Yok-hon 5

Chhai Pit-sṳ-thai Súi-chhṳ̀-piên Yî-phiang

1Liá sṳ yî-heu, tú-hó he Yù-thai-ngìn ke yit-ke chiet-khì, Yâ-sû chhiu sông Yâ-lu-sat-lâng hi. 2Chhai Yâ-lu-sat-lâng, yû yit-héu súi-chhṳ̀ chhai Yòng-mùn ke fu-khiun, Hî-pak-lòi-fa ôn-to Pit-sṳ-thai, sùn-thèu yû ńg-chak lòng-é#5:2 “yû yit-héu súi-chhṳ̀ chhai Yòng-mùn ke fu-khiun ... sùn-thèu yû ńg-chak lòng-é” ya-he yi̍t-cho “yû yit-ke thi-fông chhai Yòng-chhṳ̀ ke fu-khiun ... liá thi-fông chû-vì yû ńg-chak lòng-é.”. 3Chhai lòng-é tî-poi yû yit-khiùn phiang-ngìn soi chhai ke-vi, yû mô-muk ke, pâi-kiok ke, pot thân-fûng ke.#5:3 Yû-têu kú-kién kâ thi 4 chiet: “Kì-têu chhai ke-vi tén súi-chhṳ̀ ke súi thîn-thûng; yîn-vi kak yit-chham sṳ̀-kiên, Chú ke thiên-sṳ́ voi hâ-lòi luk-súi, súi thîn-thûng ke sṳ̀, chui siên lo̍k-hi súi-chhṳ̀ ke phiang-ngìn, mò-lun pot má-ke phiang, lûng-chúng voi tet-tó yî-hó.” 5Chhai ke-vi yû yit-ke ngìn yí-kîn pot-phiang sâm-sṳ̍p-pat-ngièn kiú. 6Yâ-sû khon-tó kì soi chhai ke-vi, tî kì pot-phiang chhin-tô ngièn, chhiu mun kì kóng: “Ngì oi tet-tó yî-hó mò?”

7Ke phiang-ngìn fì-tap kóng: “Sîn-sâng, súi thîn-thûng ke sṳ̀-chiet mò ngìn pông-chhu ngài, chiông ngài piong-lo̍k súi-chhṳ̀ hi; tén ngài sióng-oi lo̍k-hi, phe̍t-ngìn yí-kîn siên lo̍k-hi.”

8Yâ-sû lâu kì kóng: “Hong-hí-lòi, chiông ngiâ chhó-chhia̍k nâ-hí-lòi hàng!” 9Ke ngìn ke phiang chit-sṳ̀ hó lé, kì chiông kiâ chhó-chhia̍k nâ-hí-lòi, hàng-tén chéu.

Ke-ngit tú-hó he Ôn-sit-ngit, 10só-yî Yù-thai-ngìn ke liâng-chhiu tui ke tet-tó yî-hó ke ngìn kóng: “Kîm-pû-ngit he Ôn-sit-ngit, ngì nâ-tén chhó-chhia̍k he vì-poi fap-li̍t ke.”

11Kì kóng: “Ke yî-hó ngài ke ngìn fûn-fu ngài kóng: ‘Chiông ngiâ chhó-chhia̍k nâ-hí-lòi hàng!’ ”

12Kì-têu mun-kóng: “Ke fûn-fu ngì chiông chhó-chhia̍k nâ-hí-lòi hàng ke he má-ngìn?”

13Chúng-he ke tet-tó yî-hó ke ngìn m̀-tî Yâ-sû he má-ngìn; yîn-vi ke thi-fông ngìn chhin-tô, Yâ-sû yu yí-kîn sám-khôi.

14Sṳ heu, Yâ-sû chhai sṳn-thien-tú chhìm-tó kì, lâu kì kóng: “Ngì yí-kîn vàn-chhiòn hó lé, m̀-hó chai fam-chhui, miên-tet ngiâ-tó hàn-kha thai ke châi-fo.”

