ಅಪೊಸ್ತಲಾಂಚಿ ಕಾಮಾ 16
16
ತಿಮೊಥಿ ಪಾವ್ಲು ಅನಿ ಸಿಲಾಸಾಚ್ಯಾ ವಾಂಗ್ಡಾ ಜಾತಲೆ
1ಪಾವ್ಲು ದರ್ಬೆ ಅನಿ ಲಿಸ್ರ್ತಿ ಮನ್ತಲ್ಯಾ ಶಾರಾಕ್ನಿ ಗೆಲೊ ಥೈ ತಿಮೊಥಿ ಮನ್ತಲೊ ಎಕ್ ಕ್ರಿಸ್ತಾಂವ್ ಹೊತ್ತೊ, ತೆಚೊ ಬಾಬಾ ಗ್ರಿಕ್ ಭಾಶೆಚೊ ಮಾನುಸ್ ಹೊಲ್ಲೊ, ಅನಿ ಬಾಯ್ ಜುದೆವಾಂಚಿ ವಿಶ್ವಾಸಿ ಹೊಲ್ಲಿ. 2ಲಿಸ್ರ್ತಿಅನಿ ಇಕೊನಿಯಾ ಶಾರಾತ್ಲಿ ವಿಶ್ವಾಸಿ ಲೊಕಾ ತಿಮೊಥಿಕ್ ಮಾನ್ ದಿಯ್ತ್, ಅನಿ ತೆಚ್ಯಾ ವಿಶಯಾತ್ ಬರೆಚ್ ಸಾಂಗಿತ್. 3ಪಾವ್ಲುನ್ ತಿಮೊಥಿಕ್ ಅಪ್ನಾಚ್ಯಾ ವಾಂಗ್ಡಾ ಘೆವ್ನ್ ಜಾವ್ಚೆ ಮನುನ್ ಆಸ್ಯಾ ಕರ್‍ಲ್ಯಾನ್, ಖರೆ ತ್ಯಾ ಜುದೆವಾಂಚ್ಯಾ ಲೊಕಾಕ್ನಿ ತೊ ಗ್ರಿಕಾಂಚೊ ಮನ್ತಲೆ ಗೊತ್ತ್ ಹೊತ್ತೆ ತಸೆ ಹೊವ್ನ್, ತಿಮೊಥಿಕ್ ಸುನ್ನತ್ ಕರಸ್ಲ್ಯಾನ್. 4ತೆಚ್ಯಾ ಮಾನಾ ಪಾವ್ಲು ಅನಿ ತೆಚಿ ವಾಂಗ್ಡಿಯಾ ದುಸ್ರ್ಯಾ ಶಾರಾಂತ್ನಾ ಜಾವ್ಕ್ ಲಾಗಲ್ಲೆ ಜೆರುಜಲೆಮಾತ್ಲ್ಯಾ ವಿಸ್ವಾಸಿ ಲೊಕಾಕ್ನಿ ಅಪೊಸ್ತಲಾಂಚಿ ಅನಿ ಜಾಂನ್ತ್ಯಾಂಚಿ ನೆಮಾ ಅನಿ ತಿರ್ಮಾನಾ ಸಾಂಗುನ್ ತೆಂಕಾ ಮಾನುನ್ ಘೆವ್ನ್ ರಾವ್ಚೆ ಮನುನ್ ಸಾಂಗ್ಲ್ಯಾನಿ. 5ತಸೆ ಹೊವ್ನ್, ದಿಸಾಂದಿಸ್ ದೆವಾಚ್ಯಾ ಲೊಕಾಂಚ್ಯಾ ತಾಂಡ್ಯಾತ್ನಿ ವಿಶ್ವಾಸ್ ಅನಿ ತೆಂಚೊ ಅಂಕೊ ವಾಡುಕ್ ಲಾಗ್ಲೊ.
