Откровение 2:8-11

До гласникот на црквата во Смирна, напиши го следново: Ова ви го порачува Првиот и Последниот - Оној што умре и оживе: Знам за вашите страдања и сиромаштија, но вие сте богати! Знам и за навредите што ви ги нанесуваат луѓе кои себеси се сметаат за Божји народ, а не се! Тие се сатанско собрание! Не плашете се од страдањата што ве очекуваат. Наскоро, Ѓаволот некои од вас ќе искуша, фрлајќи ги в затвор. Ќе страдате „десетина дена“. Останете Ми верни дури и ако ве осудат на смрт и Јас ќе ве наградам со венецот на животот! Ако имате слух, послушајте го тоа што Божјиот Дух им го порачува на црквите!