Популарни Библиски стихови од Jn 3

Сподели

Qa'a naq'aeta da'me Dios noqopitalo ena'uaque gaa'me aleua laje'pi, queda'me yanegue ñe'me mach'e Lec'oĝot jo'ne onolec, qaedi ena'uaque jogaa'me jo'ne p'iida'a joñe'me ja yitaĝa yele'u dite da'me yauata da'me 'loyaĝa'j jo'ne ja 'naidena'a.

Qa'a ñe'me Dios namaĝa'ña jena'me aleua ñe'me Lec'oĝot: ja namaĝa'ña jogaa'me aleua laje'pi qaedi ya'uo ga'me ne'uaĝanague'j, dite da'me qaedi nec'alaĝatedegue jogaa'me jiyaĝadipi.

Jesús 'yateguet: —Eja da'me am ja'aĝatem: joga'me jo'ne ja yitaĝa niyiñe ja yaqanatet ta'le yauana da'me lejaliaĝa joñe'me Dios.

Jogaa'me jo'ne p'iida'a ñe'me Dios Lec'oĝot qaya'te ne'uaĝanague'j; qalaĝaja jogaa'me jo'ne ja p'iida'a joote 'uo da'me ne'uaĝanague'j queda'me ja p'iida'a ñe'me Dios Lec'oĝot 'me onolec.

Joote 'uo da'me ne'uaĝanague'j qa'a yauo'oe jogaa'me jo'ne ja 'noe'n, qama'le ca'li novi' ñe'me necoyadaĝanaĝat jo'ne nec'achi'ña jena'me aleua qama'le gaa'me jiyaĝadipi ja yec'adeta joñe'me qa'a noqopideta da'me 'lalaĝa, ja noqopideta da'me 'yoqochiñe.

Joñe'me jo'ne Dios Liquiyac male nichiquetaye da'me 'namaqatenataĝanaĝac, qama'le da'me jayem nichique'tat da'me 'namaqatenataĝanaĝac.

Chane'eja ena'uaque jogaa'me jo'ne yauote da'me ja no'en 'uo da'me louelaqataĝanaĝac ñe'me necoyadaĝanaĝat, nataq'aen da'me ja nec'adeta joñe'me qaedi ja qoyecoyadelegue da'me 'yetedac jo'ne ja no'en.

Joga'me jo'ne p'iya'a ñe'me Lec'oĝot yauana da'me 'loyaĝac jo'ne ja 'naidena'a; qalaĝaja joga'me jo'ne ja yoqo'cha ñe'me Lec'oĝot ja yauana da'me lec'alaĝa, dite da'me taue da'me ne'uaĝanaguec 'me chiyaqayi joñe'me Dios.

Qama'le ena'am ñe'me Moisés ca'li yanajeguem ga'me nanaic di'me aleua jo'ne totapega't qaedi qonec'alaĝatedegue ga'me jiyaĝadipi, qama'le nach'e ena'am joñe'me Jiyaĝaua Lec'oĝot da'me qoyanajeguem qomle

Ñe'me Net'a 'uo da'me loqopich'i ñe'me Lec'oĝot, chane'eja yanem da'me lañoqotaĝanaĝac qaedi nejaliaĝatelo'te ena'uac gaa'me uo'oe.