Дела 19:17-20
Дела 19:17-20 Динамичен превод на Новиот завет на македонски јазик (MNT)
За ова дознаа сите што живееја во Ефес, и Евреи и Грци, па ги фати страв и искажуваа голема почит спрема името на Господ Исус. Мнозина од оние што поверуваа доаѓаа и се исповедаа, признавајќи ги своите грешни дела. Дури и некои од оние што се занимавале со магии ги донесуваа своите книги за магии и пред сите ги запалуваа. Цената на запалените книги изнесуваше педесет илјади сребреници. Така пораката за Господ брзо се ширеше и јакнеше.
Дела 19:17-20 Свето Писмо: Стандардна Библија 2006 (66 книги) (MK2006)
За тоа разбраа сите Јудејци и Елини, кои живееја во Ефес, и сите нив ги спопадна страв; и името на Господ Исус се величаше. И многумина од верниците доаѓаа, та се исповедуваа и ги откриваа своите дела. А мнозина од оние, кои правеа магии, собирајќи ги книгите свои, ги гореа пред сите; дури ја пресметаа и нивната цена и најдоа дека чинат до педесет илјади сребреници. Така моќно растеше и се засилуваше словото Господово.
Дела 19:17-20 Библија: Стариот и Новиот Завет, Константинов (MKB)
Тоа го научија сите Јудејци и Грци, кои живееја во Ефес и страв ги обзеде сите, а името на Господа Исуса се величаше. А мнозина од оние, кои беа поверувале, доаѓаа и исповедувајќи се ги кажуваа своите дела. А од оние, кои се занимаваа со магии, мнозина ги донесуваа своите книги на куп и ги гореа пред сите. И кога ја пресметаа нивната цена, најдоа дека вредат педесет илјади сребреници. Така Господовото слово растеше силно и преовладуваше.