Популарни Библиски стихови од ПОСЛОВИЦИ 13

Сподели

Дружи се со мудрите, и ќе станеш мудар, а кој другарува со безумниците станува лош.

Кој ја пази својата уста го пази својот живот, а кој зборува невнимателно, за главата му е.

Кој ја штеди прачката, го мрази својот син, а кој го љуби, го казнува на време.

Одложуваната надеж го изнемоштува срцето, а исполнетата желба е дрво на животот.

Правдата го чува непорочниот во патот, а гревот го сосипува грешникот.

Со измама придобиено богатство исчезнува, а кој собира со труд, го умножува.

Гордоста раѓа само препирки, а мудроста е во оние, кои примаат совет.

Добриот човек го остава наследството на своите внуци, а богатството на грешникот се чува за праведникот.

Мудриот син ја слуша татковата поука, а потсмевачот не го слуша изобличувањето.

Сиромаштија и срам ќе дојде за оној, кој ја отфрла поуката, а кој го прима укорот ќе дојде до чест.