Популарни Библиски стихови од Aba Vatowo 6

Сподели

Igitedi, mana nuwomou ina madágina manuna nuwona ikatuvilavila, e pasina mana kategeda gagaina gamona igoyo.

E Yauwe ikandosobu tomota idi goyo igitedi sivakaigaga be nakae tuta liliuna idi nuwogau liliudi nuwodi goi sigoyo.

E kina go Nowa ituli, Yauwe ikanuwoiye.

E ame moe kina Nowayana tetelina. Tetalayana ame nakae: Nowa Yaubada nuwona ana tayamo o kada tomota liliudi yaidi goi tauyana anetava geya ana pikwanamo. Tauyana iiketoiya nakae Yaubada iuyaone.

Tuwo idigo kana, ‘Ategu igeda guna madágina pasina. Neta boi geya aodugudita! Tauna tauyadi boi aodugudi ame bei asamatedi, tomota, yoguyogu, dogoi daladalaidi be nakae mánuwo. Geya kada tayaamo poyapoya goi bei ikaaiyaka geya.’

Tuwo tomota poyapoya ana madabokina goi bogina sisusáila go, yaidi goi natudiyao vevina sibíbina. Amo tutayana Yaubada natunao koroto vevinayadi sigitedi gumaboidi, e ava vevinava latuwodi, e sikinavedi bei sinaidi. Tuwo idigo kana, ‘Geya atagoneta guna togaga maa yawoina ikaiyako vata tomota yaidi unana tauyadi sakava kaka. Tauna adi tala bei akatuyaivi tayamo andedi tuwenti (120) baige sikámasa.’ E amo tutayana be nakae tuta mlina Napilim poyapoya goi sikaaiyaka. Ego boi tutayana vevina Yaubada natunao taiyao simasisi, e vevinayadi sikéuwama, sivenátuna, natudiyao moe kidi Napilimyadi. E tauyadi tovayaviya toogagaidi be nakae valedi gagaidi.

E tuwo moitamo moe nakae iguinuwe. Kaga liliuna Yauwe iidigedi Nowa nakae iguinuwedi.

Tuwo Yaubada Nowa ilatuwoko idigo kana, ‘Bogina alovina bego kaga liliuna maa yawoidi bei amtulidi unana tauyadi pasidi poyapoya aigoyo goi ikayaoda, tauna kunōve. Tauyadi poyapoya taiyao bei abugoyaidi.

Kom kūna alova dedevidi kutalāidi, kumēdi, dedeoga tayamo gagaina kuyōwo kom manum. Kuyowo ikavava, sinaena kuvabodāupe go, sinaena be nakae toluye kubwadēdi.

Tuwo da poyapoyayadi kina Yaubada igitedi, e moitamo bogina sigoyo toina unana poyapoyayana goi kaga liliuna maa yawoidi idi sinapu bogina sikaigoyaidi.

Ame nakae kuguinūwe: Kaga liliuna neta maa yawoidi tamo tamo ituli ituli aiyuwo aiyuwo, bolamo tayamo, bovavina tayamo dedeogayana goi kudodōidi bei kuyavedi maa yawoidi sikaaiyaka kom taiyao.