Дела 8:1-3
Дела 8:1-3 Динамичен превод на Новиот завет на македонски јазик (MNT)
Савле го одобруваше убиството на Стефан. Од тој ден почна големо прогонство против Црквата во Ерусалим, па сите христијани, со исклучок на апостолите, се раштркаа по јудејските области и по Самарија. Неколку побожни луѓе го погребаа Стефан, оплакувајќи го на сиот глас. Савле почна да ја уништува Црквата дом по дом. Влегуваше, ги извлекуваше и мажите и жените, и ги испраќаше в затвор.
Дела 8:1-3 Свето Писмо: Стандардна Библија 2006 (66 книги) (MK2006)
Савле, пак, го одобруваше неговото убиство. Во тој ден започна голем прогон на Црквата во Ерусалим, и сите, освен апостолите, се распрснаа по пределите на Јудеја и Самарија. А Стефан го погребаа побожни луѓе и приредија голема посмртна жалост. Савле, пак, ја пустошеше Црквата, одеше по куќите и извлекуваше мажи и жени, па ги предаваше во затвор.
Дела 8:1-3 Библија: Стариот и Новиот Завет, Константинов (MKB)
Во оној ден стана и големо гонење против црквата во Ерусалим; и сите, освен апостолите се распрснаа по краиштата на Јудеја и Самарија. А побожни луѓе го погребаа Стефана и направија голем плач над него. Савле пак ја запустуваше црквата, влегувајќи во куќите, извлекуваше мажи и жени и ги предаваше во темница.