Јован 4:39-42
Јован 4:39-42 Динамичен превод на Новиот завет на македонски јазик (MNT)
Многу Самарјанци од тој град поверуваа во Исус врз основа на сведочењето на жената, која им говореше: „Ми кажа се што сум сторила!“ Затоа, Самарјанците дојдоа кај Исус и Го замолија да остане кај нив, и Тој остана таму два дена. И уште многумина поверуваа слушајќи ги Неговите проповеди, па и велеа на жената: „Сега не веруваме само поради твоите зборови, туку заради тоа што самите Го слушавме Исуса и се уверивме дека Тој навистина е Спасителот на светот!“
Јован 4:39-42 Свето Писмо: Стандардна Библија 2006 (66 книги) (MK2006)
И мнозина Самарјани од тој град поверуваа во Него поради зборовите на жената која сведочеше: „Ми кажа сѐ што сум направила.“ Кога дојдоа, пак, Самарјаните кај Него, Го замолија да остане кај нив. И Тој остана таму два дена. И уште повеќе поверуваа поради словото Негово; а на жената ѝ велеа: „Сега веќе не веруваме само заради твоето кажување, зашто сами чувме и знаеме дека Тој е Спасителот на светот, Христос.“
Јован 4:39-42 Библија: Стариот и Новиот Завет, Константинов (MKB)
И мнозина самарјани од градот поверуваа во Него по зборовите на жената, која сведочеше: „Тој ми кажа сѐ што сум направила.“ Па кога Самарјанците дојдоа при Него, Го замолија да остане кај нив; и остана таму два дена. И уште повеќе од нив поверуваа заради Неговото слово, а на жената ѝ велеа: „Сега не веруваме заради твоето кажување; зашто самите чувме и знаеме дека Тој е навистина Христос, Спасителот на светот.“