Јован 11:1-7
Јован 11:1-7 Библија: Стариот и Новиот Завет, Константинов (MKB)
Беше и еден болен, Лазар од Витанија, од селото на Марија и сестра ѝ Марта. А Марија - чиј брат Лазар беше болен - беше онаа, која Го помаза Господа со миро и ги избриша Неговите нозе со својата коса. И така, сестрите пратија до Него да Му кажат: „Господи, ете, болен е оној кого го љубиш.“ А штом Исус го чу тоа, рече: „Болеста не е смртоносна, туку за Божја слава, за да се прослави Божјиот Син.“ А Исус ги љубеше: Марта, и нејзината сестра, и Лазара. И кога чу дека е болен, остана тогаш уште два дена во местото, каде се наоѓаше. Потоа им рече на учениците: „Да отидеме пак во Јудеја.“
Јован 11:1-7 Динамичен превод на Новиот завет на македонски јазик (MNT)
Еден пријател на Исус, по име Лазар, се разболе. Тој беше од селото Бетанија, и живееше со своите сестри Марија и Марта. (Тоа беше онаа Марија што подоцна Го помаза Господа со скапоцен парфем и Му ги избриша стапалата со својата коса; нејзиниот брат, Лазар, беше тој што се разболе.) Тогаш сестрите испратија ваква порака до Исус: “Господе, твојот драг пријател се разболе!“ Штом го слушна тоа, Исус рече: „Оваа болест на Лазар не е за тој да умре, туку за да Му донесе слава на Бог и за да се прослави Божјиот Син преку неа.“ (Исус многу ги сакаше Марта, нејзината сестра и нивниот брат Лазар.) Сепак, откако слушна дека Лазар е болен, Тој остана уште два дена таму каде што беше. Потоа им рече на Своите ученици: „Ајде сега да се вратиме во Јудеја!“
Јован 11:1-7 Свето Писмо: Стандардна Библија 2006 (66 книги) (MK2006)
Беше, пак, болен некој си Лазар, од Витанија, од селото на Марија и нејзината сестра Марта. А Марија, чиј брат Лазар се разболе, беше онаа која Го помаза Господ со миро и ги избриша нозете Негови со својата коса. Тогаш сестрите нарачаа по Него, велејќи: „Господи, ете, оној што го милуваш, болен е.“ Штом чу Исус, рече: „Таа болест не е за умирање, туку за слава Божја, за да се прослави Синот Божји преку неа.“ А Исус ги сакаше Марта, нејзината сестра, и Лазар. А кога чу дека е болен, тогаш остана уште два дни во местото каде што се наоѓаше. Потоа им рече на учениците: „Да отидеме пак во Јудеја!“