Популарни Библиски стихови од Matiyò 6

Сподели

Ndi è lòmè lì arza hweyà hwe lìkànèyà là ama Lohwɛ̀ lì aka hweyà hwe arzɛ. Ndèŋgana è gbèèyè hvɛ mamɛ ema Lohwɛ̀ à arza nanù ema è gbèèyè. È gbèyi tɛ nanù, Lohwɛ̀ à è ŋgbà hwenɛyi hwèmà hwe arzɛ.

O èŋgànɛ̀lɛ̀ rzɔ, e rza ahvahvɛ lì hvòmɛ̀nɛ̀ è ŋmɛ̀lɛ̀. È ŋmɛ̀lɛ̀ yɔ̀ yiti yò ò òhva è mà eni mètàkà ema mè ò mò tanɛ̀. Wùnyà tɛ wò hwɛnì è jà eni ndùtù.”

“Ɔ̀ndeŋgàtɛ̀, nà è òhweyà nanù ema, è rza atàkìrzɛ̀ ò lòŋgɛ, ò inyɔ lì òhwa nanù ema, mamɛ jò ò lɛ̀ɛ̀, tɔ̀ mamɛ jò ò nyɔ, tɔ̀ mamɛ ema jò ò wɔ̀tɛ. Rzeke lòŋgɛ lì hwɛnì wòlìtò lì aka mòlelì e? Ndèŋgànà rzeke è nyò hvɛ è hwɛnì wòlìtò lì aka lìwɔtì e?

Ndi inyɔ è kanɛ̀ tɛ, è kpèeyà ò tùu ja anyu, è umbe màwòhva rzìi è kanɛ̀lɛ̀lɛ̀ Lohwɛ̀ Tatɛ̀ wà anyu, ema tɔ̀ mòtò à rza ɛnɛ. Aŋga ndi Lohwɛ̀ Tatɛ̀ wà anyu ema à ɛnɛ mamɛ è gbèyɛ̀nɛ̀ ò wùndɛ̀, à è rzaweya.

O èŋgànɛ̀lɛ̀ rzɔ nanù ndi inyɔ è hwɛnì lì kanɛ̀, Lohwɛ̀, Tatɛ̀ wà arzu ema ò hwèlì ò ŋmanyu, èluhwe è hwɛ nà lìinà là aŋgɔ̀. Inyɛ̀ lìkànèyà là aŋgɔ̀ lì jèe, lì jò kànèyà. Inyɛ̀ hwatò hwà ene rze yà mɔ̀nyɛ̀ hwa gbèèyè hweyà ema ò wà ò arza, nà òma è gbèyɛ̀nɛ̀ ò ŋmanyu yà lohwà.

Ò jò ŋgbe lì làa là arzu là wùnyà wò yàwònò.

“Ò jò làkìrzɛ̀ wòhwe wò arzu, nà òma irzɔ̀hvɛ i làkìrzɛ̀ tɔ̀ ima mòtò ema à jò gbeyànì wòhwe.

Ò rzi emeyà nanù ema, i unde ò màkèkìrzɛ̀nɛ̀, ndi ò jò hvɔ̀ɔ̀tè ò màà mà amà Mòkarzɛ̀.

Èhwanja è làkìrzɛ̀ tɛ hwatò ema hwa è gbeyàna lìwurze, Lohwɛ̀, Tatɛ̀ wà anyu wà è ŋmanyu yà lohwà mɔ̀ hvɛ à è làkìrzɛ̀.

È ɔŋgɔ̀ tɛ̀ hwènɔ̀nì, hweyɔ hwe rza ònà tɔ̀ hwema, hwe rza hvata tɔ̀ mbòtà, ndèŋgànɛ̀lɛ̀ hvɛ hwe rza òhvi tɔ̀ èki ya lì uta è mbòtà. Ndi Lohwɛ̀, Tatɛ̀ wà anyu wà ŋmanyu à hwe lìrzɛ̀! Rzeke inyɔ è hwɛnì wòlìtò nà mɔ̀ lì aka hwènɔ̀nì e?