15Ke ngìn lì-khôi Yâ-sû yî-heu, hi lâu Yù-thai-ngìn ke liâng-chhiu kóng, yî-hó kì ke he Yâ-sû. 16Só-yî Yù-thai-ngìn ke liâng-chhiu khôi-sṳ́ pet-hoi Yâ-sû, yîn-vi kì chhai Ôn-sit-ngit yî-phiang. 17Yâ-sû tui kì-têu kóng: “Ngâ Pâ yit-chhṳ̍t kûng-chok, ngài ya cheu-yong kûng-chok.”

18Liá-ke fa kien-kâ sṳ́ Yù-thai-ngìn ke liâng-chhiu kiet-sîm oi sat-hoi kì; yîn-vi kì m̀ tân-chhiang pho-fai Ôn-sit-ngit ke kie-min, yu kóng Song-ti he kì chhṳ-kâ ke Â-pâ, chiông chhṳ-kâ khon-cho lâu Song-ti phìn-tén.

Lai-é ke Khièn-piang

19Chiap-tén, Yâ-sû tui kì-têu kóng: “Ngài sṳ̍t-chhai lâu ngì-têu kóng, Lai-é kho chhṳ-kâ put-nèn cho má-ke; kì khon Â-pâ cho má-ke, chang nèn cho má-ke. Â-pâ só cho ke, Lai-é ya cho. 20Â-pâ siak Lai-é, chiông chhṳ-kâ só-cho ke chṳ́-sṳ Lai-é. Kì oi chiông pí liá hàn-kha thai ke sṳ chṳ́-sṳ Lai-é, pûn ngì-têu kám-kok hî-khì. 21Â-pâ ngióng-pân sṳ́ sí-ngìn fu̍k-fa̍t, su sâng-miang pûn kì-têu; khiung-yong, Lai-é ya oi cheu chhṳ-kâ ke yi-sṳ su sâng-miang pûn ngìn. 22Â-pâ chhṳ-kâ m̀ sṳ́m-phan ngìn; Kì chiông sṳ́m-phan ke khièn-piang kâu-pûn Lai-é, 23vi-tó oi sṳ́ ngìn lûng-chúng chûn-kin Lai-é, chhiong chûn-kin Â-pâ yit-yong. M̀ chûn-kin Lai-é ke, chhiu-he m̀ chûn-kin chhâi kì lòi ke Â-pâ.

24“Ngài sṳ̍t-chhai lâu ngì-têu kóng, thâng ngài ke fa, yu sin ke ‘Chhâi ngài lòi ke’, chhiu yû yún-yén ke sâng-miang. Kì m̀-voi su thin-chhui, he yí-kîn chhut-sí ngi̍p-sên lé. 25Ngài sṳ̍t-chhai lâu ngì-têu kóng, sṳ̀-kiên voi to lé, liá-ha chhiu he, sí-ngìn voi thâng-tó Song-ti Lai-é ke sâng; ke-têu thâng-chhiùng ke, voi tet-tó sâng-miang. 26Chhiong Â-pâ pún-sṳ̂n he sâng-miang ke ngièn-thèu, Kì ya sṳ́ Lai-é sàng-cho sâng-miang ke ngièn-thèu. 27Kì yu chiông sṳ́m-phan ke khièn-piang su-pûn Lai-é, yîn-vi kì chhiu-he Ngìn-chṳ́. 28Ngì-têu m̀-hó vi-tó liá-ke lòi hî-khì; yîn-vi sṳ̀-kiên voi to, só-yû chhai fùn-mu tî-poi ke ngìn lûng-chúng voi thâng-tó kì ke sâng-yîm, 29ya voi tui fùn-mu tî-poi chhut-lòi: Hàng-san ke, voi fu̍k-fa̍t lòi tet-tó sâng-miang; chok-ok ke, voi fu̍k-fa̍t lòi su thin-chhui.

Vi Yâ-sû Cho Kien-chṳn

30“Ngài kho chhṳ-kâ put-nèn cho má-ke; ngài cheu Song-ti ke chṳ́-yi lòi sṳ́m-phan; ngài ke sṳ́m-phan ya he kûng-tong ke, yîn-vi ngài m̀-he chûi-khiù chhṳ-kâ só-oi ke, chṳ́-yû hàng ‘Chhâi ngài lòi ke’ ke chṳ́-yi.

