Популарни Библиски стихови од Zâŋ 3

Сподели

Ɓayhí̧lé, Gáŋvbôn zi njuku a tísiriri mambá, dáy a hí̧ Gun mbêw a mɛ̌, rá̧lǒo njuku mí láɓulaw hí̧ nɛ́ lé, ké ɓɔ́l yá, ké ziŋ káwa ndísɛ̌ʼɛ dát.

Gáŋvbôn katína, zi pé Gun a mɛ̌ gí tísiri ɓay a ké gí walɓay kɔ̧ tûl njukuri yá, dáy ɓay a njukuri kú ziŋ pɛ̧́na ka ŋgboro a mɛ̌.

Zezú fere a sa hí̧ nɛ́: «Katína mi sa hí̧ mɔ́: Kú mí zi mbuŋ njuku ɓá a féké yáy, ké tí kó Pû a Gáŋvbôn nyá.»

Njuku ka láɓulaw hí̧ Gun a Gáŋvbôn, kú tí walɓay kɔ̧ tûlé yá, a njuku, ka zi láɓulaw hí̧ nɛ́ nyáy, kú walɓay kɔ̧ tûlé dá, ɓayhí̧lé, ké zi láɓulaw hí̧ Gun mbêw a Gáŋvbôn nyá.

Nǎŋnɔ́, í kó báŋké ka walɓayké e niŋáy: Geltáŋa gí tísiri, dáy njukuri zi tirí̧ma ndé geltáŋa, ɓayhí̧lé péna niŋa a kuriri zi belyá.

Belɓá ké hɔ̧́ sé mbɛl, a mǐ, mí resé fal.

Njuku ka niŋ hɛ̧ belyáy, ŋgú geltáŋa, ɓayhí̧lé, ké erú ka wɔ́w, ɓay a ɓékéhɛ̧ a mɛ̌ri̧, ké zi ná tɛ̧́ kɔ̧ kála.

Njuku ka láɓulaw hí̧ Gun e ziŋ ndísɛ̌ʼɛ dát, a njuku ka zi láɓulaw hí̧ Gun nyáy, tí ziŋ ndísɛ̌ʼɛké nɔ́ dát nyá, dáy ɓá hɛ́rɛ a Gáŋvbôn pé e ɗere kɔ̧ tûlé.»

Ɓá báŋké ka Mɔyíze gbaŋ sôy sé sâa ka lawkɔ́r, nǎŋnɔ́ kɔ́, belɓá kú gbaŋ Gun a njuku sé sâa

Bâa zi Gun dáy a ɓá hɛ̧ri̧ too kɔ̧ ɓil ndɔ̂ʼɛ.