“È rzi keka lì awutɛlɛ mònàmɛ̀ anù rze yà mɔ̀nyɛ̀, èki ema lìrziyɛyi nà màaŋgàaŋgò mà hvaŋga hwèèmà, ema hwayihwɛ hwa ò gbɛɛ è ndawò ò lì kpèeyà lì ihwa. Ndi è ute mònàmɛ̀ mò anyu ò ŋmanyu yà lohwà. Èki ema lìrzìyɛ̀ nà màaŋgàaŋgò mà rza ò hvaŋgɛ hwèèmà. Ndèŋganɛlɛ hvɛ, hwàyihwɛ̀ hwa rza tànɛ lì gba e ndawò ò lì hwe ihwa. Ŋmèemà mò mòtò mò hwèlì ndi èki ema lùùtà lì eni lì hwèlì.

“O rzà ènje tɔ̀ mògbèèlì tɔ̀ mɔ̀kɔ ema à tànɛyi lì gbèeyà rzàŋgò ihwàkɛ ò ŋgèlì hvɔ̀kɔ. À hwɛnì lì kɔ̀ɔ mɔ̀kɔ, rzìi à lìŋgàna ɔ̀nɛ̀yi. À ò gbèeyà mɔ̀kɔ nà ŋmèemà mò eni mò arzɛ, rzìi à ndinda ɔ̀nɛyi. Ò rza tanɛ̀ lì hwɛ è mògbèèlì wà àma Lohwɛ̀, rzìi ò hwɛ hvɛ è mògbèèlì wà màlì.”

Lohwɛ̀ à wɔ̀tìrzɛ̀ tɛ hwèwùle hwe lìkòmbà là wàŋgà ema hwe hwèlì anù yàwònò rzìi ŋmɛ̀lɛ̀ hwe àŋgbahwa ò mùnya. Mɔ̀ à rza tànɛyi lì è wɔ̀tìrzɛ̀ lì akà hwèwùle e? Mamɛ ndeŋgàtɛ màlòkɛ̀ mà anyù mà utu e?”

Ndi ò ŋgbelì tɛ mòtò yòma ema mɔ̀ à endèli, ò rzi keka lì gbeyà ema tɔ̀ è mbunda yà aŋgɔ yà ndìŋgɛ yà màlìŋgò à hwiye mamɛ ema ò ŋgbelì. Aŋga nanù tɔ̀ mòtò à rza hwiya mamɛ ema ò mò ŋgbelì. Aŋga ndi Lohwɛ̀, Tatɛ̀ wà aŋgɔ̀ ema à ɛnɛ hweyà ema hwe gbèyɛ̀nɛ̀yi ò wùndɛ̀ à ò rzaweyà.”

“È aŋgòwe! È rzìi gbeyà èwòlò yà anyu yà Lohwɛ̀ èhwanja è arza nanù ema hwatò hwa è ɛnɛ. È gbèyi tɛ nanù, è rza lùwa tɔ̀ mòrzawèlì na Tatɛ̀ wà anyu ema à hwèlì ò lìkànèyà là ŋmanyu.”

“È hwèlì tɛ ò mòkìyà njàwò, è rzìi emeyà ema màrzò mà anyu mà ɛneya rzɔ̀luu, nà òma hwatò hwa mèhvìlì hwa gbeyà. Hwatò hwa mèhvìlì wɔ̀ hwa nyùkɛ̀ marzò mà awu aŋga nanù òma hwatò hwa mà ayèmbɛ ema hwa hwèlì ò mòkìyà njàwò. Nà è òhweyà nà è jɔ̀kɛ̀ ema, wɔ̀ hwa mà màa lì lùwa mòrzawèlì mò awu mò arzɛ. Ndi è hwèlì tɛ ò mòkìyà njàwò, è rzòrzè màrzò mà anyu, è rzàrzòhwe hvɛ mahvumbu mà anyu. È gbèyi tɛ nanù, hwatò hwa rza ayèmbɛ ema è hwèlì ò mòkìyà njàwò. Lì aka tɛ Lohwɛ̀, Tatɛ̀ wà anyu mɛnɛ ema tɔ̀ mòtò à rza ɛnɛ. Mɔ̀ à ɛnɛ hweyà hwe arzɛ ema è gbeyà ò jututa, ndèŋgànɛ̀lɛ̀ mɔ̀ ndi à hwèlì è mɔ̀ ema à è rzaweyà.”