Популарни Библиски стихови од ПОСЛОВИЦИ 3

Сподели

Надевај се на Господа со сето свое срце и не се потпирај врз сопствениот разум. Мисли на Него на сите свои патишта и Тој ќе ги исправи твоите патеки.

Не замислувај дека си мудар: Бој се од Господа и отстранувај се од злото

Почитувај Го Господа со својот имот и со првините на сиот свој приход, и твоите житници ќе бидат преполни, и твоите каци ќе се прелеваат со ново вино.

Нека не те оставаат добрината и верноста, обеси ги околу својот врат, запиши ги врз плочата на своето срце

Сине мој, не ги отфрлај Господовите опомени, и немој да го замразиш Неговиот укор, зашто кого Господ го љуби, него и го изобличува како таткото синот, кого го љуби.

Сине мој, не ги заборавај моите поуки, и твоето срце нека ги чува моите заповеди, зашто ќе ти ги продолжат деновите и годините на животот и ќе ти додадат мир.

Блазе му на човекот, што ја нашол мудроста и на човекот, кој го придобил разумот. Подобро е да се придобие таа отколку да се придобие сребро, и таа е поголема печалба и од златото. Поскапоцена е од бисерите, и колку и да се твоите скапоцености, не можат да се споредат со неа.

Не крати им добротворство на оние што имаат потреба кога можеш да го направиш тоа.

Господ ја основа земјата со мудрост и ги зацврсти небесата со умот