Популарни Библиски стихови од Aba Vatowo 4

Сподели

Neta im guinuwa dedevina, bei mam uyáwana ae? Go neta im guinuwa geya idedevineta, e bágala yoguyogu sasasaina nakae totom goi iyokabúbuna; latuwona kom ilovinaem go, ina togaga kulovināe.’

Niga Seti ibíbina gagaina ivenátuna, natuna koroto yoina Enosi. E amo tutayana goi tomota sivatowo Yauwe yaina sisakululu.

E Yauwe Keni ilatuwoko idigo kana, ‘Siyam Ebeli nako?’ ‘Seki, geya ayagoiyeta. Manakae? Yau siyagu ana tomatakavata?’ Keniyana kaena.

Go kina Yauwe idigo kana, ‘Moe kaga kuguinuwe! Kunōve! Siyam ikaikaina tomota nakae poyapoya goi itaiyaduduwo yau yaigu. Latuwona im kaumata pasina yau akatumapum.

Tuwo kina Yauwe idigo kana, ‘Moe nakae geya. Ame nakae bei aguinuwe: Avatau neta ikaumatem, tauyana ana katumapu moe aliune gagaina toina.’ E tuwo tayamo aba kinana Keni goi iyato, govila bei avatauwa neta tauyana sibabane sikaumate.