ತ್ರೊಅಸಾತ್ ಪಾವ್ಲುಕ್ ಹೊಲ್ಲೆ ದರ್ಶನ್
6ಪಾವ್ಲು ಅನಿ ತೆಚೆ ವಾಂಗ್ಡಿ ಪ್ರೆಮಾನಿ ಹೊತ್ತೆ,, ಪಿರ್ಗಿಯಾ ಅನಿ ಗಲ್ಯಾತ್ ಮನ್ತಲ್ಯಾ ಪ್ರಾಂತ್ಯಾತ್ನಾ ಗೆಲೆ, ಅಸಿಯಾ ಸಿಮೆತ್ ದೆವಾಚಿ ಬರಿ ಖಬರ್ ಕಳ್ವುಚೆ ಮನುನ್ ಪವಿತ್ರ್ ಆತ್ಮ್ಯಾನ್ ತೆಂಕಾ ಅಡ್ವುಲ್ಯಾನ್. 7ಪಾವ್ಲು ಅನಿ ತಿಮೊಥಿ ಮಿಸಿಯಾ ಮನ್ತಲ್ಯಾ ಗಾಂವಾಂಚ್ಯಾ ಜಗ್ಗೊಳ್ ಗೆಲೆ, ತೆನಿ ಬಿಥಿನಿಯಾ ಮನ್ತಲ್ಯಾ ಗಾಂವಾತ್ ಜಾವ್ಚೆ ಮನುನ್ ಹೊತ್ತೆ, ಖರೆ ಜೆಜುಚ್ಯಾ ಆತ್ಮ್ಯಾನ್ ತೆಂಕಾ ಥೈ ಜಾಯ್ನಾ ಸಾರ್ಕೆ ಅಡ್ವುಲ್ಯಾನ್. 8ತಸೆ ಹೊವ್ನ್, ತೆನಿ ಮಿಸಿಯಾ ಗಾಂವಾತ್ನಾ ದಾಟುನ್ ಸಿದಾ ತ್ರೊವಾಸ್ ಮನ್ತಲ್ಯಾ ಶಾರಾಕ್ ಗೆಲೆ. 9ತ್ಯಾ ದಿಸಾ ರಾತ್ತಿನ್ ಪಾವ್ಲುಕ್ ಎಕ್ ದರ್ಶನ್ ದಿಸ್ಲೆ, ತ್ಯಾತುರ್ ಮೆಸೆದೊನಿಯಾ ಗಾಂವಾತ್ನಾ ಯೆಲ್ಲೊ ಎಕ್ ಮಾನುಸ್ ಥೈ ಇಬೆ ರಾವ್ನ್ ಮೆಸೆದೊನಿಯಾಕ್ ಯೆವ್ನ್ ಮಾಕಾ ಮಜ್ಜತ್ ಕರ್ ಮನುನ್ ಮಾಗುನ್ ಘೆಟ್ಲ್ಯಾನ್. 10ಪಾವ್ಲುನ್ ತೆ ದರ್ಶನ್ ಬಗಲ್ಯಾ ತನ್ನಾ ಥೈತ್ಲ್ಯಾ ಲೊಕಾಕ್ನಿ ಬರಿ ಖಬರ್ ಕಳ್ವುಕ್ ಸಾಟ್ನಿ ದೆವಾನ್ ಅಮ್ಕಾ ಬಲ್ವುಲಾ ಮನುನ್ ಅರ್ಥ್ ಕರುನ್ ಘೆವ್ನ್ ಮೆಸೆದೊನಿಯಾಕ್ ಜಾವ್ಕ್ ಅಮಿ ತಯಾರ್ ಹೊತ್ತಾಂವ್.
