Евреите 7
7
Свештеникот Мелхиседек
1 #
1 Мојс 14,17-20
Тој Мелхиседек беше цар салимски, свештеник на Севишниот Бог, кој го пресретна Авраам, кога се враќаше од борбата со царевите, и го благослови, 2кому и Авраам му даде десеток од сѐ, и кој по значењето на името негово е прво цар на правдата, а потоа и цар на Салим, односно цар на мирот. 3#4,14; 7,16; Јн 7,27Без татко, без мајка, без род, немаше ниту почеток на дните, ниту крај на животот и, по таков начин, е подобен на Синот Божји, и останува вечен свештеник. 4#1 Мојс 14,20Гледате ли колку е голем оној кому прататкото Авраам му даде десеток од најдобриот плен! 5#4 Мојс 18,21Оние од Левиевите синови, што примаат свештенство, имаат заповед да земаат по Законот десеток од народот, односно од браќата свои, иако и тие произлегле од бедрата Авраамови. 6#Рим 4,13Но тој, кој не му припаѓаше на нашиот род, зеде десеток од Авраам и го благослови оној што беше примил ветувања. 7Не може да има никаков спор дека помалиот се благословува од поголемиот. 8Така, овде смртни луѓе земаат десетоци, а таму – Оној, за Кого има сведоштво дека е жив. 9И, така да речам, Левиј, кој прима десетоци, и сам даде десеток преку Авраам, 10#1 Мојс 14,17бидејќи уште беше во бедрата на татко си кога го сретна Мелхиседек. 11#8,6-7; 10,1; Пс 110,4Па така, ако совршенство можеше да се постигне преку левитското свештенство, бидејќи врз основа на него народот доби Закон, каква потреба има да се воздигне друг свештеник по чинот на Мелхиседек, наместо по чинот на Арон? 12Зашто, кога ќе се промени свештенството, тогаш се јавува потреба да се измени и законот. 13А Оној за Кого се зборува ова, се вбројува во друго колено, од кое никој не беше пристапувал до жртвеникот; 14#1 Мојс 49,10; Ис 11,1; Мт 1,3; Откр 5,5зашто е познато дека Господ наш произлезе од Јуда, а за свештенството од ова колено Мојсеј ништо не рекол.
Друг свештеник како Мелхиседек
15И уште појасно станува тоа кога се воздига слично на Мелхиседек друг свештеник, 16Кој станал таков не по силата на телесна заповед, туку по силата на вечниот живот. 17#5,6; Пс 110,4Зашто се посведочи: „Ти си вечен свештеник по чинот на Мелхиседек.“ 18#10,9; 13,9; Рим 8,3А, пак, одменувањето на поранешната заповед се изврши поради тоа што таа беше слаба и бесполезна, 19#4,16; 6,18; 9,9; 10,1-2.4.11; Рим 3,20; 7,7-8; Гал 3,21; Јк 4,8зашто Законот ништо не доведува до совршенство; а се воведе подобра надеж, преку која се приближуваме до Бога. 20Тоа беше потврдено со заклетва. 21#Пс 110,4Зашто оние беа станале свештеници без заклетва, а Тој – со заклетва, преку Оној Кој Му рече: „Се заколна Господ и нема да се раскае: ‚Ти си вечен свештеник по чинот Мелхиседеков.‘“ 22#8,6-10; 9,15-20; 10,29; 12,24; 13,20; Лк 22,20; 2 Кор 3,6Затоа Исус стана залог на толку подобар завет. 23А тие беа многу свештеници, зашто смртта не им даваше да остане само еден; 24#5,6; 13,8; Лк 1,33а Тој, бидејќи живее вечно, има свештенство што нема да мине на друг. 25#10,14; Јн 14,6; Рим 8,34; 1 Јн 2,1; Откр 1,18Затоа Тој и може за вечно да ги спаси оние што преку Него доаѓаат кон Бога, бидејќи е секогаш жив за да се моли за нив. 26#4,14; 2 Кор 5,21Таков Првосвештеник и ни требаше: свет, непорочен, неосквернет, одвоен од грешниците и возвишен над небесата. 27#5,3; 9,12; 10,10; 2 Мојс 29,38-39; 3 Мојс 16,6.15Кој нема потреба, како и другите првосвештеници, секојдневно да принесува жртва прво за гревовите свои, а потоа и за оние на народот, бидејќи Тој го изврши тоа еднаш засекогаш, откако Сам Себе се принесе како жртва. 28#5,1-2.9Зашто Законот за првосвештеници поставува луѓе што се немоќни; а словото на клетвата што е по Законот – Синот, Кој е вечно совршен.
Селектирано:
Евреите 7: MK2006
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
© Библиско Здружение на Р. Македонија 2006
© Bible Society of the Republic of Macedonia 2006