Исаија 43:22-25
Исаија 43:22-25 Свето Писмо: Стандардна Библија 2006 (66 книги) (MK2006)
А ти, Јакове, не Ме повикуваше: ти, Израеле, не се трудеше за Мене. Не си Ми ги принесувал своите јагниња за сепаленица, ниту си Ме почитувал со жртвите свои. Не сум те принудувал да Ми служиш со приноси и не сум ти дотежнувал, барајќи од тебе да Ми кадиш. Не си Ми купувал со сребро кадило, ниту си Ме наситувал со мрсно месо од жртвите свои; но со твоите гревови си Ме оптоварувал; со твоите беззаконија си Ми дотежнувал. А Јас, Јас Сам ги бришам твоите престапи заради Самиот Себе и гревовите твои нема да ги спомнам.
Исаија 43:22-25 Библија: Стариот и Новиот Завет, Константинов (MKB)
Но ти, Јакове, не Ме повика, ниту се измори околу Мене, Израеле! Не Ми принесуваше јагниња за паленици, не Ме почитуваше со жртви. А Јас не те принудував за приноси, не ти здодевав барајќи кадеж. Не Ми купуваше трска за сребреници, не Ме ситеше со салото од своите жртви; туку Ме мачеше со своите гревови, Ми здодеваше со своето беззаконие. А Јас, заради Себе ги бришам твоите престапи, и не си спомнувам за твоите гревови.