Псалми 105
105
ПСАЛМ 105
Возвеличување на Бога поради Неговите добрини кон Израел
1 #
9,11; 96,3; Ис 12,4-5 Славете Го Господа; повикувајте го Неговото име; разгласувајте ги меѓу народите делата Негови. 2#9,1; 68,4; Дела 2,11Славете Го и пејте Му; кажувајте ги сите Негови чудеса. 3#34,2; 40,16; 70,4Фалете се со Неговото свето име: нека се весели срцето на оние, кои Го бараат Господа. 4#24,6; 27,8; Ос 5,15Барајте Го Господа и утврдувајте се, барајте го секогаш лицето Негово. 5#77,11; 111,4Спомнувајте ги чудесата Негови, што ги направи, чудесата Негови и судовите од устата Негова, 6#Ис 45,4вие, семе Авраамово, слуги Негови, синови Јаковови, избраници Негови. 7Тој е Господ, Бог наш; Неговите судови се по целата земја. 8#106,45; 111,5; 5 Мојс 7,9; Мих 7,20; Лк 1,72Тој вечно го помни заветот Свој, зборот што го заповедал во илјада родови, 9#1 Мојс 15,7-18; 17,19; 26,3; 2 Мојс 2,24; 3 Мојс 26,42; 5 Мојс 4,31; Мих 7,20што му го ветил на Авраам, и заклетвата Своја на Исак; 10#47,4; 1 Мојс 28,13-15; 35,12; 50,24и му го поставил тоа како закон на Јаков и како вечен завет на Израел, 11велејќи: „Тебе ќе ти ја дадам Хананската земја во ваше наследство.“ 12#5 Мојс 7,7; 26,5Тогаш тие беа уште малку на број, многу малку, и беа придојдени во неа, 13#1 Мојс 23,4; Евр 11,13па одеа од народ во народ, од едно царство кон друг народ; 14никому не му дозволуваше Тој да ги угнетува и цареви за нив караше: 15#1 Сам 24,7; 1 Лет 16,22„Не допирајте се до Моите помазани, на Моите пророци не правете им зло!“ 16#1 Мојс 41,54; 3 Мојс 26,26; 2 Цар 8,1; Ез 5,16; 14,13И пушти глад во таа земја и секој лебен клас го сотре. 17#1 Мојс 45,5; Дела 7,9Испрати пред нив човек: како роб беше продаден Јосиф. 18Ги стегнаа во окови нозете негови, железо околу вратот негов, 19#1 Мојс 41,13додека се исполни зборот негов: зборот Господов го потврди. 20Царот прати по него, го одврзаа, кнезот над народите го ослободи. 21#1 Мојс 41,40-41; 42,5; Дела 7,10Го постави за домаќин над домот свој и управител над сиот имот свој, 22за да ги поучува кнезовите според својата волја и старешините негови да ги учи на мудрост. 23Тогаш дојде Израел во Египет, и Јаков се всели во Хамовата земја. 24#2 Мојс 1,7; 5 Мојс 26,5Го умножи Бог многу Својот народ и го направи посилен од непријателите негови. 25#2 Мојс 7,3Се преврте срцето нивно и тие го замразија народот Негов, и почнаа да им пакостат на слугите Негови. 26Го испрати Мојсеј, слугата Свој, и Арон, кого го избра. 27#78,43; Ер 32,20Тие ги покажаа меѓу нив Неговите знаци и чудесата Негови во Хамовата земја. 28Испрати темнина и се смрачи, и тие не се спротивставија на зборот Негов. 29Ја претвори водата нивна во крв и ја уништи рибата нивна. 30Се исполни земјата нивна со жаби, дури и собите на царот нивен. 31Тој заповеда: и нападнаа рој муви и мушички по сите нивни предели. 32Наместо дожд, испрати врз нив град, оган што ја гореше земјата нивна, 33и ги уништи лозјата нивни и смоквите нивни, ги сотре сите дрвја во нивните предели. 34Рече и нападнаа скакулци и гасеници безброј; 35и ја изедоа сета трева по земјата нивна, ги испојадоа сите плодови на нивите нивни. 36#78,51; 5 Мојс 21,17И го погуби секое првородено во земјата нивна, првините од сиот нивен труд. 37#2 Мојс 3,21-22; 11,2-3; 12,34-35Ги изведе Израелците со сребро и злато, и немаше болен во племињата нивни. 38#2 Мојс 12,33; 15,16Се зарадува Египет поради нивното излегување, бидејќи го беше обзел страв од нив. 39#78,14; 2 Мојс 13,21-22; 14,19-20; 4 Мојс 14,14; Неем 9,12Тој им простре облак како покрив и оган, за да им свети ноќе. 40#78,24-29; 2 Мојс 16,4-15; 4 Мојс 11,31-32Бараа, и Тој им прати потполошки и со леб небесен ги наситуваше. 41#78,15-16; 2 Мојс 17,1-7; 4 Мојс 20,2-13; Ис 48,21Расцепи камен и потекоа води, потекоа како река по безводната земја, 42#2 Мојс 2,24; 5 Мојс 7,8; Мих 7,20; Лк 1,54-55зашто се сети на Својот свет збор кон Авраам, Својот слуга. 43Па го изведе Својот народ со радост, Своите избрани – со веселба, 44и им даде незнабожечки земји, и така наследија плодови од други народи, 45за да ги чуваат наредбите Негови и да ги исполнуваат законите Негови. Алилуја!
Селектирано:
Псалми 105: MK2006
Нагласи
Сподели
Копирај
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fmk.png&w=128&q=75)
Дали сакаш да ги зачуваш Нагласувањата на сите твои уреди? Пријави се или најави се
© Библиско Здружение на Р. Македонија 2006
© Bible Society of the Republic of Macedonia 2006