ಪಿಲಿಪಿಯಾ ಲಿಡಿಯಾ ಮನ್ ಪರಿವರ್ತನ್
11ದುಸ್ರಾ ದಿಸಿ ಅಮಿ ತ್ರೊವಾಕ್ನಾ ಢೊನಿತ್ ಜಾವ್ಕ್ ಸಮೊಥ್ರ್ ಮನ್ತಲ್ಯಾ ದ್ವಿಪಾಕ್ ಯೆವ್ನ್ ನೆಯಪೊಲಿಸ್ ಶಾರಾಕ್ ಜಾವ್ನ್, 12ಥೈತ್ನಾ ಫಿಲಿಪ್ಪಿ ಪ್ರಾಂತ್ಯಾತ್ ಗೆಲಾಂವ್, ತೆ ಮೆಸೆದೊನಿಯಾಚೆ ಎಕ್ ಶಾರ್ ಹೊವ್ನ್ ಹೊತ್ತೆ, ಅನಿ ರೊಮನ್ನಾಂಚೊ ವಾಡೊ ಹೊಲ್ಲೊ ಹೊತ್ತೊ, ಅಮಿ ಥೈ ಉಲ್ಲ್ಯಾ ದಿಸಾಂಚ್ಯಾ ಪತರ್ ಹೊತ್ತ್ಯಾಂವ್. 13ನ್ಹೈಯ್ಚ್ಯಾ ಜಗ್ಗೊಳ್ ವಿಶೆಸ್ ಮಾಗ್ನಿ ಕರ್‍ತಲೊ ಬರೊ ಜಾಗೊ ಬಗುಕ್ ಹೊತಾ ಮನುನ್ ಚಿಂತುನ್ ಘೆವ್ನ್ ಸಬ್ಬತ್ತಾಚ್ಯಾ ದಿಸಿ ನ್ಹೈಯ್ಚ್ಯಾ ಜಗ್ಗೊಳ್ ಜಾವ್ಕ್ ಮನುನ್ ಶಾರಾಕ್ ಗುಸ್ತಲ್ಯಾ ದಡ್ಪ್ಯಾತ್ನಾ ಭಾಯ್ರ್ ಗೆಲಾಂವ್, ಥೈ ಉಲ್ಲಿ ಬಾಯ್ಕಾ ಮಾನ್ಸಾ ಗೊಳಾ ಹೊವ್ನ್ ಯೆಲ್ಲಿ, ಅಮಿ ತೆಂಚ್ಯಾ ವಾಂಗ್ಡಾ ಬಸುನ್ ಬೊಲ್ಲ್ಯಾಂವ್. 14ಥೈ ಥುವತೈರ್ ಮನ್ತಲ್ಯಾ ಶಾರಾತ್ಲಿ ಲಿಡಿಯಾ ಮನ್ತಲಿ ಎಕ್ ಬಾಯ್ಕೊ ಮಾನುಸ್ ಹೊತ್ತಿ, ಝಾಂಬ್ಳ್ಯಾ ಬನ್ನಾಚೆ ಕಪ್ಡೆ ಇಕ್ತಲೆ ತಿಜೆ ಕಾಮ್ ಹೊಲ್ಲೆ, ತಿ ಖರ್ಯ್ಯಾ ದೆವಾಕ್ ಆರಾಧನ್‍ ಕರ್‍ತಲಿ ಹೊಲ್ಲಿ , ತಿ ಪಾವ್ಲುಚಿ ಬೊಲ್ನಿಯಾ ಆಯ್ಕುನ್ಗೆತ್ ಹೊತ್ತಿ, ತನ್ನಾ ಧನಿಯಾನ್ ತಿಜೊ ಮನ್ ಉಗಡ್ಲ್ಯಾನ್, ಅನಿ ತಿನೆ ಪಾವ್ಲು ಸಾಂಗ್ತಲ್ಯಾ ಬೊಲ್ನಿಯಾಕ್ನಿ ವಿಶ್ವಾಸ್ ಕರ್‍ಲಿನ್. 15ಲಿಡಿಯಾ ಅನಿ ತೆಚ್ಯಾ ಘರಾತ್ ಹೊತ್ತ್ಯಾ ಸಗ್ಳ್ಯಾ ಲೊಕಾನಿಬಿ ಬಾಲ್ತಿಮ್ ಘೆಟ್ಲ್ಯಾನಿ, ಅನಿ ತೆನಿ ಮಿಯಾ ಧನಿಯಾ ಜೆಜುಚ್ಯಾ ವರ್‍ತಿ ಖರೊ ವಿಶ್ವಾಸ್ ಥವಲ್ಲಿ ಮನುನ್ ತುಮಿ ಯೆವಜ್ತ್ಯಾಸಿ ಹೊಲ್ಯಾರ್ ಮಾಜ್ಯಾ ಘರಾಕ್ ಯೆವ್ನ್ ರ್‍ಹಾವಾ ಮನುನ್ ಒತ್ತಾಯ್ ಕರ್‍ಲಿನ್.
