LUKA 22
22
1 #
12:1-27. Kilekïtit atoni Ichon pö Makatin cho puryö Mumar nyo kikuro Pasaka.* 2Kumukyï tïsï cho echön nko koneti kirurut kïmar or nyo kïtïgho Yeso ompö sison ompöwölo kiwoghöy chane pich.
Kacham Yudas kïwïchtö Yeso
(Mat 26:14-16; Mrk 14:10-11)
3Atoni nyu kïlït Onyötö Yudas Iskariote nyo kile akonga ompö kinetanchay le taman nko odeny. 4Kïlenyona, kïwö Yudas kïngalan nko tïsï cho echön nko yetïntino ripi Kö pö Tororöt,* kingölonöy or nyo kimuköy Yudas kwipchï Yeso chane. 5Kïngörekyö chane akïchomnyechï kutö nyinte ropïyen. 6Kughönchï Yudas chane atolapay kïmar pöroyïn nyo wïkchini Yeso chane ompö or nyo mösöwunye pich.
Ighöy kegh Yeso tökwam omisyo Pasaka
(Mat 26:17-25; Mrk 14:12-21; Yna 13:21-30)
7Kitïta Ichon pö Makatin cho puryö Mumar, asis nyo kïyengöy wara kechir tökïlïkwï omisyo Pasaka. 8Kuyoktö Yeso Petro nko Yoana kïlenchï, “Ape agha omisyo Pasaka tökyama.”
9Kuyokyï chane lö, “Imökenyi keghenacha omisye onö?”
10Kïlenchï Yeso, “Ape akwoto olïtökwa kanasyan, otuyeghokwa chi nyo kosönöy pögh kösïm nyo mi. Arïpa nyinte ntö kïlït kö, 11atolapay olenchikwa chito kot, ‘Katepakwa Echotyon lö mi onö köyay omonan Pasaka nko kinetankachu?’ 12Porwokwa nyinte kö nyo pöro nyo mi koropa nyo kikegh lö sïkatat. Aghenakwa nyu omisye köyoni.”
13Kïpechï kegh, akïnyorï le nyaye kimwochï Yeso chane, atolapay kwigh omisyonay pö Pasaka.
Omisyo Echotyon
(Mat 26:26-30; Mrk 14:22-26; 1Kr 11:23-25)
14Kikany kwitïta ato kyomisiyi, kumpur Yeso ngwïny nko kiyoktoghichi. 15Atolapay kïlenchï, “Kyopïrchan nyoman am omisyonete pö Pasaka nko akwa kïtomö kenyarilanïn kong. 16Ompöwölo omwowokwa nyoman lö, momanye Pasake anka ngat ntökïtenö kwitïta sörunötö nyini poru ngala Pasaka ompö Pöyunöto Tororöt.”
17Atolapay kïcheng Yeso kikompo dipay* akuyokyï Tororöt sörö akïlö, “Achï, omosotenö. 18Omwowokwa lö, mogheghanye dipaychï ngat, tökïtenö kwitï Pöyunötö Tororöt.”
19Kicheng makatyan akuyokyï Tororöt sörö. Atolapay kïmïnchïr akïchöghchï chane akïlö, “Portönyan nyete, nyo kakïkonï akwompö akwa. Agha le nyete tananenanïn.” 20#Yer 31:31-34. Kïmwa lenyoni ngat ompö kikompo dipay otini kiwany omisyo nangat lö, “Kikomponï kuporu muma* Tororöt nyo rel ompö kisönköchan cho kïmïltoy akwompö akwa.
21 #
Tum 41:9. “Wölo arose, mi chichini wïchtonanïn yete yi, omisïyi nyinte nko ani. 22Nyoman meghöy Wero Chi le wölini kitatïta Tororöt, wölo otyogh nyo wow ompö chichoni wïchtoy nyinte.”
23Otini kimwa lenyoni kïte kegh chane lö, ekï ngo ompö kwenungwa nyoni wetöy kwighöy ngölyontononi köny.
Kimölöt lö ngo nyo wow
24 #
Mat 18:1; Mrk 9:34; Luk 9:46. Kïghyagha kïmölötö kwenu kinetanpa Yeso lö, ngo nyo ompö chane cho kikirosöy lö wow kïtïl walaka. 25#Mrk 10:42-44.#Mat 20:25-27. Kïlenchï Yeso, “Pöytoy pöytoghi punton pikökwa ompö kat akïmököy kekuro chane, ‘Pich cho ngöroköy pich.’ 26#Mat 23:11; Mrk 9:35. Wölo mölenye nyoni ompö akwa, ompöwölo chi nyo wow ompö akwa kïmïchini kumïnïngit kegh. Kïkany nyo le kintöghoghin kïmïchini kwigh kegh le mötworin. 27#Yna 13:12-15. Ayo, nyono nyo wow, nyinö töpo mesa kwomisïyi nya anta nyo ipchini pich omisyö? Mö nyinönye töpo kwomisïyi? Wölo omitan kwenunkwa le chi nyo opöghisyechini pich.