31“Ká-sṳ́ ngài vi chhṳ-kâ cho-chṳn, ngài ke fa chhiu m̀-la sṳ́ ngìn siông-sin. 32Chúng-he, yû nang-ngoi yit-ke ya vi ngài cho-chṳn ke, ngài tî Kì vi ngài só-cho ke kien-chṳn he chṳ̂n-sṳ̍t ke. 33Ngì-têu sṳt phai-ngìn hi kien Yok-hon, kì chhiu vi chṳ̂n-lî lòi cho-chṳn. 34Khì-sṳ̍t, ngài pin mò sî-yeu ngìn ke kien-chṳn; ngài kóng-hí liá-ke sṳ, he oi pûn ngì-têu tet-kiu. 35Yok-hon khó-pí yit-chán chho̍k-tén yu cheu-mìn ke tên, ngì-têu ngien-yi chhiam-sṳ̀ hióng-su kì ke kông-mìn. 36Chúng-he ngài yû pí Yok-hon hàn-kha yû-li̍t ke chṳn-kí, chhiu-he ngài só-cho ke kûng-chok, he ngâ Pâ kâu-pûn ngài oi vàn-sṳ̀n ke. Liá-têu kûng-chok khó-yî chṳn-mìn Â-pâ yû chhâi-phai ngài. 37Chhâi-phai ngài lòi ke Â-pâ ya vi ngài cho-chṳn. Ngì-têu chhiùng-lòi m̀-sṳt thâng-ko Kì ke sâng, m̀-sṳt kien-ko Kì ke hìn-siong, 38ya mò chiông Kì ke fa piong chhai sîm-chûng, yîn-vi ngì-têu m̀ sin Kì só chhâi-lòi ke. 39Ngì-têu ngiên-kiu Sṳn-kîn, ngin-vì chhai ke tî-poi khó-yî chhìm-tó yún-yén ke sâng-miang; khì-sṳ̍t Sṳn-kîn ke fa chhiu-he vi ngài cho kien-chṳn ke! 40Chúng-he, ngì-têu hàn m̀-hén chhiu-khiun ngài lòi tet-tó sâng-miang.

41“Ngài m̀-he chûi-khiù ngìn ke chhṳ̂n-chan. 42Chúng-he, ngài tui ngì-têu chhin liáu-kié, ngì-têu pin m̀-he chṳn-kîn kin-oi Song-ti#5:42 “ngì-têu pin m̀-he chṳn-kîn kin-oi Song-ti” ya-he yi̍t-cho “ngì-têu ke sîm-chûng pin mò Song-ti ke oi.”. 43Ngài fung ngâ Pâ ke miàng lòi, ngì-têu m̀ chiap-na̍p ngài; na yû-ngìn fung chhṳ-kâ ke miàng lòi, ngì-têu fán-chón chiap-na̍p kì. 44Ngì-têu chhin-oi pí-chhṳ́ chiap-su chan-mî, chúng-he m̀ khiù tui thu̍k-yit vù-ngi ke Song-ti ke-vi lòi ke chhṳ̂n-chan; án-ngiòng, ngì-têu ngióng-voi sin ngài nè? 45M̀-hó ngin-vì ngài voi chhai ngâ Pâ ke mien-chhièn ko ngì-têu; oi ko ngì-têu ke chhiu-he ngì-têu só ngióng-mong ke Mô-sî. 46Ká-sṳ́ ngì-têu chṳ̂n-sṳ̍t siông-sin Mô-sî, ngì-têu chhiu voi sin ngài, yîn-vi kì ke sû yû ki-chai ngài ke sṳ. 47Ngì-têu ki-yèn m̀ sin kì só-siá ke, ngióng-voi sin ngài ke fa nè?”

Селектирано:

Yok-hon 5: THV12Rdb

Нагласи

Сподели

Копирај

Дали сакаш да ги зачуваш Нагласувањата на сите твои уреди? Пријави се или најави се

Дознај повеќе за HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Yok-hon 5

Популарни Библиски стихови од
Yok-hon 5

Библија:

Hakkafa (Roman script)

Верзија: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Yok-hon 5

Yok-hon 5

Популарни Библиски стихови од Yok-hon 5

Библија:

Hakkafa (Roman script)

Верзија: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Yok-hon 5

Популарни Библиски стихови од
Yok-hon 5