ಪಿಲಿಪಿಯಾಚ್ಯಾ ಬಂಧಿಖಾನ್ಯಾತ್.
16ಎಗ್ದಾ ಅಮಿ ಮಾಗ್ನಿ ಕರ್‍ತಲ್ಯಾ ಜಾಗ್ಯಾಕ್ ಜಾತಾನಾ ಎಕ್ ಸಂಗತ್ ಹೊಲಿ, ಎಕ್ ದಾಸಿ ಅಮ್ಕಾ ಭೆಟ್ಲಿ ತಿಜ್ಯಾಕ್ಡೆ ಎಕ್ ವಿಶೆಸ್ ಆತ್ಮೊ ಹೊತ್ತೊ, ತ್ಯಾ ಆತ್ಮ್ಯಾಚ್ಯಾ ಬಳಾನ್ ತಿ ಫಿಡೆ ಹೊತಲೆ ಹೊತ್ತ್ಯಾಚ್ಯಾ ವಿಶಯಾತ್ ಸಾಂಗಿತ್ ಹೊತ್ತಿ, ತಸೆ ಕರುನ್ ತಿ ಅಪ್ಲ್ಯಾ ಯಜಮಾನಾಕ್ ಲೈ ಪೈಸೆ ಕರುನ್ ದಿತ್ ಹೊತ್ತಿ. 17ತಿ ಅಮ್ಚ್ಯಾ ಅನಿ ಪಾವ್ಲುಚ್ಯಾ ವಾಂಗ್ಡಾ ಯೆವ್ನ್ ಮೊಟ್ಯಾನ್ ಬೊಬ್ ಮಾರುನ್, ಹಿ ಲೊಕಾ ಮೊಟ್ಯಾ ದೆವಾಚಿ ಸೆವಾ ಕರ್‍ತಲಿ, ತುಮಿ ಕಶೆ ದೆವಾಚಿ ರಾಕ್ವನ್ ಪಾವುನ್ ಘೆವ್ಕ್ ಹೊತಾ ಮನ್ತಲೆ ಸಾಂಗುಲ್ಲಾತ್ ಮಟ್ಲಿನ್ . 18ತಿನಿ ಲೈ ದಿಸಾ ಪತರ್ ಅಸೆಚ್ ಕರ್‍ಲಿನ್, ಹೆಚ್ಯಾ ವೈನಾ ಬೆಜಾರ್ ಹೊಲ್ಲ್ಯಾ ಪಾವ್ಲುನ್ ಪರ್ತುನ್, ತ್ಯಾ ಬುರ್ಶ್ಯಾ ಆತ್ಮ್ಯಾಕ್ “ಜೆಜು ಕ್ರಿಸ್ತಾಚ್ಯಾ ನಾವಾನ್ ತುಕಾ ಹುಕುಮ್ ದಿತಾ ಹಿಕಾ ಸೊಡುನ್ ಚಲ್!” ಮಟ್ಲ್ಯಾನ್, ತನ್ನಾಚ್ ತೊ ಬುರ್ಸೊ ಆತ್ಮೊ ತಿಕಾ ಸೊಡುನ್ ಗೆಲೊ.