28“Akwa chaye kyomïkukonchö nko ani ompö tyomutköchan. 29Nyo, le otini kikonanïn Paponyu apayta, okonokwa tïkwïl paytena. 30#Mat 19:28. Omisyonekwa agheghsyö nko ani ompö Pöyunötenyan. Ompurekwa ngöcherwo paytagh atorwokyinö ortïn taman nko odeny cho pö Israel.”
Kangor Yeso lö tiyot Petro nyinte
(Mat 26:31-35; Mrk 14:27-31; Yna 13:36-38)
31Atolapay kïlenchï Yeso Simon, “Simon, Simon! Tere ya! Kimököy Onyötö kïnamakwa akïserakwa löwïr le wölo kïsertoy pagh cho mi nko morïr. 32Wölo kosowunyi Simon lö tömöwïs kighanatengu. Akwotini kemïlenyi wölo omitan, ichïchim werkökwo.”
33Kuyokyï Petro lö, “Echotyon, kyokonwan kegh owö chela nko nyi amegh nko nyi.”
34Kïlenchï Yeso, “Omwowunyi Petro lö, möwochönye kïrpö kokoroch soya kïtomö tiyenönyi kïnyil sömök lö, menkïtanïnyinye.”
Osiswo kömpölelyö
35 #
Mat 10:9-10; Mrk 6:8; Luk 9:3; 10:4. Atolapay kïlenchï Yeso chane, “Atanye kyayontekwa kïpuryö ropïyen anta mïlot anta kwegh kïgh nyo mi kyachopakwa?”
Kïlö, “Ewo.”
36Kïlenchï Yeso, “Wölo ye ato itïngetö chi ropïyen anta mïlot ip. Akwanka tïkwïl nyo metïng chok kïmïchini kwalta sïrenyi atökwal. 37#Isa 53:12.Omwowokwa lö, itïtoy ompö ani Kikirut nyay lentöy, ‘Kikinyoryö nyinte nko chelölos,’ Ompöwölo itïtoy nyo mötïny ngala löwïr cho kikikir ompö parakunyan.”
38Kïlö kinetankachi, “Rose köny, Echotyon, kïtïngetecha chokon odeny.”
Wölo kimöpköchïnye kïyinö kimwoghöy Yeso kïlenyona kïlenchï Yeso chane, “Nya kïten.”
Kasagha Yeso kutïng pö Arol
(Mat 26:36-46; Mrk 14:32-42)
39Kingeta Yeso kanasyantanay kïwö kutang kutïng pö Arol, kïle wölo köle otöptanyi. Kïrïp kinetankachi nyinte wölini. 40Kïkany kwit wölini kiwetöy, kïlenchï kinetankachi, “Asagha atömolït työmut.”
41Atolapay kïwö yona kite, nyo tenö ato itöy kögh nyo wirtoy chi. Kïkïtïng akïsagh 42lö, “Papo, ato ichömenyi, ichengena kikomponï pö kiwongunöt. Amelö nyu machatenyan, wölo nya kwigha machatengu.” 43Atoni nyu, kuchumchï nyinte malaykayan nyo kingwïna yïm kuchïchim nyinte. 44Akwotini kilïmchï kegh ngwonïn nyo wow ompö mïkulöwunyi, kïtas kïsagh tya, kïwöghökisyö kighotichi kïkarkegh nko kisön cho ntökitökï ngwïny.
45Kïkany kïngetunö saghatenyi, kïmïla wölo mi kinetankachi. Kutomtö rusot, kyoghöcheghö nyarïlwok. 46Kïlenchï, “Ompö ne torusonekwa? Ongetyenö asagh, atömolït työmut.”
Kakïnam Yeso
(Mat 26:47-56; Mrk 14:43-50; Yna 18:3-11)
47Otini kitökïngölonöy Yeso, kuchumï söpïch nyo kintöghoghchini Yudas nyo kile akonga ompö kinetankachi chay le taman nko odeny. Kungwïn lenyini Yudas akïtaroch Yeso. 48Wölo kïlenchï Yeso, “Yudas, iwïchteghonyi tarokat Wero Chi?”
