Популарни Библиски стихови од ЕРЕМИЈА 11

Сподели

Речи им: ‘Вака зборува Господ, Израелевиот Бог: „Проклет да биде човекот, кој не ќе ги послуша зборовите на овој Завет, зборовите што им ги заповедав на вашите татковци кога ги изведов од Египетската Земја, од онаа вжарена печка, говорејќи: ‘Послушајте го Мојот глас и правете сѐ што ќе ви заповедам: тогаш ќе бидете Мој народ, а Јас ваш Бог,’

Но Ти, Господи над Војските, Кој судиш праведно, Кој ги испитуваш срцето и бубрезите, дај ми да видам како им се одмаздуваш ним, зашто Тебе Ти ја доверив својата парница.

Но тие не слушаа и не го приклонија своето уво, туку се поведоа по закоравеноста на своето срце. Затоа дозволив да се исполнат на нив сите зборови на овој Завет, за кого им заповедав да се придржуваат за него, но тие не се придржуваа за него.’“