Популарни Библиски стихови од JUAN 4

Сподели

Jajal Diose' Pixan, le máaxo'ob kultic túuno' unaj u kultico'ob ti' pixan yéetel ti' jaaj.

Ba'ale' táan u taal u kiinil, lela' dzo'oc xan u kuchul, le quéen kulta'ac le Taatao' ti' Pixan yéetel ti' jaaj, tumen le máaxo'ob jach tu jaajil yóolo'ob cu kultico'obo'. Le Taata xano' bey u káat ca u beet le máaxo'ob kultico'.

Ba'ale' le máax cu yukic le ja' quin dzáic ti'o', mixbin cu ca suut yu'ub ukaj; tumen le ja' kin dzáic ti'o' yaan u tuul bey jun p'éel sayab ichil leti'e', u ti'al u dzáic cuxtal mina'an u xuul ti'.

Jesuse' tu núucaj túun ti': Wa ca wojéelt ba'ax cu dzáic Jajal Diose', yéetel máax le cu káatic teech ja'e', jach tu jaajile' je'el a káatic ja' ti' tene', teen túune' je'el in dzáic teech cuxa'an ja'e'.

Ba'ale' Jesuse' tu ya'alaj ti'ob: In janale' in beetic u yóolal le máax túuxteno', yéetel in dzo'ocsic u meyaj.

Le co'olelo' tu ya'alaj ti': Yuumtzil taam le ch'e'ena' mina'an teech ba'ax yéetel a jóoksic le ja'a'. ¿Tu'ux can a jóokes le cuxa'an ja' u ti'al a dzáic teno'?

Le co'olelo' tu ya'alaj ti': Tene' in wojel yaan u taal le Mesíaso', u káat ya'ale' le Cristoo'. Le quéen taalaque' yaan u ca'ansic to'on tuláacal ba'al. Jesuse' tu ya'alaj ti': Teen, lelo' máax táan in t'aan ta wéetel.

Co'otene'ex a wile'ex jun túul máac dzo'oc u ya'alic teen tuláacal ba'ax in beetmaj. ¿Ma' leti' wa le Cristoo'?