Популарни Библиски стихови од ПСАЛМИ 119

Сподели

Твоето слово е светилка на мојата нога и светлина на мојата патека.

Во срцето го запазив Твојот збор, за да не згрешам против Тебе.

Како ќе го запази младиот човек чист својот пат? чувајќи ги Твоите зборови.

Блажени кои: ги чуваат Неговите сведоштва, Го бараат со целото срце.

Ти Си мој штит и мое засолниште, Јас се надевам на Твоето слово.

Научи ме да се придржувам кон Твојот Закон и ќе го чувам со сето срце.

Приклони ми го срцето кон Твоите прописи, а не кон среброљубие!

Добро ми е дека се мачев за да ги научам Твоите повелби.

Во неволја Твојот збор ми е сета утеха, тој ми е живот.

Упати ме по патеката на Твоите заповеди, зашто јас се насладувам во неа.

Покажи ми ја Господи, врвицата на Твоите правила и јас ќе ја чувам до крај.

Мојата душа рони солзи од тага, подигни ме според Твојот збор!

О, колку го љубам Твојот Закон, по цел ден размислувам за него.