Популарни Библиски стихови од यूहन्ना 13

Сподели

हम तोंहईं एकठे नबा हुकुम देइत हएन, कि ‘एक दुसरे से प्रेम करा: जइसन हम तोंहसे प्रेम किहेन हय, उहयमेर तुहूँ पंचे एक दुसरे से प्रेम करा।’ अगर आपस माहीं प्रेम करिहा, त एहिन से सगले मनई जनिहँय, कि तूँ पंचे हमार चेला आह्या।”

अगर हम गुरू अउर प्रभू होइके, तोंहार पंचन के गोड़ धोए हएन; त तोंहऊँ पंचन काहीं एक दुसरे के गोड़ धोमँइ चाही। काहेकि हम तोंहईं नमूना देखाय दिहेन हय, कि जइसा हम तोंहरे साथ किहेन हय, तुहूँ पंचे घलाय उहयमेर किहा करा।

तब यीसु उनसे कहिन, “जउन हम करित हएन, तूँ अबे नहीं जनते आह्या, पय एखे बाद जनिहा।”

हम तोंहसे सही-सही कहित हएन, कि दास अपने मालिक से बड़ा नहीं होय; अउर न पठबा, अपने पठमँइ बाले से।

तूँ पंचे त ईं बातन काहीं जनते हया, अउर अगर तूँ पंचे इनहिन माहीं चला, त धन्य हया।

एसे ऊँ खाना खाँइ से उठिके, अपने ऊपर बाले ओन्हा उतार दिहिन, अउर अँगउछी लइके अपने करिहा माहीं बाँधिन। अउर बरतन माहीं पानी लइके, चेलन के गोड़ धोमँइ लागें, अउर उआ अँगउछी से जउन करिहाँ माहीं बाँधे रहे हँय, ओहिन से पोंछँइ लागें।