Популарни Библиски стихови од लूका 23

Сподели

तब यीसु कहिन, “हे पिता, इनहीं माफ करी, काहेकि ईं पंचे नहीं जानँय, कि हम का कइ रहेन हँय।” अउर ऊँ पंचे परची डारिके उनखे ओन्हन काहीं बाँटि लिहिन।

यीसु ओसे कहिन, “हम तोंहसे सही कहित हएन, कि तूँ आजय हमरे साथ स्वरगराज माहीं होइहा।”

तब पहिल बाला कहिस, “हे यीसु, जब अपना राजा बनिके राज करब, तब हमार सुधि लेब।”

अउर यीसु खुब चंडे से चिल्लाइके कहिन, “हे पिता, हम आपन आत्मा अपना के हाँथे माहीं देइत हएन।” अउर एतना कहिके प्रान छोंड़ दिहिन।

जब ऊँ पंचे उआ जघा माहीं पहुँचे, जउने काहीं खोपड़ी कहत हें, तब ऊँ पंचे यीसु काहीं अउर ऊँ कुकर्मिन काहीं घलाय, एकठे क दहिने कइती, अउर दुसरे काहीं बाएँ कइती क्रूस माहीं चढ़ाइन।

अउर करीब दुपहर बारा बजे से लइके, तीन बजे तक सगले देस माहीं अँधिआर छाबा रहिगा, अउर सुरिज के उँजिआर देब बंद होइगा, अउर मन्दिर के परदा बीच से फाटिगा

जउन कुछू इआ भा रहा हय, सुबेदार देखिके परमातिमा के बड़ाई करँइ लाग, अउर कहिस, “जरूर ईं धरमी मनई रहे हँय।”