да ги броиме нашите дни, па да се здобиеме со мудро срце.
Псалми 90:9-12 Библија: Стариот и Новиот Завет, Константинов (MKB)
Зашто сите наши денови минаа со Твој гнев, како воздишка ги завршивме своите години. Збирот на нашиот живот е седумдесет години, ако сме силни, и осумдесет; а повеќето од нив се мака и ништожност: зашто минуваат брзо, и ние летаме оттука. Кој ќе ја мери жестокоста на Твојот гнев? Кој ќе проникне во Твојата лутина? Научи нѐ да ги броиме нашите дни, да придобиеме мудро срце.