Maatewos 6
6
Waan Qarqaarsa Qulqullummaa
1 #
Mat. 23:5 Yesus, “Nama ufi garsiisuufi jettani akka hujii teessan dansaa namii argu fuula namaa duratti hintolchine ufi Eegadhaa! Yo akkas tolchitan Abbaa keessan ka gubbaa jiru galata irraa hinargattan. 2Tanaaf yo hiyyeessa qarqaartu, magalata ufi duratti hindha'an, akka namii kijibaan akka namii silaa warra guddisuuf, manneen waldeenaatiif karaa keessaalleetti tolchu. Anin dhuguma isanitti himaa warrii sun gatii ufii ya argate. 3Ammoo yo hiyyeessa qarqaartan harkii bitaachii waan harkii mirgichii tolchu hinbeekin! 4Akka qarqaarsii kee waan dhossaa ta'uu, duuba Abbaan kee ka waan atin dhossaan tolchitu argu galata sii baasaa” jedhe.
Waan Kadhachaa Aabboo Keennaa
(Luq. 11:2-4)
5 #
Luq. 18:10-14 Yesus ammallee dubbatee, “Yo Waaqaa kadhattan, akka nama kijibuu hinta'inaa! Wantii akkanaatiif warrii akka namii warra argu manneen waldeennaa keessaaf dhaattuu karaa ejaajjee kadhachuu fedha. Dhugumaa, waan anin isaniin jedhuu, warrii sun gatii ufii ya argate. 6Atin ammoo yo Waaqaa kadhattu mana kee keessa seennii, balbala cufadhuu Abbaa kee ka dhosaa jiru kadhaadhu! Abbaan kee ka waan atin dhossaan tolchitu arguu galata sii baasaa. 7Kadhachaa keessatti akka warra Waaqaa hinbeennee hinta'inaa, dubbii homaa hinbaane hindheeresinaa; warrii waan marroo dubbii hedduutiif kadhachaa dhaga'aniif se'a. 8Akka warraa hinta'inaa! Abbaan keessan adoo isan homaa jechuu baataniillee waan isan feetan cufaa inbeeka. 9Duuba yo kadhattan,
‘Abbaa keenna ka Waaqaa gubbaa jirtu;
maqaa kankee qulqulloo ha guddisanii;
10Mootummaan tantee ha dhuftuu;
fedhii tantee lafatti ha guutanii akkuma Waaqaa gubbaalleetti guutan.
11Soora teenna ta ardhaa nuu kenni.
12Cubbuu teenna nuu araaraam,
akkuma nulleen nama nutti cubbamee araaraamne.
13Ilaallachaa nuttiin hindhufini,
waan hamtuu nurraa dhowwi; Ameen’ ” Jedhaa kadhadhaa.
14“Yo isan wallaala namaa araaramtan, Abbaan keessan ka Waaqaa gubbaalleen isanii araaramaa. 15#Mar. 4:25-26 Ammoo yo isan wallaala namaa hinarraaramne, Abbaan keessaniilleen wallaala isanii hinarraaramu” jedhe.
Waan Agaabuu
16Yesus, “Yo Waaqaa kadhachaaf agabdan, akka warra kijibaa fuula hin yakkatinaa! Warrii akka namii agabuu warraa arguuf fuula yakkata. Dhugumaa, waan anin isaniin jedhuu warrii sun gatii ufii ya argate. 17Atin ammoo yo agabdu fuula dhiqadhuu, mataa filadhu, 18akka namii agabuu tantee hingarre; akka Waaqii dhossaa jiru callaan si argu! Abbaan kankee ka waan dhossaallee argu galata sii baasaa” jedhe.
Durummaa Gubbaa
(Luq. 12:33-34)
19-20Yesus ammoo, “Horii keessan lafa hinkeeyyatinaa, fulaa dholdholee fi dandiin hin nyaaneef, yokaan fulaa hattuun cabsitee hin hanneef Waaqaa bira ol keeyyadhaa! 21Fulaa horiin keessan jiru garaan keessaniilleen jira” jedhe.
Waan Ibsee Fi Dukkanaa
(Luq. 11:34-36)
22Yesus, “Iltii ibsee nafaatii; yo iltii tantee dansaa taate, naaf kankee cuftii ibsee qaba. 23Ammoo yo iltii tantee dansaa hinta'in, naaf kee cuftii indukkanaa. Tanaaf yo ibseen si keessa jirtu dukkanoofte dukkantii in guddaatti” jedhe.
Dhindhinsaa Fi Dhugeeffachaa
(Luq. 16:13; 12:22-31)
24Yesus ammallee, “Namii tokkoolleen danda'ee abbootii lama hinhojjatu, wantii akkanaatiif, heger tokko jibbeetti kaan jaalata, yokaan tokkoon waldhaqeetti kaaniin waldhaba, Waaqaa fi horii hojjachuu indandeettan; 25Tanaaf anin isanitti himaa jireenna yokaan nyaataa dhugaatiin, yokaan waan nafatti uyyifattan hindhindhisinaa. Jireennii liqimsaa irra hinjiru? Yokaan naafii wayaa irra hinjiru? 26Simphirree laalaa; midhaan hinfacaaftu, hinmurtu, yokaan kodhootti hingalchitu; ammoo Abbaa keessan ka gubbaa jirutti isiillee soora, isan simphirree irra hinjirtanii? 27Isan keessaa eennuutti adoo dhindhiseellee, danda'ee ganna jireenna isaa irratti haga gabaabaa yokaan dheera ufii irratti dhundhuma tokko darachuu dandaa? 28Maaf waan uyyifattan dhindhistan? Me akka daraaraan diidaa ba'u herregaa; innii hinhojjatu yokaan wayaa hindhatu, 29ammoo waan anin isaniin jedhu, Solomoonniilleen guddinna ufii keessatti wayaa akka daraaraa midhaaddu hinuyyifanne. 30Waaqii yo buuyyoo ardha jirtu ta bor ibiddatti gatan akkana uyyise, innii hagas irra isanii hinuyyisuu? Dhugeeffachan teessan akkam waan diqqoo! 31Tanaaf dhindhistanii, ‘Maan nyaanna? Maan dhunna? Yokaan Maan uyyifanna?’ jettanii hin yaada'inaa! 32Warrii Waaqaa hinbeenne waan kana cufa barbaada! Abbaan keessan ka gubbaa jiru akka isan waan kana cufa feetan inbeeka. 33Ammoo qaraa fiixee qajeeluma moottumma Waaqaa barbaadaa, duuba waan isanii barbaachisaa cufaa isanii kennanii. 34Tanaaf waan bor hindhindhinsinaa, waan bor, haborummaan ufi dhindhistuutii; guyyaan cuftii gaargala ufii qaba” jedhe.
Селектирано:
Maatewos 6: KakHaa
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се