Тоа исто и ви го напишав, та, кога ќе дојдам, да не ме ожалостат оние кои треба да ме зарадуваат; бидејќи сум уверен во сите вас дека мојата радост е радост и за сите вас. Зашто од многу грижи и од тага на срцето ви пишував со многу солзи, не за да ве ожалостам, туку за да ја познаете преголемата љубов што ја имам кон вас. Ако ли, пак, некој ме ожалости, не ме ожалостил само мене, туку, да не претерам, донекаде и сите вас. За таков доволна е казната што ја претрпел од мнозинството; така што за вас е подобро да го помилувате и да го утешите, за да не пропадне од преголема жалост; затоа ве молам кон него да покажете љубов. Затоа и ви напишав, да ве испитам и да дознаам дали сте во сѐ послушни. А кому вие ќе му простите нешто, нему ќе му простам и јас; ако сум простил некому нешто, сум му простил поради вас во името на Исус Христос, за да не нѐ прелаже сатаната, зашто неговите намисли добро ни се познати. Кога дојдов во Троада да го проповедам Евангелието Христово, иако вратата ми беше отворена во Господ, духот мој немаше спокој, бидејќи таму не го најдов мојот брат Тит; и затоа, откако се простив со нив, заминав за Македонија.
Прочитај 2 Коринтјаните 2
Слушај 2 Коринтјаните 2
Сподели
Спореди ги сите верзии: 2 Коринтјаните 2:3-13
Зачувај стихови, читај офлајн, гледај наставни клипови и уште многу повеќе!
Дома
Библија
Планови
Видеа