Изреки 6:6-11
Изреки 6:6-11 Свето Писмо: Стандардна Библија 2006 (66 книги) (MK2006)
Оди кај мравката, мрзливче, види ја нејзината работа и биди мудар. Таа нема ниту началник, ни настојник, ниту заповедник; но ја приготвува храната лете, ја собира во време на жетва храната своја. До кога, мрзливче ќе спиеш? Кога од сонот ќе станеш? Малку ќе поспиеш, малку ќе подремеш, малку со скрстени раце ќе полежиш: и ќе дојде сиромаштијата твоја како патник, и немаштијата твоја како разбојник.
Изреки 6:6-11 Библија: Стариот и Новиот Завет, Константинов (MKB)
Оди при мравката, о мрзливецу набљудувај ги нејзините патишта и биди мудар: Таа нема водич, надзорник ни настојник, се грижи за храната лете и прибира јадење во време на жетвата. А ти, мрзливецу, до кога ќе спиеш? Кога ќе се разбудиш од својот сон? Уште малку поспиј, уште малку подреми, уште малку свиткај ги рацете за одмор, и ќе дојде твоето сиромаштво како скитник, и твојата скудност како вооруженик.