19ಹೆ ಬಗಟಲ್ಲ್ಯಾ ತಿಜಾ ಯಜಮಾನಾಕ್ ಅತ್ತಾ ತಿಜ್ಯಾಕ್ನಾ ಪೈಸೆ ಖಮ್ವುಕ್ ಹೊಯ್ನಾ ಮನ್ತಲೆ ಕಳುನ್ ಯೆಲೆ, ತಸೆ ಹೊವ್ನ್ ತೆನಿ ಪಾವ್ಲುಕ್ ಅನಿ ಸಿಲಾಸಾಕ್ ಧರುನ್ ಶಾರಾತ್ಲ್ಯಾ ಝಡ್ತಿ ಕರ್‍ತಲ್ಯಾ ಜಾಗ್ಯಾಕ್ ಗಾಂವ್ಚೆ ಅಧಿಕಾರಿ ಹೊತ್ತ್ಯಾಕ್ಡೆ ವಡುನ್ ನ್ಹೆಲ್ಯಾನಿ . 20ತ್ಯಾ ಲೊಕಾನಿ ಪಾವ್ಲು ಅನಿ ಸಿಲಾಸಾಕ್ ಝಡ್ತಿ ಕರ್‍ತಲ್ಯಾ ಅಧಿಕಾರಿಕ್ಡೆ ಬಲ್ವುನ್ ಹಾನುನ್ ಹೆನಿ ಜುದೆವಾಂಚಿ ಲೊಕಾ ಅಮ್ಚ್ಯಾ ಶಾರಾತ್ ಧಾಂದಲ್ ಉಟ್ವುಲಾತ್, 21ಅಮ್ಚ್ಯಾ ಪದ್ದತಿ ನೆಮಾಕ್ ವಿರೊದ್ ಹೊವ್ನ್ ನಕ್ಕೊ ಹೊಲ್ಲಿ ಕಾಮಾ ಕರುಲ್ಲಾತ್ ಮನುನ್ ಹೆನಿ ಲೊಕಾಕ್ನಿ ಸಾಂಗುಲ್ಲಾತ್, ರೊಮ್ ಮನ್ತಲ್ಯಾ ಶಾರಾಚ್ಯಾ ಲೊಕಾನಿ, ಅಮಿ ತಸ್ಲಿ ಕಾಮಾ ಕರುಕ್ ಹೊಯ್ನಾ ಮನುನ್ ಸಾಂಗ್ಲ್ಯಾನಿ. 22ಸಗ್ಳ್ಯಾ ಲೊಕಾಂಚೊ ತಾಂಡೊ ಪಾವ್ಲುಕ್ ಅನಿ ಸಿಲಾಸಾಕ್ ವಿರೊದ್ ಹೊವ್ನ್ ಹೊತ್ತೊ, ತನ್ನಾ ಮುಂಖಡಾನಿ ತೆಂಚೆ ದೊಗಾಂಚೆ ಕಪ್ಡೆ ಪಿಂಜುನ್ ಟಾಕುಕ್ ಲಾವ್ನ್ ತೆಂಕಾ ಖಾಟಿನ್ ಲೈ ಮಾರುಕ್ ಲಾವ್ನ್, 23ಬಂದಿಖಾನ್ಯಾತ್ ಘಾಲ್ವುನ್ ಮಾನಾ ಬಂಧಿಖಾನ್ಯಾಚ್ಯಾ ಅಧಿಕಾರಿಕ್, ತೆಂಕಾ ಲೈ ಉಶಾರ್ಕಿನ್ ರಾಕಾ! ಮನುನ್ ಹುಕುಮ್ ಕರ್‍ಲ್ಯಾನಿ. 24ತಸೆ ಹೊವ್ನ್, ಬಂದಿಖಾನ್ಯಾಚ್ಯಾ ಅಧಿಕಾರ್ಯಾನ್ ತೆಂಕಾ ಭುರ್ತುಲ್ಯಾ ಖೊಲಿತ್ ಘಾಲುನ್, ತೆಂಚಿ ಪಾಯಾ ಝಾಡಾಚ್ಯಾ ಬೊಡ್ಯಾಂಚ್ಯಾ ಮದ್ದಿ ಘಾಲುನ್ ಬಾಂದ್ಲ್ಯಾನ್.
