Популарни Библиски стихови од Lucas 18

Сподели

So Jesús huo'o da daloqnaxana co'ollaq huotaique da ỹapaxaguenec da nache 'eetai' da nqouagaxaueetrac soua lapaxaguenataqa, qataq saishet da nasamyiñi.

Qaq Ñim Lo'onatac 'Enauacna ¿peta'a saq 'eeteco' nataqa'en de'era, da iueelec cam lca'aguishec maye nachoxoreetacot Ñimaye naua na'axa'tesa'ache qataq naua pe'? Qaq ¿peta'a huo'o ca ỹectega? 'A'i saishet. Qaq Aỹem shenapec da ỹataqta qaica ca ỹega Ñimaye da iueelec ca lca'aguishec. Qalaxaye Aỹem Shiỹaxaua Llalec qom ñe'eguelaq, qaq ¿peta'a ñaq huo'o qome nam ỹa'amaqteetac Ñim Lo'onatac 'Enauacna nam huetalec ana 'alhua?»

Nache So Jesús 'enapeco': –Cam saishet da ỹañoxot na shiỹaxauapi, qalaxaye Ñim Lo'onatac 'Enauacna ishet da ỹo'ot.

Qalaxaye se'eso ỹale ỹataqta huo'oi soua na'axa'te da saishet da ilo'oguet asomaye. Qalaxaye co'ollaq qaỹoqtegue, nache somaye deuennataxaatac, 'eeta': ‹Aỹem na'aictoxo' da saishet da huo'o ca 'enec ñaqa'en Ñim Lo'onatac 'Enauacna qataq 'enauac nam shiỹaxauapi, qalaxaye asom pa'ai ye ỹapactec da aỹem sa ỹalemaxat. Qaq no'on da aỹem seueelec asomaye. Cha'aye da saishet da seueelec, nache asomaye saishet da ỹaxaañi da aỹem ñe'eguelaqtaua'a.›»

Cha'aye Aỹem shenapec na ỹaconeguet da lo'onataxanaxac Ñim Lo'onatac 'Enauacna da ilo'ogue 'enauacna, da huo'otaq saishet da 'eeta'am ca nogotolec, nache camaye saishet da ỹañoxot da inoxoneuo.

Qalaxaye So Jesús damaxasoxoneuga so ñaqpiolec, qataq 'enapegalo soua lapaxaguenataqa, 'eeta': –Ña qauaqaỹa'a qome na ñaqpiolec da Aỹem naua'a, saishet da sa qanashiñiiguet, cha'aye ca 'eeta'am ca 'oonolec namayepi, nache ishet da inoxoneua'a da lo'onataxanaxac Ñim Lo'onatac 'Enauacna.

Nache So Jesús 'enapeco': –¡Nagui 'anauaañi! 'Am no'oita, cha'aye Aỹem 'aua'amaqten.

Nache So Jesús 'enapeco': –¿Ta'ainco' ye qonetega da Aỹem soxoraic? Ye qaica ca lỹa soxoraic, 'oonolec Ñim Lo'onatac 'Enauacna maye soxoraic.