Популарни Библиски стихови од Luka 8

Сподели

Bwo hun okwahinie liboro hun oyiji, isi aati hul itayirye’to nekyana ette ’tunana itajya hosi hun oyiji bwo fe obeŋi inyobye ette fwanna ŋijuna aŋer ta adihan hosi.

Nenyomo hun ofodoŋonie’to itwa hikwa isi aati hul itayiruni’to ati itabunari ebariti iko ehawwata bwo emuniti huno afau ana isi bwo aŋer hosi obeŋi odori.

Nenyomo hutto morwoi isi aati hul itayirye’to nekyana ette ifwotuna ta namuno ati obeŋi jihosi nadde, iruhi isi do, ati al attu esusuyo ette isi ipal addi.

Ojo inyi jihosi, ?Tani neruk hatai? Bwo isi ette baŋi bwo fe illillihai ette ikikyana ta ahwattek hosi ojori, ?Anyo tulo olo al itadwa’to oyyami iko aari, ette isi dwa?

Nenyomo hutte koi isi aati hul itayirye’to nekyana ette etisyahani ’tuna ette kwararu ekyanita addi to tajya hosi ette isi byaŋan iruk ette ilak italahuno.

Onuhani laati omuk erre jo oŋida ihalu inyyahi bwahuna isi. Imuhoni laati erre jo oŋida ihalu inyyahi isi duhuna.

Inya igonyu aŋotte jo abeŋ inyi aremik dima, ottu inyi an ikikiro ette rigoŋi ihosyere honyi ette iramana jihonyi ihosyere wati daŋ ojo, Attir ni Yesu bwo aŋida ahwan hoŋ. Ojo Yesu jihonyi, Hanioŋ, itaŋida neruk hoi iye. Ilo ta nelik taji.

Ette isi itaheny inyi ojo, Leittok, leittok, ejo hohoi eye. Odyoto Yesu ette ifahina oyyami iko afolyak folyak hari hotodwahi. Ette asiŋit dwa ette aari ŋettyo dee.