Популарни Библиски стихови од От Иоанна 6

Сподели

Иисусым пикӣ: «Хўаңаңӯқ нықыкшаңлъяқ уңувалъылитикаюк. Кина та̄на тагилӷӣ хўаңамнун алъямыңлъю игатаӷна̄нӷитуқ. Китум та̄м ухпықыхкумиңа алъямыңлъю мықсюгна̄нӷитуқ.

Таӷныӷак уңувалъылитикаюгӯк, иўырңа ю̄к уңувалъылитина̄нӷитуқ. Акузитынка лъпысинун таӷныӷа̄гутлъю уңувалъҳӯтлъю.

Қыпҳа̄тыхпына̄н нықа мулюңигалңуқ. Йыӷлыги қыпҳа̄тақитыху нықа на̄вьяҳқа̄нӷилңуқ, кынлыңуна̄н уңувалъыңыстикаюк. Таўатылңуқ нықа Иӷныӷан Югым тӯньяҳқақа лъпысинун, қаюҳлъяк Кияӷныӷым Атам итагнақыхкақа̄ лъңа».

Уна Атама Пиюкылъқақа: китум алңунак ысҳаӷлюку Иӷнықа ухпықыхкумигу кынлыңилңуӷмың уңувалъыңылъықуқ. Ынка̄м уңуваҳлъықақа киңулиӷми аӷныӷми».

Иисусым кӣмсиқӣ: «Лъпысинун қыпҳақақ Кияӷныӷым писқысюка̄ ысҳа уна: ухпықысқылъюку та̄на ата̄сиқ Кияӷныӷым каяхтыка̄».

Кина алңунак Атам тагивақа̄ тагияҳқа̄гуқ хўаңамнун. Иҳсяксяҳқақынӷитақа кина алңунак тагилӷӣ хўаңамнун

Симон Петырым кӣмсиқа̄: «Атанық, китумунңам пилъықыста? Лъпык акузитыхпык а̄пҳақа̄ натын алъхыӷутылъыҳқақ кынлыңилңуӷмың уңувалъыӷмың.

Хўаңа уңувалъылитикаюгӯңа, нықыкшаңлъяқ укикақ қилягмың. Китум алңунак ныӷыхкумигу та̄на нықыкшаңлъяқ, кияҳсяҳқа̄гуқ қӯнпырухлъяк. Та̄на нықыкшаңлъяқ кымыкшакақа, тӯнақыхкыхка нунам юги уңувалъыңысқылъюки».

Атаңӯқ каяхтикақ хўаңамның. Кина алңунак тагина̄нӷитуқ хўаңамнун ўыткуқун Атам тагистыкумигу хўаңамнун. Ынка̄м уңуваҳлъықақа киңулиӷми аӷныӷми.

Кияӷныӷым нықыкшаңлъя̄ ысҳа та̄на ата̄сиқ укикақ қилягмың, тӯнилӷӣ уңувалъыӷмың нунам юганун».

Хўаңа нықыкшаңлъя̄гуңа тӯникаюк кынлыңилңуӷмың уңувалъыӷмың.

Та̄хкын Иисусым тугулюки нықыкшагыт, игамсиқаюглюни Кияӷныӷмун, тунқуҳтыстыкӣ ақумӯткаҳлъягнун тама̄вык. Таўатыҳпигақ иқалъюгык пики, қамахлъютың ныӷӯткат кыпсюлъыӷмыхнун. Қамахлъютың кыпсю̄сята Иисусым малихся̄ҳтыни пикӣ: «Қырңуҳтыху тама̄на ныӷумаңилъкаңат, сякусӣқыхпынаки».

Ӣўынлъю аңўа̄ӷмың на̄йвам қука̄нун лъӣӷақут, ысҳақа̄т Иисус мыҳқун пиюгмың тагилӷӣ аңьямун ынка̄м алиңрӯӷуткат. Иўырңа Иисусым пикӣ: «Алиңыхпынаси, Хўаңаңӯңа».