Популарни Библиски стихови од मत्ती 4

Сподели

“खेःल ‘मान्‍ताइपाय् जेःगा जेःती झुङ्आले स्‍याक्इली परमेस्‍वर्‌इ तोआ कुरा ङ्‌हाम्‌ती ह पेआ जीङः दोःती स्‍याक्‌नै’ त दाय्‍ह्‌ती दाय्‍ह्ओ परमेस्‍वर्‌कोः आखरःहाङः लेखती मुनाः” त दाय्‍ह्‌ती येसु त्‍याङ्आ।

“लौ आल्अ नाङ् सैतान्‌पाय्। ‘नाङ्इ परमेस्‍वर्‌कायः झुङ्आले बाःती झाह्‌ती स्‍यवसा खेःनाः। ओउःकोः काम् ह जाङ्‌ह्उ दा’ तमा आखरःहाङः लेखती मुनाः” त दाय्‍ह्‌ती येसु त्‍याङ्आ।

“खेःल ‘नाङ्इ लयःकोः परमेस्‍वर्‌कोः ल्‍हुङ्‌तुक् योसा काम् जाङ्‌ह्‌सा स्‍याव्‌ल’ त दाय्‍ह्ओमा लेखती मुनाः” त दाय्‍ह्‌ती येसु त्‍याङ्आ।

ओहाङःसैको बाप्‍तीस्‍मा त्‍याक्आक्‌तीको येसुकायः परमेस्‍वर्‌कोः ग्‍वालामःइ मान्‍ता याक्‌गार्‌सीःमालो बेलाङ्‌ताङ् आलःती गम्‌लाङ् दाक्आथै। ओहाङः मुतोक्‌हाङः सैतान् त तोओ अरुसै ताङ्‌ह्ओ लान्इ येसुकायः “थ्‍योन्‍ह्‌ती होम्‌सा खाय्‌नौया खाय्उलुया” त दाय्‍ह्‌ती योसाकायः आलःआथै। ओहाङःसैको चालीस् दीन्‌च्‍युक्‌कायः येसुइ दोह्‌मा जेःमाःत उपाङ् काःती मुआ। ओःनम् दीन् पुत्आक्‌तीको ओउःपाय् आन योङ्‌क्राय्ओ खेःतो।

ओहाङःसै ओउःनीस्‌कायः च्‍यवःआक्‌तीको “लौ नीङ्‌जी ङाकुस् वाङ्‌ज। ङाकुस् वाङ्आक्‌तीको नीङ्‌जीइ लाङः वार्‌मामाःत ङाइ तोओ पेओ समचार्‌ वार्‌ती ङाकःताङ् मान्‍तालम् वानःतेःनाःजु” त दाय्‍ह्‌ती येसुइ तोथाचतो ओउःइ तोओ कुरा सायःआक्‌तीको ओउःनीस् पुःचाःइ लाङः फेती येसुकुस् वाह्आकाच।

ओहाङःसैको ओउःतोक्‌हाङःसै येसुइ सबैकायः गानाक्‌ती तोती “लौ परमेस्‍वर्‌कोः राजी दाङ्‌खेःनाः बा ओउःत झ्‍यान्‍ते लःलयःकोः रेव्ओ काम्‌खे फेती परमेस्‍वर्‌कोः पेओ कुरा ङ्‌हाम्‌ती जाङ्‌ह्‌नु दा” त दाय्‍ह्‌ती येसुइ थोल्‍ह्‌ती तोओ खेःतो।