25ಅರ್ದ್ಯಾ ರಾತ್ತಿನ್ ಪಾವ್ಲು ಅನಿ ಸಿಲಾಸ್ ಮಾಗ್ನಿ ಕರಿತ್ ದೆವಾಕ್ ಸ್ತುತಿ ಗಿತಾ ಸಾಂಗಿತ್ ಹೊತ್ತೆ, ಹುರಲ್ಲಿ ಚೊರಾ ಸಗ್ಳಿ ತೆ ಆಯ್ಕಿತ್ ಹೊತ್ತಿ. 26ಬಗುನ್ಗೆತ್ ರ್‍ಹಾತಾನಾಚ್ ಮೊಟೊ ಭುಕಂಪ್ ಹೊಲೊ, ತೊ ಭುಕಂಪ್ ಲೈ ಮೊಟೊ ಹೊಲ್ಲ್ಯಾ ಸಾಟ್ನಿ ಬಂಧಿಖಾನ್ಯಾಚಿ ಪಾಯಾ ಸಗ್ಳಿ ಹಾಲ್ಲಿ, ಅನಿ ದಾರಾ ಸಗ್ಳಿ ಉಗ್ಡುನ್ ಸಗ್ಳಿ ಚೊರಾಂಚಿ ಬಾಂಧಲಿ ಸರ್ಪಳಿಯಾ ಸುಟುನ್ ಪಡ್ಲಿ. 27ತನ್ನಾ ಬಂದಿಖಾನ್ಯಾಚೊ ಅಧಿಕಾರಿ ನಿಜೆತ್ನಾ ಜಾಗೊ ಹೊಲೊ, ದಾರಾ ಸಗ್ಳಿ ಉಗಡಲ್ಲಿ ಹೊತ್ತಿ ಬಗುನ್ ಅತ್ತಾ ಸಗ್ಳಿ ಚೊರಾಬಿ ಚುಕ್ವುನ್ ಘೆವ್ನ್ ಪಳುನ್ ಜಾವ್ಕ್ ಫಿರೆ ಮನುನ್ ಚಿಂತುನ್, ತೆನಿ ಅಪ್ಲೊ ಕೊಯ್ತೊ ಘೆವ್ನ್ ಜಿವ್ ಕಾಡುನ್ ಘೆವ್ಚೆ ಮನುನ್ ಹೊತ್ತ್ಯಾ ತನ್ನಾಚ್, 28ಖರೆ ಪಾವ್ಲುನ್ ತೆಕಾ, “ತಿಯಾ ಜಿವ್ ಕಾಡುನ್ ಘೆವ್ ನಕ್ಕೊ! ಅಮಿ ಸಗ್ಳ್ಯೆಬಿ ಹಿತ್ತೆಚ್ ಹಾತ್” ಮನುನ್ ಮೊಟ್ಯಾನ್ ಸಾಂಗ್ಲ್ಯಾನ್.
29ತೆಚ್ಯಾ ಮಾನಾ ಬಂದಿಖಾನ್ಯಾಚ್ಯಾ ಅಧಿಕಾರಿನ್ ಎಕ್ಲ್ಯಾಕ್ಡೆ ದಿವೊ ಪೆಟ್ವುನ್ ಹಾನ್ ಮನುನ್ ಸಾಂಗುನ್, ತೊ ಭುತ್ತುರ್ ಪಳುನ್ ಜಾವ್ನ್ ಪಾವ್ಲು ಅನಿ ಸಿಲಾಸಾಚ್ಯಾ ಫಿಡ್ಯಾತ್ ಕೊಸ್ಳುನ್ ಪಡ್ಲೊ. 30ಮಾನಾ ತೆಂಕಾ ದೊಗ್ಯಾಕ್ನಿ ಭಾಯ್ರ್ ಬಲ್ವುನ್ ಘೆವ್ನ್ ತೆನಿ, “ಸಾಯ್ಬಾನು, ಮಿಯಾ ದೆವಾಚಿ ರಾಕ್ವನ್ ಘೆವ್ಚೆ ಹೊಲ್ಯಾರ್ ಕಾಯ್ ಕರುಚೆ?” ಮನುನ್ ಇಚಾರ್‍ಲ್ಯಾನ್.
