Популарни Библиски стихови од JUAN 14

Сподели

Táan in bin, p'áatene'ex ich jéedzel. In jéedzel quin dzáic ti' te'ex. Ba'ale' ma' táan in dzáic je'el bix cu dzáic jéedzel le máaxo'ob yóokolcaabilo'. Ma' u sa'atal a wóole'ex mix a sajactale'ex.

Jesuse' tu núucaj ti': Teen le bejo', teen le jaajo' yéetel teen le cuxtalo'. Chéen tin wo'olale' cu páajtal u taal máac ti' le Taatao'.

Ma' u jach sa'atal a wóole'ex. A wocsmaj a wóole'ex ti' Jajal Diose' ocs a wóole'ex xan ti' teen.

Ba'ale' le Quili'ich Pixan cun u túuxt le Taata tin kaaba'o', u ti'al ca u yáante'ex yéetel u dzáic a wóole'exe', leti' cun u ca'ans te'ex tuláacal ba'al, yéetel yaan u ka'ajsic te'ex tuláacal le ba'alo'ob dzo'oc in wa'alic te'exo'.

Le máax u yojel yéetel cu dzo'ocbesic in wa'almaj t'aano'obe' táan u ye'esic jach tu jaajil u yaamaen. In Taatae' yaan u yaabiltic le máax u yaamaene', teen xane' yaan in yaabiltic yéetel yaan in we'esiquimbáa ti'.

Teen túune' yaan in káat óoltic ti' le Taatao' ca u túuxt ti' te'ex u láak máax áantique'ex yéetel u dzáic a wóole'ex, u ti'al ca yanac mantadz ta wéetele'ex: u Pixanil le jaajo', le máaxo'ob yóokolcaabilo'obo' ma' tu páajtal u kamico'ob, tumen ma' tu yilico'ob mix u kaj óolo'obi'. Ba'ale' te'exe' a kaj óole'ex tumen leti'e' ti' yaan ta wéetele'ex yéetel yaan u p'áatal mantadz ti' te'ex.

Tuláacal ba'ax ca a káate'ex tin kaaba'e' bíin in beete, u ti'al ca e'esa'ac u nojbe'enil le Taatao' tumen le Paalo'. Tene' bíin in beet je'el ba'alac ca káate'ex tin kaaba'e'.

Wa a yaabiltmaene'exe' dzo'ocbese'ex in wa'almaj t'aano'ob.

Tu yotoch in Taatae' yaan ya'abcach cúuchilo'ob tu'ux cu yúuchul cajtal. Wa ma' bey anilo', tene' dzo'oc in wa'alic ti' te'exe'. Bey túuno' bin in ca'aj in nu'uct jun p'éel cúuchil a ti'al te'ex.

Cu dzo'ocol in bin yéetel in nu'uctic te'ex jun p'éel cúuchile' yaan in suut tu ca'a téen u ti'al ca in bise'ex tin wéetel, u ti'al ca yanaque'ex ti' le cúuchil tu'ux quin wantal teno'.

Tomase' tu ya'alaj ti': Yuumtzil, ma' c ojel tu'ux ca bini' ¿Bix je'el u páajtal c ojéeltic u bejile'?