Лука 8:22-24
Лука 8:22-24 Свето Писмо: Стандардна Библија 2006 (66 книги) (MK2006)
Еден ден влезе Тој во кораб со учениците Свои и им рече: „Да минеме на другата страна од езерото!“ И појдоа. Додека пловеа, Тој заспа. А над езерото се појави силен ветар, па ги плискаше водата и тие беа во опасност. Пристапија и Го разбудија, говорејќи: „Учителе, Учителе, загинуваме!“ А Тој, штом се разбуди, им заповеда на ветрот и брановите; и тие се смирија и настана тишина.
Лука 8:22-24 Динамичен превод на Новиот завет на македонски јазик (MNT)
Еден ден Исус се качи на бротче, заедно со Своите ученици, на кои им рече: „Да преминеме на другата страна од езерово!“ И испловија. Додека пловеа, Тој заспа. Одеднаш, езерото го зафати силна бура и бротчето беше во опасност да потоне, а нивните животи беа загрозени. Учениците дојдоа кај Исус, Го разбудија, викајќи: „Господару! Господару! Гинеме!“ Исус се разбуди и им заповеда на ветрот и на разбрануваното езеро да се смират. Настапи длабока тишина.
Лука 8:22-24 Библија: Стариот и Новиот Завет, Константинов (MKB)
А еден ден, Тој влезе во кораб со Своите ученици и им рече: „Да минеме на другата страна на езерото!“ И отпловија. А Тој заспа додека пловеа. Тогаш над езерото се спушти бура и коработ се наполни со вода, и беа во опасност. И дојдоа и Го разбудија, велејќи: „Учителе, Учителе! Загинуваме!“ А Тој се разбуди, им запрети на ветерот и на брановите и се смирија, па настана тишина.