31ತನ್ನಾ ಪಾವ್ಲುನ್ ಅನಿ ಸಿಲಾಸಾನ್, ಕ್ರಿಸ್ತಾ ವರ್‍ತಿ ವಿಶ್ವಾಸ್ ಥವ್, ತನ್ನಾಚ್ ತಿಯಾ ಅನಿ ತುಜ್ಯಾ ಘರಾತ್ಲಿ ಲೊಕಾಬಿ ದೆವಾಚಿ ರಾಕ್ವನ್ ಘೆವ್ಕ್ ಹೊತಾ ಮನುನ್, 32ತೆಕಾ ಅನಿ ತೆಚ್ಯಾ ಘರಾತ್ಲ್ಯಾ ಸಗ್ಳ್ಯಾ ಲೊಕಾಕ್ನಿಬಿ ಧನಿಯಾಚಿ ಬರಿ ಖಬರ್ ಕಳ್ವುಲ್ಯಾನಿ. 33ತನ್ನಾ ಅರ್ದಿರಾತ್ ಕಳದಲ್ಲೊ ಯೆಳ್ ಹೊಲ್ಲೊ, ಪಾವ್ಲುಕ್ ಅನಿ ಸಿಲಾಸಾಕ್ ಬಲ್ವುನ್ ನ್ಹೆವ್ನ್ ಅಧಿಕಾರಿನ್ ತೆಂಚಿ ದುಖ್ಖಾ ಸಗ್ಳಿ ಧುವ್ನ್ ತೆಚ್ಯಾ ಮಾನಾ ಅಪ್ಲ್ಯಾ ಘರಾತ್ಲ್ಯಾ ಸಗ್ಳ್ಯಾ ಲೊಕಾಕ್ನಿ ಘೆವ್ನ್ ತೆಂಚ್ಯಾಕ್ನಾ ಬಾಲ್ತಿಮ್ ಕರ್ಸುನ್ ಘೆಟ್ಲ್ಯಾನಿ. 34ಯೆವ್ಡೆ ಹೊಲ್ಲ್ಯಾ ತನ್ನಾ, ತೆನಿ ಸಗ್ಳಿ ಲೊಕಾ ಧನಿಯಾಚೆರ್ ವಿಶ್ವಾಸ್ ಥವಲ್ಲ್ಯಾಸಾಟಿ ಲೈ ಕುಶಿ ಹೊಲೆ ಮಾನಾ ತೆನಿ ಪಾವ್ಲುಕ್ ಅನಿ ಸಿಲಾಸಾಕ್ ಅಪ್ಲ್ಯಾ ಘರಾಕ್ ಬಲ್ವುನ್ ನ್ಹೆವ್ನ್ ಜೆವಾನ್ ಕರಸ್ಲ್ಯಾನ್.
35ದುಸ್ರ್ಯಾಂದಿಸಿ ಸಕ್ಕಾಳಿ ರೊಮಾಚ್ಯಾ ಮುಖಂಡಾನಿ ಬಂಧಿಖಾನ್ಯಾಚ್ಯಾ ಅಧಿಕಾರಿಕ್ ಸೈನಿಕಾಂಚ್ಯಾಕ್ನಾ ಹ್ಯಾ ಲೊಕಾಕ್ನಿ ಸುಟ್ಕಾ ಕರ್ ಮನುನ್ ಸಾಂಗುನ್ ಧಾಡಲ್ಯಾನಿ.
36ತನ್ನಾ ಬಂಧಿಖಾನ್ಯಾಚ್ಯಾ ಅಧಿಕಾರಿನ್ ಪಾವ್ಲುಕ್ ಅನಿ ಸಿಲಾಸಾಕ್ ಅಮ್ಚ್ಯಾ ಮುಖಂಡಾನಿ ಸೈನಿಕಾಕ್ನಾ ತುಮ್ಕಾ ಸುಟ್ಕಾ ಕರುಚೆ ಮನುನ್ ಸಾಂಗುನ್ ಧಾಡ್ಲಾ ತುಮಿ ಸಮಾಧಾನಾನ್ ಜಾವಾ ಮನುನ್ ಸಾಂಗ್ಲ್ಯಾನ್.