49Kïkany kïpköchï kinetanchay kimi nko Yeso lö ne nyo cho kirïptoy ngal cho lata choni, kitep lö, “Echotyon, kïparecha pïchï chokonicho?” 50Kïnget lenyini akong ompö chane kïtör yit pö ewu tagh nyo pö mötworinto Tïsin nyo Wow* kïchïnta.
51Wölo kïlo Yeso, “Pïstenö, nya kïten.” Kïswany atay kömi yit pö chichay akusop.
52Atolapay kïlenchï Yeso tïsichay echön nko echot pö ripi Kö pö Tororöt nko poy chini kipka kïnam nyinte, “Ochan so chelölosyon topkonchanïkwa nko chokon nko runkun? 53#Luk 19:47; 21:37. Kyomitan nko akwa kïnomnyö ompö Kö pö Tororöt amöminye chi nyo kinamanïn. Wölo pöroyïntonkwa nyete, otini tökïtïngetö tuwïn owesyö nyo pöytoy.”
Kötiyö Petro lö monkït Yeso
(Mat 26:57-58,69-75; Mrk 14:53-54,66-72; Yna 18:12-18,25-27)
54Kïnam pïchay Yeso akumït kïwö kö pö Tïsin nyo Wow. Kïrïp Petro chane löt kïmi ato low. 55Kimi ma nyo kikenagh köyay sany. Kïwö Petro kïtöpö ngwïny akïyï manyi nko pïchay. 56Kimito mötworintö nyo le työ atoni nyo kisïwa nyinte kumpuröy otini, kilöpochï mayay. Kuros Petro lasiny akïlö, “Kyasïwan chichete kïmi nko Yeso.” 57Wölo kïtiyö Petro lö, “Ewo, kokonï monkïtönye nyinte.”
58Atole ya kite, kïsïwa chitanka nyinte nyo kilenchï, “Ichinyi tïkwïl akonga ompö pich cho kirïpöy chichara.” Wölo kuyokyï Petro lö, “Wena, mochanye.”
59Lötï, ato kiwer ato ngata sa akonga, kïmwa chitö anka lö, “Kimi chichete nko chichï nyo mötïnye kemïr, ompöwölo chi pö Kalilaya nyinte.”
60Wölo kuyokyï Petro lö, “Wena, monkïtönye kini imwoghenyi.”
Panini lawel, kïtomö kuwany kïngalan, kïwach kïrpö kokoroch. 61Kïwaghach kegh Echotyon akïtopön Petro lasiny. Kunan Petro ngalechanya pö Echotyon, chay kilenchï, “Möwochönye kïrpö kokoroch soya kïtomö tiyaninyi kinyïl sömök lö menkïtaninyinye.” 62Kïlenyona kïngeta Petro ataye kïwö sany atolapay kusyonchï kegh akïloch nyoman.
Kakinyerer Yeso akemuny
(Mat 26:67-68; Mrk 14:65)
63Kïnget pïchay kiripöy Yeso kïnyerera akïmuny nyinte. 64Kuluma konyichi ananka akïmuny atolapay kïtep lö, “Ngo nyini kömunginyi? Ngore köny!” 65Atolapay kïngalana nyinte ngale walaka cho chang cho pö kiswomöt.
Kakimït Yeso tawu Kokwö*
(Mat 26:59-66; Mrk 14:55-64; Yna 18:19-24)
66Kïkany kïyech, kuryam poyi pipö Yaudi nko tïsï cho echön nko koneti kirurut. Kemïtï Yeso tawu Kokwö, 67aketep lö, “Ato ichinyi Kristo,* imwowecha.” Wölo kuyokyï lö, “Ato omwowokwa, moghönanïkwanye 68Kwato atepakwa teput, moyokunekwanye. 69Wölo kïngeta ye kutang tagh, töpo Wero Chi ewu tagh nyo pö owesyo Kimuktoghin Tororöt.”
70Kïlö chane löwïr, “Kichö so ichinyi Wero Tororöt?” Kuyokyï chane lö, “Akwa chini omwoghöy lö, ochan.”
71Atolapay kïlö pïchay, “Tökemöröy söwi walaka cho pö ne? Kikelïmacha kïpkana kutinyi.”
Kakip Yeso tawu Pilato
(Mat 27:1-2,11-14; Mrk 15:1-5; Yna 18:28-38)
Селектирано:
LUKA 22: PIPÏLIA
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
©Bible Society of Kenya, 2019