37ಖರೆ ಪಾವ್ಲುನ್, “ಅಮ್ಚಿ ಚುಕ್ ಕಾಯ್ ಮನುನ್ ದಾಕಯಿನಸ್ತಾನಾ ತುಮ್ಚ್ಯಾ ಮುಖಂಡಾನ್ ಲೊಕಾಂಚ್ಯಾ ಇದ್ರಾಕ್ ಅಮ್ಕಾ ಮಾರುಕ್ ಲಾವ್ನ್ ಬಂದಿಖಾನ್ಯಾತ್ ಘಾಲುಕ್ ಲಾವ್ಲ್ಯಾನ್, ತುಮಿ ರೊಮ್ ಶಾರಾತ್ಲಿ ಲೊಕಾ ಅಮ್ಕಾಬಿ ಹಕ್ಕ್ ಹಾಯ್, ಅತ್ತಾ ತೊ ಅಮ್ಕಾ ಕೊನ್ ಗೊತ್ತ್ ನಸ್ತಾನಾ ಘುಟ್ಟಾನಿ ಸುಟ್ಕಾ ಕರುಲ್ಲಾ ಕಾಯ್? ಅಮಿ ಜಾಯ್ನಾಂವ್, ಮುಖಂಡುಚ್ ಯೆವ್ನ್ ಅಮ್ಕಾ ಹಿತ್ನಾ ಭಾಯ್ರ್ ಬಲ್ವುನ್ ಘೆವ್ನ್ ಜಾವ್ಚೊ,” ಮಟ್ಲ್ಯಾನ್.
38ತ್ಯಾ ಸೈನಿಕಾನಿ ಮುಖಂಡಾಂಚ್ಯಾಕ್ಡೆ ಜಾವ್ನ್ ಪಾವ್ಲುನ್ ಸಾಂಗಲೆ ಸಗ್ಳೆ ಸಾಂಗ್ಲ್ಯಾನಿ, ಪಾವ್ಲು ಅನಿ ಸಿಲಾಸ್ ರೊಮಾತ್ಲಿ ಲೊಕಾ ಮನ್ತಲೆ ಆಯ್ಕಲ್ಲ್ಯಾ ತನ್ನಾಚ್ ಮುಖಂಡಾ ಭಿಂಯಾಲಿ. 39ತಸೆ ಹೊವ್ನ್ ತೆನಿ ಪಾವ್ಲು ಅನಿ ಸಿಲಾಸಾಕ್ಡೆ ಯೆವ್ನ್ ಚುಕ್ ಮಾಗ್ಲ್ಯಾನಿ, ಅನಿ ತೆಂಕಾ ಬಂದಿಖಾನ್ಯಾತ್ನಾ ಭಾಯ್ರ್ ಬಲ್ವುನ್ ನ್ಹೆವ್ನ್ ಅಪ್ಲ್ಯಾ ಶಾರಾತ್ನಾ ತುಮಿ ಜಾವಾ ಮನುನ್ ಮಾಗುನ್ ಘೆಟ್ಲ್ಯಾನಿ. 40ಖರೆ ತೆನಿ ದೊಗಾ ಬಂದಿಖಾನ್ಯಾತ್ನಾ ಸುಟ್ಕಾ ಹೊವ್ನ್ ಲಿಡಿಯಾಚ್ಯಾ ಘರಾಕ್ ಗೆಲೆ, ಥೈ ಉಲ್ಲಿ ಲೊಕಾ ದೆವಾಚ್ಯಾ ತಾಂಡ್ಯಾಚಿ ಹೊತ್ತಿ ತೆಂಕಾ ಉಮ್ಮೆದ್ ಹೊಯ್ ಸಾರ್ಕೆ ಕರುನ್ ಮಾನಾ ತೆನಿ ಥೈತ್ನಾ ಗೆಲೆ.
Селектирано:
ಅಪೊಸ್ತಲಾಂಚಿ ಕಾಮಾ 16: NTSii24
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
The New Testament in Siddi Language © The Word for the World International and Siddi Translation Samithi, Mundgod, Uttara Kannada, 2024.